ರಾಷ್ಟ್ರೀಯ ತಂತ್ರಜ್ಞಾನ ದಿನ..ಪೋಖ್ರಾನ್ ಸಾಧನೆಗೆ ವಾಜಿಪೇಯಿ ಶ್ಲಾಘಿಸಿದ ಮೋದಿ!!

1999ರಲ್ಲಿ ಭಾರತ ಮೊಟ್ಟ ಮೊದಲ ಬಾರಿ ಪರಮಾಣು ಯಶಸ್ವಿ ಪರೀಕ್ಷೆಯ ಸ್ಮರಣಾರ್ಥ ಮೇ 11ನೇ ತಾರೀಖನ್ನು ರಾಷ್ಟ್ರೀಯ ತಂತ್ರಜ್ಞಾನ ದಿನವಾಗಿ ಆಚರಿಸಲಾಗುತ್ತಿದೆ.! ಪೋಖ್ರಾನ್ ಪರಮಾಣು ಯಶಸ್ವಿ ಪರೀಕ್ಷೆಯ ನಂತರ ಭಾರತದ ಕೀರ್ತಿಪತಾಕೆ ಗಗನಕ್ಕೇರಿದ್ದಕ್ಕೆ ಇದೊಂದು ಉದಾಹರಣೆ ಸಾಕು!!

ಈಗ ವಿಷಯ ಅದಲ್ಲ.! ಪೋಖ್ರಾನ್ ಪರಮಾಣು ಯಶಸ್ವಿ ಪರೀಕ್ಷೆ ಅಂದಿನ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರು ತೋರಿದ ಧೈರ್ಯವನ್ನು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಪ್ರಶಂಸಿಸಿ, ಹಾಡಿ ಹೊಗಳಿದ್ದಾರೆ.!! 'ಅಟಲ್‌ಜಿ ನೇತೃತ್ವದಲ್ಲಿ ಯಶಸ್ವಿ ಪರೀಕ್ಷೆ ನಡೆಸಲಾಗಿತ್ತು ಮತ್ತು ಇಡೀ ಪ್ರಪಂಚವೇ ಇದಕ್ಕೆ ಸಾಕ್ಷಿಯಾಯಿತು' ಎಂದಿದ್ದಾರೆ.

ಪೋಖ್ರಾನ್ ಪರೀಕ್ಷೆಯ ಮೊದಲ ಹಂತಹ ನಂತರ ದುರ್ಬಲ ಪ್ರಧಾನಿ ಆಗಿದ್ದರೆ ವಿಶ್ವ ಸಮುದಾಯಕ್ಕೆ ಹೆದರಿ ಕೂರುತ್ತಿದ್ದರು, ಆದರೆ ಎರಡೇ ದಿನಗಳಲ್ಲಿ ಮತ್ತೊಮ್ಮೆ ಪರೀಕ್ಷೆ ನಡೆಸುವಂತೆ ಹೇಳಿದ ವಾಜಪೇಯಿ ತಾವು ಸಾಮಾನ್ಯರಲ್ಲ ಎಂದು ತೋರಿಸಿಕೊಟ್ಟರು' ಎಂಬ ಮೋದಿಯವರ ಮಾತನ್ನು ನರೇಂದ್ರಮೋದಿ.ಇನ್ ಜಾಲತಾಣದಲ್ಲಿ ಪ್ರಕಟಿಸಲಾಗಿದೆ.

ಪೋಖ್ರಾನ್ ಪರಮಾಣು ಯಶಸ್ವಿ ಪರೀಕ್ಷೆಯಲ್ಲಿ ಪೋಖ್ರಾನ್ ನಾಗರಿಕರನ್ನೂ ಸಹ ಶ್ಲಾಘಿಸಬೇಕು. ಅಣು ಪರೀಕ್ಷೆಯ ಸಮಯದಲ್ಲಿ ಶಾಂತವಾಗಿದ್ದ ಅವರು ಎಲ್ಲಕ್ಕಿಂತ ಹೆಚ್ಚಾಗಿ ದೇಶದ ಹಿತಾಸಕ್ತಿಗೆ ಆದ್ಯತೆ ನೀಡಿದ್ದರು ಎಂದು ಮೋದಿ ಹೇಳಿದ್ದಾರೆ.