ಮೋಟೋರೊಲಾ ಮೊಬೈಲ್ ಸೂಪರ್ರೋ...ಸೂಪರ್!

ಬೆಂಗಳೂರು, ಜು. 31: ಪ್ರಖ್ಯಾತ ಮೊಬೈಲ್ ಕಂಪೆನಿ ಮೋಟೋರೊಲಾ ಈಗ ಹೊಸದೊಂದು ಸುಪರ್ ಫೊನ್ XT860 4G ಬಿಡುಗಡೆಗೆ ಸಜ್ಜಾಗಿದೆ.

ಅಮೇರಿಕಾ ಮತ್ತು ಕೆನಡಾ ಮಾರುಕಟ್ಟೆಯಲ್ಲಿ ಡ್ರಾಯ್ಡ್ 3 ಎಂಬ ಹೆಸರಿನಲ್ಲಿ ಓಡಾಡಲಿರುವ ಈ ಮೊಬೈಲ್ ಜಗತ್ತಿನ ಸದ್ಯದ ಅತ್ಯಂತ ತೆಳುವಾದ QWERTY ಕೀ ಪ್ಯಾಡ್ ಹೊಂದಿರುವ ಫೊನ್ ಆಗಿದೆ. ಜತೆಗೆ ಅತ್ಯಂತ ಸಣ್ಣ ಆಕಾರ ಹೊಂದಿ ನಾಜೂಕು ನಾರಿಯಂತಿದೆ. ದೊಡ್ಡ 4 ಇಂಚ್ ನ ಟಚ್ ಸ್ಕ್ರೀನ್ ಹೊಂದಿರುವ ಇದು ಆಂಡ್ರಾಯ್ಡ್ 2.3 ಜಿಂಜರ್ ಬ್ರೆಡ್ OS ಮೂಲಕ ಕಾರ್ಯ ನಿರ್ವಹಿಸಲಿದೆ.

ಇದು 8 ಮೆಗಾ ಪಿಕ್ಸೆಲ್ ಕ್ಯಾಮೆರಾ ಹೊಂದಿದ್ದು 1080p ಸಾಮರ್ಥ್ಯದ ವಿಡಿಯೋ ರೆಕಾರ್ಡಿಂಗ್ ನಿರ್ವಹಿಸಲು ಸಮರ್ಥವಾಗಿದೆ. 16 GB ಆಂತರಿಕ ಹಾಗೂ SD ಕಾರ್ಡ್ ಮೂಲಕ ವಿಸ್ತರಿಸಬಲ್ಲ 32 GB ಮೆಮೊರಿ ಇದೆ. ಇನ್ನು ಮಲ್ಟಿಮೀಡಿಯಾದಲ್ಲಿ ಹೈ ಡೆಫನಿಷನ್ ವಿಡಿಯೋ ಫಾರ್ಮೆಟ್ಸ್ ಹೊಂದಿ ಆಡಿಯೋ & ವಿಡಿಯೋ ಸುಪರ್ ಸೌಲಭ್ಯ ಇದರಲ್ಲಿದೆ.

ಇದರಲ್ಲಿ 4G & 3G ನೆಟ್ ವರ್ಕ್, Wi-Fi, ಬ್ಲೂ ಟೂಥ್, GPRS, EDGE, ಜಾವಾ, 1GHz ಪ್ರೊಸೆಸರ್, AGPS ಸಹಕಾರದ GPS ಎಲ್ಲವೂ ಇದೆ. ನಿಜವಾಗಿಯೂ ಇದು ಸುಪರ್ರೋ ಸುಪರ್ರು ಎನಿಸುತ್ತಿದೆ ಅಲ್ಲವೇ? ಬೆಲೆ ಗೊತ್ತಾಗಿಲ್ಲದ ಇದು ಭಾರತಕ್ಕೆ 2012 ರಲ್ಲಿ ಕಾಲಿಡುವ ನಿರೀಕ್ಷೆಯಿದೆ.