ಆಪ್‌ ಇನ್‌ಸ್ಟಾಲ್ ಮಾಡುವಾಗ ಭಾರತೀಯರು ಮಾತ್ರ ಮಾಡುತ್ತಿರುವ 7 ತಪ್ಪುಗಳಿವು!!

ಆಪ್‌ಗಳ ಲೋಕದಲ್ಲಿ ಯಾವುವು ಮೊದಲು?

ನಮ್ಮ ಶಾಪಿಂಗ್ ಹಾಗೂ ಹಣಪಾವತಿಯ ಅಭ್ಯಾಸಗಳಲ್ಲಿ ಮೊಬೈಲ್ ಸಾಧನಗಳ ಪಾತ್ರ ದಿನೇದಿನೇ ಹೆಚ್ಚಿನ ಮಹತ್ವ ಪಡೆದುಕೊಳ್ಳುತ್ತಿದೆ. ಹಾಗಾಗಿಯೇ ಆಪ್‌ಗಳ ಲೋಕದಲ್ಲಿ ಸೋಶಿಯಲ್ ನೆಟ್‌ವರ್ಕ್ (ಶೇ.86) ಮೆಸೇಜಿಂಗ್ (ಶೇ.78) , ಇ-ಕಾಮರ್ಸ್ (ಶೇ.76), ಮೊಬೈಲ್ ಬ್ಯಾಂಕಿಂಗ್ (ಶೇ.67) ಹಾಗೂ ಮೊಬೈಲ್ ವ್ಯಾಲೆಟ್‌ಗಳು (ಶೇ. 62) ಅತ್ಯಂತ ಜನಪ್ರಿಯವಾಗುತ್ತಿವೆ.!!

ಶೇ.68ರಷ್ಟು ಜನರಿಗೆ ಆನ್‌ಲೈನ್ ಶಾಪಿಂಗ್‌ ಭೀತಿ!!

ಶೇ 68ರಷ್ಟು ಜನರು ಆನ್‌ಲೈನ್ ಶಾಪಿಂಗ್‌ನ ಸುರಕ್ಷತಾ ಭೀತಿಗಳ ಬಗ್ಗೆ ಚಿಂತಿಸುತ್ತಾರೆ, ಹಾಗೂ ಶೇ. 42ರಷ್ಟು ಬಳಕೆದಾರರು ಆನ್‌ಲೈನ್ ಶಾಪಿಂಗ್‌ಗಾಗಿ ತಮ್ಮ ಸಾಧನಗಳನ್ನು ಬಳಸಿದ್ದರಿಂದ ಸುರಕ್ಷತಾ ಸಮಸ್ಯೆ, ಅಪಾಯ ಅಥವಾ ತೊಂದರೆಯನ್ನು ಎದುರಿಸಿರುವುದಾಗಿ ಹೇಳುತ್ತಾರೆ. ಹೀಗಿದ್ದರೂ, ಕೇವಲ 26 ಪ್ರತಿಶತ ಆನ್‌ಲೈನ್ ಶಾಪಿಂಗ್ ಗ್ರಾಹಕರು ಮಾತ್ರ ಅಪಾಯ ಹೆಚ್ಚುತ್ತಿದೆ ಎಂದು ಭಾವಿಸುತ್ತಾರೆ.

ದತ್ತಾಂಶ ಸಂಗ್ರಹಿಸುವ ಸಾಧ್ಯತೆ ಒಪ್ಪುತ್ತಾರೆ.!!

ಪ್ರತಿ ಮೂರರಲ್ಲಿ ಒಬ್ಬ ಗ್ರಾಹಕರು ತಾವು ಬಳಸುವ ಆಪ್‌ಗಳು ತಮ್ಮ ಬಗ್ಗೆ ದತ್ತಾಂಶ ಸಂಗ್ರಹಿಸುವ ಸಾಧ್ಯತೆಯಿದೆ ಎಂದು ಒಪ್ಪುತ್ತಾರೆ. ಆದಾಗ್ಯೂ ಐದರಲ್ಲೊಬ್ಬ ಗ್ರಾಹಕರು ಯಾವುದೇ ಆಪ್ ಅನ್ನು ವಿಶ್ವಾಸಾರ್ಹತೆಯ ಬಗ್ಗೆ ಯೋಚಿಸದೆ ಡೌನ್‌ಲೋಡ್ ಮಾಡುತ್ತೇವೆ ಎಂದು ಒಪ್ಪಿಕೊಳ್ಳುತ್ತಾರೆ.ವಿಪರ್ಯಾಸವೆಂದರೆ ಶೇ. 50ರಷ್ಟು ಭಾರೀ ಸಂಖ್ಯೆಯ ಗ್ರಾಹಕರು ಆನ್‌ಲೈನ್ ಅಪಾಯದ ಸಾಧ್ಯತೆ ಕಡಿಮೆಯಾಗುತ್ತಿದೆ ಎಂದು ನಂಬುತ್ತಾರೆ.

ಅನುಮತಿ ನೀಡಿದ್ದೇ ತಿಳಿದಿರುವುದಿಲ್ಲ.!!

ಭಾರತದಲ್ಲಿ ಶೇ. 36ರಷ್ಟು ಗ್ರಾಹಕರು ಆಪ್ ಕೇಳಿದ ಅನುಮತಿಗಳಷ್ಟನ್ನೂ ನೀಡುತ್ತಾರೆ. ಇಲ್ಲವೇ ಯಾವ ಅನುಮತಿಗಳನ್ನು ನೀಡಿದ್ದೇವೆ ಎನ್ನುವ ಬಗ್ಗೆ ಅವರೇ ಪೂರ್ತಿಯಾಗಿ ತಿಳಿದುಕೊಂಡಿರುವುದಿಲ್ಲ. ಆಪ್‌ಗಳ ಮನವಿಯನ್ನು ದುಷ್ಪರಿಣಾಮದ ಸಾಧ್ಯತೆಗಳ ಆಧಾರದ ಮೇಲೆ ತಿರಸ್ಕರಿಸುವವರು ಕೇವಲ ಶೇಕಡಾ ಎಂಟರಷ್ಟು ಬಳಕೆದಾರರು ಮಾತ್ರ.

Nokia 6 - ಚೀನಾ ಕಂಪೆನಿಗಳಿಗೆ ಸೆಡ್ಡು ಹೊಡೆಯುವ ಏಕೈಕ ಫೋನ್ "ನೋಕಿಯಾ 6"!!

20ಕ್ಕೂ ಹೆಚ್ಚು ಆಪ್‌ಗಳಿರುತ್ತವೆ.!!

ನಾರ್ಟನ್ ಮೊಬೈಲ್ ಸರ್ವೆಯ ಫಲಿತಾಂಶಗಳ ಪ್ರಕಾರ, ಹೆಚ್ಚೂ ಕಡಿಮೆ ಶೇ. 50ರಷ್ಟು ಭಾರತೀಯರ ಸ್ಮಾರ್ಟ್‌ಫೋನುಗಳಲ್ಲಿ 20ಕ್ಕೂ ಹೆಚ್ಚು ಆಪ್‌ಗಳಿರುತ್ತವೆ. ಇದರಲ್ಲಿ ಉಚಿತ ಆಪ್‌ಗಳ ಸಂಖ್ಯೆಯೇ ಹೆಚ್ಚಿರುತ್ತದೆ ಎಂದು ವರದಿ ಹೇಳಿದೆ.!!

ಕಾಂಟ್ಯಾಕ್ಟ್ಸ್ ಮತ್ತು ಪ್ರಮೋಶನಲ್ ಹಕ್ಕು.!!

ಹೆಚ್ಚು ಕಡಿಮೆ ಇಬ್ಬರಲ್ಲಿ ಒಬ್ಬ ಭಾರತೀಯರು ಕಾಂಟ್ಯಾಕ್ಟ್ಸ್ ಮತ್ತು ಮೊಬೈಲ್ ಡೇಟಾ ಬಳಸುವ ಅನುಮತಿ ನೀಡಿದ್ದಾರೆ. ಶೇ. 50 ಬಳಕೆದಾರರು ಪ್ರಚಾರದ (ಪ್ರಮೋಶನಲ್) ಸಂದೇಶ/ಇಮೇಲ್ ಕಳಿಸಲು ಅನುಮತಿ ನೀಡಿದ್ದಾರೆ.

ಬ್ರೌಸರ್ ಮತ್ತು ಲೊಕೇಶನ್ ಮಾಹಿತಿ ಸಹ ಕೊಟ್ಟಿದ್ದಾರೆ.!!

ಕ್ಯಾಮೆರಾ, ಬುಕ್‌ಮಾರ್ಕ್ಸ್ ಹಾಗೂ ಬ್ರೌಸರ್ ಇತಿಹಾಸ ನೋಡುವ ಅನುಮತಿಯನ್ನು ಶೇಕಡಾ ನಲವತ್ತರಷ್ಟು ಬಳಕೆದಾರರು ನೀಡಿದ್ದಾರೆ. ಸುಮಾರು ಶೇ. 30ರಷ್ಟು ಬಳಕೆದಾರರು ಅವರ ಲೊಕೇಶನ್ ಟ್ರ್ಯಾಕ್ ಮಾಡುವ ಅನುಮತಿ ನೀಡಿದ್ದಾರೆ.