ಟಿವಿ ಜಗತ್ತನ್ನು ಬದಲಾಯಿಸಲಿದೆ LG ಬಿಡಗಡೆ ಮಾಡಲಿರುವ 8K ಟಿವಿ..!

ಸ್ಮಾರ್ಟ್ ಫೋನ್ ಮಾರುಕಟ್ಟೆಯಲ್ಲಿ ಸದ್ದು ಮಾಡುತ್ತಿರುವ LG ಹೊಸ ಮಾದರಿಯ 8K ಟಿವಿಯೊಂದನ್ನು ಲಾಂಚ್ ಮಾಡಲು ಮುಂದಾದೆ. ಮುಂಬರುವ CES 2018 ಕಾರ್ಯಕ್ರಮದಲ್ಲಿ ಹಲವು ಆಡಿಯೋ ಡಿವೈಸ್ ಗಳು ಮತ್ತು ಟಿವಿಯನ್ನು ಲಾಂಚ್ ಮಾಡಲಿದೆ ಎನ್ನಲಾಗಿದೆ.

LG ಡಿಸ್ ಪ್ಲೇ ಟೆಕ್ನಾಲಜಿಯನ್ನು ಮುಂದಿನ ಹಂತಕ್ಕೆ ತೆಗೆದುಕೊಂಡು ಹೋಗುವ ಕಾರ್ಯವನ್ನು ಮಾಡಲು ಮುಂದಾಗಿದ್ದು, 34 ಇಂಚಿನ 5K ಮಾನಿಟರ್ ಅನ್ನು ಬಿಡುಗಡೆ ಮಾಡಲಿದೆ. ಇದಲ್ಲದೇ 88 ಇಂಚಿನ OLED ಟಿವಿಯನ್ನು ಲಾಂಚ್ ಮಾಡಿದೆ. ಇದು 8K ರೆಸಲೂಷನ್ ಅನ್ನು ಹೊಂದಿರಲಿದೆ.

ಇದುವರೆಗೂ ಮಾರುಕಟ್ಟೆಯಲ್ಲಿ 4K ಗುಣಮಟ್ಟದ ಟಿವಿಯನ್ನು ಮಾತ್ರವೇ ನೋಡಬಹುದಾಗಿತ್ತು, ಆದರೆ LG ಇದನ್ನು ಬದಲಾವಣೆಯನ್ನು ಮಾಡಲು ಮುಂದಾಗಿದೆ. ಟಿವಿಯಲ್ಲಿ ಮೊದಲ ಬಾರಿಗೆ 8K ಗುಣಮಟ್ಟದ ಟಿವಿಯನ್ನು ಹಾಗೂ ಗೇಮಿಂಗ್ ಮಾರುಕಟ್ಟೆಯಲ್ಲಿ 5K ಗುಣಮಟ್ಟದ ಮಾನಿಟರ್ ಅನ್ನು ಬಿಡುಗಡೆ ಮಾಡಲಿದೆ.

LG ಲಾಂಚ್ ಮಾಡಲಿರುವ ಟಿವಿಯಲ್ಲಿ 33 ಮಿಲಿಯನ್ ಪಿಕ್ಸಲ್ ಗಳನ್ನು ಕಾಣಬಹುದಾಗಿದ್ದು, ಟಿವಿ ನೋಡುವ ವಿಧಾನವನ್ನು ಇದು ಬದಲಾಯಿಸಲಿದೆ ಎನ್ನಲಾಗಿದೆ. ಇದರಲ್ಲಿ ನೋಡುವ ವಿಡಿಯೋಗಳು ಅತ್ಯಂತ ಗುಣಮಟ್ಟವನ್ನು ಹೊಂದಿರಲಿದೆ ಎನ್ನಲಾಗಿದೆ.

ಅಲ್ಲದೇ ಇದು ಸ್ಮಾರ್ಟ್ ಟಿವಿಯಾಗಿದ್ದು, HDR, ಬಿಲ್ಡ್ ವೈ-ಫೈ ಸೇರಿದಂತೆ ಎಲ್ಲಾ ಸೇವೆಗಳನ್ನು ಹೊಂದಿರಲಿದೆ. ಇದರೊಂದಿಗೆ ಇದು OLED ಡಿಸ್ ಪ್ಲೇಯಾಗಿದ್ದು, ನೋಡಲು ಉತ್ತಮವಾಗಿದೆ. ಟಿವಿ ಬೆಲೆಯ ಬಗ್ಗೆ ಯಾವುದೇ ಮಾಹಿತಿಯೂ ಲಭ್ಯವಾಗಿಲ್ಲ ಎನ್ನಲಾಗಿದೆ.