ಭವಿಷ್ಯದ ಟೆಲಿಕಾಂ ಪ್ರಪಂಚ ಹೇಗಿರುತ್ತದೆ ಗೊತ್ತಾ?..ಇದು ಊಹೆಯಲ್ಲ!!

ಇಂತಹದೊಂದು ಪ್ರಶ್ನೆ ಮೂಡಲು ಕಾರಣವಾಗಿರುವುದು ತಂತ್ರಜ್ಞಾನದ ಭಾರಿ ಬೆಳವಣಿಗೆ.!!

By Bhaskar N J

Published: Tuesday, August 22, 2017, 12:34 [IST]

ವಾಟ್ಸ್ಆಪ್ ಬಂದ ನಂತರ ಎಸ್ಸೆಮ್ಮೆಸ್ ಬಳಕೆ ತೀರಾ ಕಡಿಮೆಯಾದದ್ದು ನಮಗೆಲ್ಲ ಗೊತ್ತೇ ಇದೆ.! ಹಾಗೆಯೇ, ಜಿಯೋ ಬಂದನಂತರ ಆನ್‌ಲೈನ್ ಕರೆಗಳು ಉಚಿತವಾಗಿಯೂ ಬಂದಿದ್ದನ್ನು ಸಹ ನೀವು ನೋಡಬಹುದು. ಎಷ್ಟು ಬೇಗೆ ಟೆಲಿಕಾಂ ಬದಲಾಯಿತು ಅಲ್ಲವೇ? ಹಾಗಾದರೆ, ಭವಿಷ್ಯದ ಟೆಲಿಕಾಂ ಪ್ರಪಂಚ ಹೇಗಿರುತ್ತದೆ.?

ಇಂತಹದೊಂದು ಪ್ರಶ್ನೆ ಮೂಡಲು ಕಾರಣವಾಗಿರುವುದು ತಂತ್ರಜ್ಞಾನದ ಭಾರಿ ಬೆಳವಣಿಗೆ.! ಸಹಸ್ರಮಾನದಲ್ಲಿ ಭೂಮಿ ಆಗಬಹುದಾದ ಬದಲಾವಣೆಯೂ ಕೇವಲ ಹತ್ತಿಪ್ಪತ್ತು ವರ್ಷಗಳಲ್ಲಿ ಬದಲಾಗಿದ್ದನ್ನು ನಾವೇ ನೋಡಿದ್ದೇವೆ.!! ಹಾಗಾಗಿ, ಭವಿಷ್ಯದ ಟೆಲಿಕಾಂ ಹೇಗಿರಬಹುದು ಎಂದು ಕೆಳಗಿನ ಸ್ಲೈಡರ್‌ಗಳಲ್ಲಿ ತಿಳಿಯಿರಿ.

ಭವಿಷ್ಯದಲ್ಲಿ ಡೇಟಾ(ಇಂಟರ್‌ನೆಟ್) ಮಾತ್ರ!!

ಈಗಲೂ ಹಣ ನೀಡಿ ಎಸ್‌ಎಮ್‌ಎಸ್, ಮತ್ತು ಕಾಲ್‌ ಸೇವೆಯನ್ನು ಬಳಕೆ ಮಾಡುತ್ತಿರುವವರನ್ನು ನೋಡಬಹುದು. ಆದರೆ, ಇನ್ನೈದು ವರ್ಷಗಳಲ್ಲಿಯೇ ಎಸ್‌ಎಮ್‌ಎಸ್, ಮತ್ತು ಕಾಲ್‌ ಸೇವೆಗೆ ಹಣವನ್ನು ನೀಡಲುವ ಅವಶ್ಯಕತೆ ಇಲ್ಲ. ಬರಿ ಡೇಟಾದಲ್ಲಿಯೇ ಇವೆಲ್ಲವೂ ನಡೆದುಹೋಗುತ್ತದೆ.!!

1 ರೂಪಾಯಿಗೆ 10GB ಡೇಟಾ!!

ಹೌದು, ಕೆವಲ ಒಂದು ವರ್ಷದ ಹಿಂದಷ್ಟೆ ಹಿಂದಷ್ಟೆ ನೀವು ಒಂದು ಜಿಬಿ ಡೇಟಾಗೆ 300 ರೂಪಾಯಿಗಳನ್ನು ನೀಡುತ್ತಿದ್ದಿರಿ. ಪ್ರಸ್ತುತ 5 ರೂಪಾಯಿಗೆ ಒಂದು ಜಿಬಿ ಡೇಟಾ ನಿಮಗೆ ಲಭ್ಯವಿದೆ.!! ಇನ್ನೈದು ವರ್ಷಗಳಲ್ಲಿ ಒಂದು ರೂಪಾಯಿಗೆ 10GB ಡೇಟಾ ನಿಮಗೆ ಸಿಗಲಿದೆ.!!

ಡೇಟಾ ಟಿವಿ.!!

ರೋಡಿನಲ್ಲಿ ಹರಡಿರುವ ಟಿವಿ ಕೇಬಲ್‌ಗಳು, ಮನೆಯ ಅಂದ ಕೆಡಿಸುವ ಡಿಟಿಹೆಚ್‌ ಬಾಂಡಲಿಗಳು ಭವಿಷ್ಯದಲ್ಲಿ ಮರೆಯಾಗುತ್ತವೆ. ಕೇವಲ ಇಂಟರ್‌ನೆಟ್ ಕನೆಕ್ಷನ್ ಮೂಲಕವೇ ನಿಮ್ಮ ಟಿವಿ ಕಾರ್ಯ ನಿರ್ವಹಿಸುತ್ತವೆ.! ಈಗಾಗಲೇ ಮುಂದುವರೆದ ರಾಷ್ಟಗಳಲ್ಲಿ ಈ ಸೇವೆ ಲಭ್ಯವಿದ್ದು, ಇವುಗಳ ಬೆಲೆ ಭವಿಷ್ಯದಲ್ಲಿ ಭಾರಿ ಕಡಿಮೆಯಾಗಲಿದೆ.!

ಟೆಲಿಕಾಂಗೊಂದು ಮೊಬೈಲ್!!

ಆನ್‌ಲೈನ್ ಡೇಟಾ ನೀಡಲು ತನ್ನದೇ ಮೊಬೈಲ್‌ಗಳನ್ನು ಹೊರತರಲು ಟೆಲಿಕಾಂ ಕಂಪೆನಿಗಳು ಒಂದರ ಮೇಲೊಂದರಂತೆ ಮುಗಿಬಿದ್ದಿವೆ.!! ಉದಾಹರಣೆಗೆ ಜಿಯೋ ತನ್ನದೇ ಫೀಚರ್‌ ಫೋನ್ ಬಿಡುಗಡೆ ಮಾಡಲು ಮುಂದಾದ ತಕ್ಷಣ ಇದೀಗ ಏರ್‌ಟೆಲ್ ಮತ್ತು ಐಡಿಯಾ ಕೂಡ ತನ್ನದೇ ಸ್ಮಾರ್ಟ್‌ಫೋನ್ ಹೊರತರಲು ನಿರ್ಧರಿಸಿವೆ.!!

ಡೇಟಾ ಸ್ಪೀಡ್ ಎಷ್ಟಿರುತ್ತೆ?

ಇಲ್ಲಿಯವರೆಗೂ 2G, 3G, 4G ಬಳಕೆ ಮಾಡುತ್ತಿದ್ದ ಕಾಲ ಮುಗಿಯುತ್ತದೆ.!! ಭವಿಷ್ಯದಲ್ಲಿ 5G ಮತ್ತು ಅದಕ್ಕಿಂತಲೂ ಹೆಚ್ಚಿನ ವೇಗದ ಡೇಟಾ ಸ್ಪೀಡ್ ಜನರಿಗೆ ದೊರೆಯುತ್ತದೆ.!! ಒಂದು GB ಡೇಟಾ ಒಂದು ಸೆಕೆಂಟ್‌ನಲ್ಲಿಯೇ ಡೌನ್‌ಲೋಡ್ ಆಗಬಹುದಾದ ತಂತ್ರಜ್ಞಾನ ಬರುತ್ತದೆ.!!