ಆಲ್ಕಾಟೆಲ್ ಹೊಸ ಹೆಜ್ಜೆ OT 890 ಯೊಂದಿಗೆ OT 891

By Super

Updated: Friday, July 15, 2011, 17:58 [IST]

ಆಲ್ಕಾಟೆಲ್ ಹೊಸ ಹೆಜ್ಜೆ OT 890 ಯೊಂದಿಗೆ OT 891

ಬೆಂಗಳೂರು, ಜು. 15: ಹೌದು, ಮೊಬೈಲ್ ಮಾರುಕಟ್ಟೆಯಲ್ಲಿ ನಿಧಾನವಾಗಿ ತನ್ನ ಜಾಲವನ್ನು ಹರಡುತ್ತಾ ಮಾರಾಟದಲ್ಲಿ ಚೇತರಿಕೆಯನ್ನು ಕಂಡುಕೊಳ್ಳುತ್ತಿದೆ, ಆಲ್ಕಾಟೆಲ್. ಭಾರತದಲ್ಲಿ ಈಗಾಗಲೇ ಇರುವ OT 890 ಅಲ್ಲದೇ ಹೊಸ ಮೊಬೈಲ್ OT 891 ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದೆ.

ಈ ಎರಡೂ ಕೂಡ ಸ್ಮಾರ್ಟ್ ಫೋನ್ ಕೆಟಗರಿಯದಾಗಿದ್ದು ಸಾಮಾನ್ಯ ಮಲ್ಟಿಮೀಡಿಯಾ ಫೋನ್ ಗಳು. ಸುಂದರ ವಿನ್ಯಾಸ, ಹಾಗೂ ಆಕಾರ ಎರಡೂ ಹೊಂದಿವೆ. 2.8 ಇಂಚ್ TFT ಸೆನ್ಸೆಟಿವ್ ಟಚ್ ಸ್ಕ್ರೀನ್, ರೆಸೊಲ್ಯೂಷನ್ 320*240 ಪಿಕ್ಸೆಲ್ಸ್. ಅಗತ್ಯವಿರುವ ಎಲ್ಲಾ ವಿಡಿಯೋ, ಆಡಿಯೋ ಫಾರ್ಮ್ಯಾಟ್ ಗಳನ್ನು ಎರಡೂ ಹೊಂದಿದ್ದು, MP3, MP4, AVI, WAV, WMV, AAC+ 3.5mm ಹೆಡ್ ಜಾಕ್ ಹೊಂದಿವೆ.

ಆಧುನಿಕ ಸ್ಮಾರ್ಟ್ ಮೊಬೈಲ್ ಗಳಲ್ಲಿರುವ ಸಂಪರ್ಕದ ಎಲ್ಲಾ ಸೌಲಭ್ಯಗಳನ್ನು ಒಳಗೊಂಡಿವೆ. OT 890 ಇದು ಹೊಂದದೇ ಇರುವ ಹೈ ಸ್ಪೀಡ್ 3 G ಇಂಟರ್ ನೆಟ್ ಕನೆಕ್ಷನ್ OT 891 ಹೊಂದಿದೆ.

ಎರಡೂ GPRS & ಬ್ಲೂ ಟೂಥ್ ನೊಂದಿಗೆ Wi-Fi ಸೌಲಭ್ಯ ಹೊಂದಿದೆ. ಎರಡೂ ಕೂಡ ಆಂಡ್ರಾಯ್ಡ್ ಈಕ್ಲೇರ್ OS ನಿಂದ ಕಾರ್ಯನಿರ್ವಹಿಸಲಿದ್ದು 2 ಮೆಗಾ ಪಿಕ್ಸೆಲ್ ಕ್ಯಾಮೆರಾ ಹೊಂದಿವೆ. 150 MB ಇಂಟರ್ ನಲ್ ಹಾಗೂ SD ಕಾರ್ಡ್ ಮೂಲಕ 16 GB ವರೆಗೆ ವಿಸ್ತರಿಸಬಹುದಾದ ಮೆಮೊರಿ ಹೊಂದಿದೆ.

ಇನ್ನು ಬೆಲೆಯ ವಿಷಯಕ್ಕೆ ಬಂದರೆ, OT 980- ರು. 10, 500 ಹಾಗೂ OT 891 ಬೆಲೆ ತಿಳಿದಿಲ್ಲ. ಆದರೂ ಇವುಗಳಲ್ಲಿ ತೀರಾ ವ್ಯತ್ಯಾಸವೇನೂ ಇರಲಾರದೆಂದು ನಾವು ಊಹಿಸಬಹುದು. ಇಂತ ಒಳ್ಳೆಯ ಫೋನ್ ನಿಮಗೆ ಬೇಡವೇ. ಶೀಘ್ರದಲ್ಲಿ ಬರಲಿದೆ, ನೋಡಿ ಖರೀದಿಸಿ...