ಈ ಹೊಸ ಮೊಬೈಲ್ ನಿಮ್ಮ ಗಮನ ಸೆಳೆಯವುದು ಗ್ಯಾರಂಟಿ!

ಸ್ಯಾಮ್ ಸಂಗ್ ಕಂಪೆನಿ ಎಲೆಕ್ಟ್ರಾನಿಕ್ಸ್ ಜಗತ್ತಿನಲ್ಲಿ ಅತ್ಯಂತ ಪ್ರಸಿದ್ಧ ಹೆಸರು. ಕಂಪೆನಿ ಈಗಾಗಲೇ ಸಾಕಷ್ಟು ಮೊಬೈಲ್, ಕಂಪ್ಯೂಟರ್, ಲ್ಯಾಪ್ ಟಾಪ್ ಹಾಗೂ ಸಂಗೀತಕ್ಕೆ ಸಂಬಂಧಿಸಿದ ಉಪಕರಣಗಳನ್ನು ಬಿಡುಗಡೆ ಮಾಡಿದೆ. ಸ್ಯಾಮ್ ಸಂಗ್ ನ ಮೊಬೈಲುಗಳು ಜಗತ್ತಿನಾದ್ಯಂತ ಸದ್ದು ಹಾಗೂ ಸುದ್ದಿ ಎರಡನ್ನೂ ಮಾಡುತ್ತಿವೆ.

ಇದೀಗ ಹೊಸ ಸ್ಯಾಮ್ ಸಂಗ್ ಮೊಬೈಲ್ ಮಾರುಕಟ್ಟೆಗೆ ಬರುತ್ತಿದೆ. ಅದು ಹೊಸ ಸ್ಯಾಮ್ ಸಂಗ್ ವೇವ್ 3 ಎಸ್9500. ಇದೊಂದು ಅತ್ಯಾಧುನಿಕವಾದ ಸ್ಮಾರ್ಟ್ ಫೋನ್ ಆಗಿದ್ದು ಆಕರ್ಷಕ ರೂಪ, ವಿನ್ಯಾಸ, ಬೆಲೆ ಎಲ್ಲವನ್ನೂ ಹೊಂದಿದೆ. ಈ ಹೊಸ ಫೊನ್ ಸಾಕಷ್ಟು ನಿರೀಕ್ಷೆಯನ್ನು ಹುಟ್ಟುಹಾಕಿದ್ದು ಮಾರುಕಟ್ಟೆಗೆ ಬಂದ ಮೇಲೆ ಬಹಳಷ್ಟು ವ್ಯಾಪಾರವಾಗಿ ದಾಖಲೆ ಸೃಷ್ಟಿಸಿದರೂ ಆಶ್ಚರ್ಯವಿಲ್ಲ.

ಈ ಹೊಸ ಫೋನಿನಲ್ಲಿ ಏನೇನಿದೆ ವಿಶೇಷ ಎಂದು ನೋಡಹೊರಟರೆ ಆಧುನಿಕ ಫೋನಿನಲ್ಲಿ ಗ್ರಾಹಕ ಏನೇನು ವಿಶೇಷತೆಗಳನ್ನು ಬಯಸುತ್ತಾನೋ ಅದೆಲ್ಲವೂ ಇದೆ. ಜೊತೆಗೆ ದೊಡ್ಡ 2.0 ಆಪರೇಟಿಂಗ್ ಸಿಸ್ಟಮ್, 1.4 ಗಿಗಾಹರ್ಟ್ಸ್ ಪ್ರೊಸೆಸರ್, 4 ಇಂಚುಗಳ ಸೂಪರ್ ಅಮೋಲ್ಡ್ ಪರದೆ, 5 ಎಂ.ಪಿ ಕ್ಯಾಮೆರಾ ಮತ್ತು ವಿಜಿಎ ಫ್ರಂಟ್ ಕ್ಯಾಮೆರಾ, 4 ಜಿಬಿ ಆಂತಿಕ ಮೆಮೊರಿ ಜೊತೆಗೆ ವಿಸ್ತರಿಸಬಹುದಾದ ಹೊಸ ಮೆಮರಿ ಲಭ್ಯವಿದೆ.

ಮಾರುಕಟ್ಟೆಗೆ ಬರುವ ಮೊದಲು ಬೆಲೆ ನಿರ್ಧರಿಸಲ್ಪಡಲಿದ್ದು ನಂತರ ವಿಶೇಷತೆಯ ಜೊತೆಗೆ ಬೆಲೆ ಕೂಡ ಆಕರ್ಷಕವಾಗಿದ್ದರೆ ಮಾರಾಟ ಜೋರಾಗಿರುವುದರಲ್ಲಿ ಯಾವ ಸಂದೇಹವೂ ಇಲ್ಲ.