ಈಗಂತೂ ಬರೀ ಸ್ಮಾರ್ಟ್ ಫೋನ್ ಗಳದ್ದೇ ಭರಾಟೆ. ಅದರಲ್ಲಿ ಕಂಪನಿಗಳ ಮಧ್ಯೆ ಕಾದಾಟ ಬೇರೆ! ಇದರಿಂದ ಕಂಪೆನಿಗಳಿಗೆ ಲಾಭ ಇದೆಯಾದರೂ ಜೊತೆಗೆ ಗ್ರಾಹಕರಿಗಂತೂ ಸಖತ್ ಸುಗ್ಗಿ. ಕಡಿಮೆ ಬೆಲೆಯಲ್ಲಿ ಅಧಿಕ ಆಯ್ಕೆ ಸಾಧ್ಯತೆ. ಇದೀಗ ಎಲ್ ಜಿ ತರುತ್ತಿದೆ ವಿಂಡೋಸ್ ಫೋನ್ 7 ಸ್ಮಾರ್ಟ್ ಫೋನ್.

ದೊರಕಿರುವ ಮಾಹಿತಿಯಂತೆ ವಿಂಡೋಸ್ ಮ್ಯಾಂಗೋ ಆಧಾರಿತ ಎಲ್ ಜಿ ಫೋನ್ ಸದ್ಯದಲ್ಲಿಯೇ ಬರಲಿದ್ದು ಅದನ್ನು ಎಲ್ ಜಿ E906 ಎಂದು ಹೆಸರಿಸಲಾಗಿದೆ. ಎಲ್ ಜಿ ಆಪ್ಟಿಮಸ್ 7 ನಿಂದ ಆಗಿರುವ ಈ ಫೋನ್ ಹಿಟ್ ಆಗುವುದರಲ್ಲಿ ಸಂದೇಹವೇ ಇಲ್ಲ.

ಬರಲಿರುವ ಈ ಹೊಸ ಫೋನ್ 480* 800 ಪಿಕ್ಸೆಲ್ ಸ್ಕ್ರೀನ್ ರೆಸೊಲ್ಯೂಷನ್ ಹೊಂದಿದ್ದು ಬಹಶಃ ಮೈಕ್ರೋಸಾಪ್ಟ್ ಇಂಟರ್ ನೆಟ್ ಎಕ್ಸ್ ಪ್ಲೋರರ್ 9 ಅಳವಡಿಸಲ್ಪಟ್ಟಿದೆ. ಇದು ಜಾಗತಿಕ ಬ್ರೌಸಿಂಗ್ ಅನುಭವ ನೀಡಲಿದೆ.

Wi-Fi ಸೌಲಭ್ಯ ಕೂಡ ಇದರಲ್ಲಿ ಅಡಕವಾಗಿದ್ದು ಎಲ್ಲಾ ಫೋನ್ ಗಳಲ್ಲಿ, ಸ್ಮಾರ್ಟ್ ಫೋನ್ ಗಳಲ್ಲಿ ಇರುವ ಎಲ್ಲಾ ಸೌ ಲಭ್ಯಗಳೂ ಇದರಲ್ಲಿರಲಿವೆ. ಈಗಿರುವ OS ಗಳನ್ನು ಇನ್ನೂ ಹೆಚ್ಚಿನ ಉನ್ನತೀಕರಣಕ್ಕೊಳಪಡಿಸಿ ಹೊಸ ಹೊಸ ಮೊಬೈಲ್ ಗಳನ್ನು ಮಾರುಕಟ್ಟೆಗೆ ಬಿಡುವ ಯೋಜನೆಯಲ್ಲಿ ಮೊಬೈಲ್ ನ ಎಲ್ಲಾ ದೈತ್ಯ ಕಂಪೆನಿಗಳೂ ತೊಡಗಿವೆ.