ಆಲ್ ರೌಂಡರ್ ಮೊಬೈಲ್ ಎಚ್ ಟಿಸಿಯ ಎಟರ್ನಿಟಿ

ಬೆಂಗಳೂರು. ಜು 08: ಎಚ್ ಟಿಸಿ ಮೊಬೈಲ್ ಕಂಪೆನಿ ಜಗತ್ಪ್ರಸಿದ್ಧ ಕಂಪೆನಿ. ಇದು ಭಾರತದಲ್ಲೂ ಸಾಕಷ್ಟು ಗ್ರಾಹಕರನ್ನು ಹೊಂದಿದೆ. ಸಾಕಷ್ಟು 'ಟಚ್ ಸ್ಕ್ರೀನ್' ಮೊಬೈಲ್ ಗಳನ್ನು ಉತ್ಪಾದನೆ ಮಾಡಿದೆ. ವಿಂಡೋಸ್ ಮೊಬೈಲ್ OS ಎಂದರೆ ಎಚ್ ಟಿಸಿಗೆ ಅದೇನೋ ಪ್ರೀತಿ. ಇದರ ಅತಿ ಹೆಚ್ಚಿನ ಮೊಬೈಲ್ ಗಳು ವಿಂಡೋಸ್ ಆಧಾರಿತವಾಗಿವೆ. ಆದರೆ ಯಾವಾಗ 'ಅಂಡ್ರಾಯ್ಡ್ ಫ್ರೆನ್ಜಿ' ಮಾರುಕಟ್ಟೆಯ ಮೇಲೆ ಹಿಡಿತ ಸಾಧಿಸಲು ಪ್ರಾರಂಭಿಸಿತೋ ಆಗ ಎಚ್ ಟಿಸಿ ವಿಂಡೋಸ್ ಗೆ ಬದಲಿ ಯೋಚಿಸಲೇ ಬೇಕಾಗಿದೆ.

ಆದರೂ ಎಚ್ ಟಿಸಿ, ಸದ್ಯಕ್ಕೆ ತನ್ನ ಲವ್- ವಿಂಡೋಸ್ ಗೆ ಗುಡ್ ಬೈ ಹೇಳಿಲ್ಲ. ಬದಲಿಗೆ ಹೊಸ ಸ್ಮಾರ್ಟ್ ಫೋನ್, ವಿಂಡೋಸ್ ಫೋನ್ 7 ಮ್ಯಾಂಗೋ OS ನಿಂದ ತಯಾರಿಸಿ 'ಎಟರ್ನಿಟಿ' ಎಂಬ ಹೆಸರಿನಿಂದ ಬಿಡುಗಡೆ ಮಾಡುತ್ತಿದೆ. ಇದರಲ್ಲಿ ಈಗಾಗಲೇ ಬಿಡುಗಡೆಯಾಗಿರುವ ಮೊಬೈಲ್ ಗಳಲ್ಲಿರುವ ಸಾಮಾನ್ಯ ಅಂಶಗಳ ಜೊತೆ ಹೊಸ ಹೊಸ ಗೇಮ್ ಗಳು ಹಾಗೂ ಅತ್ಯಂತ ಉತ್ಕೃಷ್ಟ ಕ್ವಾಲಿಟಿಯ ವಿಡಿಯೋ-ಆಡಿಯೋ ರೆಕಾರ್ಡಿಂಗ್ ಇದೆ.

ಎಟರ್ನಿಟಿ ಮೊಬೈಲ್ ವಿಶೇಷತೆಗಳು:

* ದೊಡ್ಡ 4.7 ಇಂಚ್ ಡಿಸ್ ಪ್ಲೇ

* 3 G, ಬ್ಲೂ ಟೂಥ್ & Wi-Fi

* ವಿಂಡೋಸ್ ಫೋನ್ 7 ಮ್ಯಾಂಗೋ OS

* 8 ಮೆಗಾ ಪಿಕ್ಸೆಲ್ ಕೆಮರಾ, VGA ಫ್ರಂಡ್ ಕೆಮರಾ

ಈ ಹೊಸ ಸ್ಮಾರ್ಟ್ ಫೋನ್ ಎಟರ್ನಿಟಿ, ಸರ್ವ ರೀತಿಯಲ್ಲೂ ನೀವು ಬಯಸಬಹುದಾದ 'ಆಲ್ ರೌಂಡರ್' ಆಗಿದ್ದು ಸದ್ಯಕ್ಕೆ ಚಾಲ್ತಿಯಲ್ಲಿರುವ ಎಲ್ಲಾ ವಿಶೇಷ ಸೌಲಭ್ಯಗಳನ್ನು ಒಳಗೊಂಡಿದೆ. ಅತ್ಯಾಧುನಿಕ-ಅತ್ಯಾಕರ್ಷಕ ಎಂದು ಖಾತ್ರಿಯಾಗಿ ಹೇಳಬಹುದಾದ ಇದರ 'ದರ' ಮಾತ್ರ ನಿಮಗೆ 'ಹೊರೆ' ಎನಿಸಬಹುದು. ಆದರೂ ಎಲ್ಲಾ ಒಂದರಲ್ಲೇ ಇರುವಾಗ ಚಿಂತೆಗೆ ಜಾಗವೇ ಇಲ್ಲ ಅಲ್ಲವೇ? ಬರಲಿರುವ ಈ ಮೊಬೈಲ್ ಗೆ ನಿಮ್ಮ ಜೇಬಿನಲ್ಲೊಂದು ಜಾಗವಿರಲಿ...