ಮಕ್ಕಳು ಎಷ್ಟು ಸಮಯ ಟಿವಿ ಮತ್ತು ಮೊಬೈಲ್ ನೋಡಬೇಕು?..ಯಕ್ಷ ಪ್ರಶ್ನೆಗೆ ಉತ್ತರ!

0-12 ತಿಂಗಳ ಮಕ್ಕಳು

*ನವಜಾತ ಶಿಶುವಿಗೆ 14 ರಿಂದ 17 ಗಂಟೆ ನಿದ್ದೆ ಬೇಕಾಗುತ್ತದೆ

*ನಿರಂತರ ಮುವತ್ತು ನಿಮಿಷ ಮಗು ಹೊಟ್ಟೆ ಮೇಲೆ ಮಲಗಬೇಕು.

* ಕಡ್ಡಾಯವಾಗಿ ಗ್ಯಾಜೆಟ್ ಬಳಕೆ ನಿಷಿದ್ಧ.

1-2 ವರ್ಷ ಮಕ್ಕಳಿಗೆ

*11 ರಿಂದ 14 ಗಂಟೆ ನಿದ್ದೆ ಬೇಕಾಗುತ್ತದೆ.

*ಕನಿಷ್ಠ ಮೂರು ಗಂಟೆ ದೈಹಿಕ ಚಟುವಟಿಕೆ.

*ಒಂದು ಗಂಟೆ ಗ್ಯಾಜೆಟ್ ಬಳಕೆ ಮಾಡಬಹುದು( ನಿರಂತರವಾಗಿರಬಾರದು).

2-5 ವರ್ಷ ಮಕ್ಕಳಿಗೆ

*10 ರಿಂದ 13 ಗಂಟೆ ನಿದ್ದೆ ಬೇಕಾಗುತ್ತದೆ.

*ಕನಿಷ್ಠ ಮೂರು ಗಂಟೆ ದೈಹಿಕ ಚಟುವಟಿಕೆ.

*ಒಂದು ಗಂಟೆ ಗ್ಯಾಜೆಟ್ ಬಳಕೆ ಮಾಡಬಹುದು.

5 - 10 ವರ್ಷ ಮಕ್ಕಳಿಗೆ

* ಕನಿಷ್ಠ 10 ಗಂಟೆ ನಿದ್ದೆ ಬೇಕಾಗುತ್ತದೆ.

*ಕನಿಷ್ಠ ನಾಲ್ಕು ಗಂಟೆ ದೈಹಿಕ ಚಟುವಟಿಕೆ.( ಹೊರಾಂಗಣ)

*ಒಂದರಿಂದ ಎರಡು ಗಂಟೆ ಗ್ಯಾಜೆಟ್ ಬಳಕೆ ಮಾಡಬಹುದು.

ಮೊಬೈಲ್‌ನಿಂದ ನಿದ್ರಾ ವ್ಯವಸ್ಥೆಗೆ ತೊಂದರೆ.

ಮಾನವನ ದೇಹಕ್ಕೆ ಅಗತ್ಯ ಪ್ರಮಾಣದಷ್ಟು ನಿದ್ರೆ ಬೇಕು. ಮಕ್ಕಳಿಗೆ ಇನ್ನು ಹೆಚ್ಚಿನ ನಿದ್ರೆ ಇದ್ದರೆ ಉತ್ತಮ. ಆದರೆ, ಹೆಚ್ಚು ಮೊಬೈಲ್ ಬಳಕೆ ಮಾಡುವ ಮಕ್ಕಳನಿದ್ರಾ ವ್ಯವಸ್ಥೆಯಲ್ಲಿ ಶೇ.50 ಪರ್ಸೆಂಟ್‌ಗಿಂತಲೂ ಹೆಚ್ಚು ಬದಲಾವಣೆಯಾಗಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ. 10,000 ಕ್ಕೂ ಹೆಚ್ಚು ಜನರ ಮೇಲೆ ಅಧ್ಯಯನ ನಡೆಸಿ ಸಂಶೋಧನೆ ನಡೆಸಿ ರಿಪೋರ್ಟ್ ನೀಡಲಾಗಿದೆ.

ಮಕ್ಕಳಲ್ಲಿ ನರಗಳ ಬೆಳವಣಿಗೆಯಲ್ಲಿ ತೊಂದರೆ.

ಮಕ್ಕಳ ನರಮಂಡಲದ ರಚನೆ ಇನ್ನೂ ಬೆಳವಣಿಗೆ ಹಂತದಲ್ಲಿರುವಾಗ ಮೊಬೈಲ್ ಬಳಕೆ ಮಾಡಿದರೆ ನರಗಳು ಶಕ್ತಿಹೀನವಾಗುತ್ತವೆ ಎಂದು ಸಂಶೋಧನೆಯಿಂದ ತಿಳಿದುಬಂದಿದೆ. ಮೊಬೈಲ್ ಬಳಕೆಯಿಮದಾಗಿ ನರಮಂಡಲದ ರಚನೆ ಮೇಲೆ ಪರಿಣಾಮ ಬೀರುವುದರಿಮದ ಮುಂದೆ ಸ್ಮರಣ ಶಕ್ತಿ ಮತ್ತು ದೃಷ್ಟಿ ಮೇಲೆ ಸಮಸ್ಯೆಗಳು ತಲೆದೂರಬಹುದು ಎಂದು ಸಂಶೋಧನೆ ತಿಳಿಸಿದೆ.

ಮಕ್ಕಳ ಮನಸ್ಸಿನ ಮೇಲೆ ಒತ್ತಡ ಬೀಳುತ್ತದೆ.

ಮೊಬೈಲ್ ಮೂಲಕ ಸಾಮಾಜಿಕ ಮಾಧ್ಯಮಗಳ ವೀಕ್ಷಣೆ ಮಾಡುತ್ತಿರುವ ಮಕ್ಕಳ ಮೇಲೆ ಅಪಾಯಕಾರಿ ಪರಿಣಾಮ ಬೀರುತ್ತಿದೆ ಎಂದು ಹಲವು ಸಂಶೋಧನೆಗಳು ತಿಳಿಸಿವೆ. ಸಾಮಾಜಿಕ ಮಾಧ್ಯಮಗಳಿಂದ ಹರಡುವ ಸುದ್ದಿಗಳು, ಫ್ಯಾಶನ್, ಜಾಹಿರಾತುಗಳು ಮಕ್ಕಳ ಮನಸ್ಸಿನ ಮೇಲೆ ಒತ್ತಡ ತರುತ್ತವೆ. ಹಾಗಾಗಿ, ಈ ಬಗ್ಗೆ ಪೋಷಕರು ಎಚ್ಚರಿಕೆಯಿಂದ ಇದ್ದರೆ ಒಳಿತು.