ಟೆಕ್ ಕಾಂ ಹೊಸ ಮೊಬೈಲ್ ರಾಜಸ್ಥಾನದ ಮಾರುಕಟ್ಟೆಗೆ

By Super

Updated: Wednesday, July 13, 2011, 15:16 [IST]

ಟೆಕ್ ಕಾಂ ಹೊಸ ಮೊಬೈಲ್ ರಾಜಸ್ಥಾನದ ಮಾರುಕಟ್ಟೆಗೆ

ರಾಜಸ್ಥಾನ, ಜು. 13: ಮೊಬೈಲ್ ಮಾರುಕಟ್ಟೆ ಇಂದು ಸಾಕಷ್ಟು ವಿಸ್ತಾರವಾಗಿದೆ. ಕೇವಲ ಮೊಬೈಲ್ ತಯಾರಿಕಾ ಕಂಪೆನಿಗಳಲ್ಲದೇ ಇಲೆಕ್ಟ್ರಾನಿಕ್ಸ್ ಹಾಗೂ ದೂರಸಂಪರ್ಕ ಉಪಕರಣ ತಯಾರಕರೂ ಕೂಡ ಇಂದು ಮೊಬೈಲ್ ಉತ್ಪಾದನೆಗೆ ತೊಡಗಿದ್ದಾರೆ. ಹೀಗೆ ಬರುತ್ತಿರುವ ಒಂದಾದ ನಂತರ ಮತ್ತೊಂದು ಕಂಪನಿಗಳಲ್ಲಿ ಟೆಕ್ ಕಾಂ ಕೂಡ ಒಂದು.

ಇಲೆಕ್ಟ್ರಾನಿಕ್ಸ್ ಉದ್ದಿಮೆಯಲ್ಲಿ ಟೆಕ್ ಕಾಂ ಪ್ರಸಿದ್ಧ ಹೆಸರು. ಮೊಬೈಲ್ ಮಾರ್ಕೆಟ್ಟನ್ನು ಸಾಕಷ್ಟು ಸರ್ವೆ ಮಾಡಿದ ನಂತರ ಇದೀಗ ಉತ್ಪಾದನೆಗೆ ತೊಡಗಿರುವ ಟೆಕ್ ಕಾಂ, ಸದ್ಯಕ್ಕೆ ಭಾರತವನ್ನು ಕೇಂದ್ರೀಕರಿಸಿದ್ದರೂ ರಾಜಸ್ಥಾನವನ್ನು ತನ್ನ ಮಾರುಕಟ್ಟೆಯನ್ನಾಗಿ ಆಯ್ಕೆ ಮಾಡಿಕೊಂಡಿದೆ. ಟೆಕ್ ಕಾಂ ಎಂಬ ಹೆಸರಿನಿಂದಲೇ ಹೊಸ ಮೊಬೈಲ್ ಬಿಡುಗಡೆಮಾಡುತ್ತಿದೆ.

ಸದ್ಯಕ್ಕೆ 7 ಹೊಸ ರೀತಿಯ ಮೀಡಿಯಮ್ ಲೆವಲ್ ನ ಸೆಟ್ ಬಿಡುಗಡೆ ಮಾಡುವ ಉದ್ದೇಶ ಹೊಂದಿದೆ. T 35 & T65 ಎಂಬ ಹೆಸರಿನ ಮೊಬೈಲ್ ಗಳು ಅತಿ ಶೀಘ್ರದಲ್ಲಿ ಬರಲಿವೆ. ಇವು 2 ಸಿಮ್ ಸೌಲಭ್ಯ ಹೊಂದಿದ್ದು ಯುವ ಜನತೆಯನ್ನು ಆಕರ್ಷಿಸುವಂತಿದೆ ಎನ್ನಲಾಗಿದೆ.

ಈ ಹೊಸ ಕಂಪನಿಯ ಹೊಸ ಮೊಬೈಲ ನ್ನು ಜನರು ಯಾವ ರೀತಿ ಟ್ರೀಟ್ ಮಾಡುತ್ತಾರೆ, ಹೇಗೆ ಇದು ತನ್ನ ಮಾರುಕಟ್ಟೆಯನ್ನು ಕಂಡುಕೊಂಡು ವಿಸ್ತರಿಸಿಕೊಳ್ಳುತ್ತದೆ ಎಂಬುದನ್ನು ಕಾದು ನೋಡಬೇಕಾಗಿದೆ.