ಡ್ರೈವಿಂಗ್ ಲೈಸೆನ್ಸ್ ಮಾಡಿಸಲು ಲಂಚ ನೀಡಬೇಕಾಗಿಲ್ಲ: ಅದಕ್ಕಾಗಿ ಇಲ್ಲಿದೇ ಸುಲಭ ಉಪಾಯ..!!

ಹೊಸ ಮಾದರಿಯ ಆಪ್‌ ಬಳಕೆ:

ಇದಕ್ಕಾಗಿ ಹೊಸ ಮಾದರಿಯ ಅಪ್ಲಿಕೇಷನ್ ಗಳನ್ನು ಡೆವಲಪ್ ಮಾಡಿದ್ದು, ಇದರಿಂದಾಗಿ ಸಾರ್ವಜನಿಕರು ಸುಲಭವಾಗಿ ಮತ್ತು ಯಾವುದೇ ಲಂಚವನ್ನು ನೀಡದೇ ಲೈಸೆನ್ಸ್ ಪಡೆಯಬಹುದಾಗಿದೆ. ಈ ಹಿಂದಿನಂತೆ ಅರ್ಜಿ ತುಂಬುವುದು ಸೇರಿದಂತೆ ಡಿಎಲ್ ಮುಂತಾದವುಗಳನ್ನು ಸರಳೀಕೃತಗೊಳಿಸಲಾಗವುದು ಎನ್ನಲಾಗಿದೆ.

ಆನ್‌ಲೈನ್‌ನಲ್ಲೇ ವಾಹನ ನೋಂದಣಿ, ಲೈಸೆನ್ಸ್:

ಆರ್‌ಟಿಓ ಕಚೇರಿಗೆ ಅಲೆದು ಇಲ್ಲವೇ ಏಜೆಂಟ್‌ಗಳಿಗೆ ಕೇಳಿದಷ್ಟು ಹಣವನ್ನು ನೀಡಿ ಡಿಎಲ್‌ ಪಡೆಯುವ ದಿನಗಳು ಇನ್ನು ಮುಂದೆ ಇರುವುದಿಲ್ಲ. ಕಾರಣ ಆನ್ ಲೈನ್‌ನಲ್ಲೇ ವಾಹನ ನೋಂದಣಿ, ಲೈಸೆನ್ಸ್ ಪಡೆಯಬಹುದಾಗಿದ್ದು, ಇದರಿಂದ ಸಾರ್ವಜನಿಕರು ನೆಮ್ಮದಿಯಿಂದ ಇರಬಹುದಾಗಿದೆ.

ವಾಹನ ನೋಂದಣಿಗೆ 'ವಾಹನ್ 4.0':

ಆನ್‌ಲೈನಿನಲ್ಲಿ ವಾಹನಗಳನ್ನು ನೋಂದಣಿ ಮಾಡಿಸಿಕೊಳ್ಳುವ ಸಲುವಾಗಿ ಸರಕಾರವೂ 'ವಾಹನ್ 4.0' ಎಂಬ ಆಪ್ಲೀಕೆಷನ್ ಡೆವಲಪ್ ಮಾಡಿದ್ದು, ಇದರಿಂದ ವಾಹನಗಳ ನೋಂದಣಿಯೂ ಆನ್‌ಲೈನ್‌ ಮೂಲಕ ಸುಲಭ ಸಾಧ್ಯವಾಗಲಿದೆ. ಇದರಿಂದ ಏಜೆಂಟ್ ಗಳಿಗೆ ಹಣ ನೀಡುವುದು, ಸರದಿ ಸಾಲಿನಲ್ಲಿ ನಿಲ್ಲುವುದು ತಪ್ಪುತ್ತದೆ.

ಲೈಸೆನ್ಸ್ ಪಡೆಯಲು ಸಾರಥಿ 4.0:

ಏಜೆಂಟ್‌ಗಳ ಹಾವಳಿಯನ್ನು ತಪ್ಪಿಸುವ ಸಲುವಾಗಿ ಸಾರಥಿ 4.0 ಎಂಬ ಆಪ್ಲೀಕೆಷನ್ ಡೆವಲಪ್ ಮಾಡಲಾಗುತ್ತಿದ್ದು, ಇದರಿಂದ ಸವಾರರು ಸುಲಭ ಮತ್ತು ಸರಳವಾಗಿ ಡಿಎಲ್ ಪಡೆಯಬಹುದಾಗಿದೆ. ಅದುವೇ ಪಾರದರ್ಶಕವಾಗಿ. ಯಾವುದೇ ಲಂಚ ನೀಡದೆ.