ಆಹಾ..! ಹೊಸ ಸ್ಯಾಮ್ ಸಂಗ್ ಗೆಲಾಕ್ಸಿ ಮೊಬೈಲ್

By Super

Updated: Wednesday, August 31, 2011, 16:34 [IST]

ಸ್ಯಾಮ್ ಸಂಗ್ ಕಂಪೆನಿ ಈಗ ಗ್ಯಾಜೆಟ್ಸ್ ಮಾರಾಟದಲ್ಲಿ ಅಗ್ರಗಣ್ಯ ಎನಿಸಿದೆ. ಈ ಸ್ಯಾಮ್ ಸಂಗ್ ಫೊನುಗಳು ಸಾಕಷ್ಟು ವಿಧ ಹಾಗೂ ದರಗಳಲ್ಲಿ ಲಭ್ಯ. ಇದೀಗ ಭಾರತದಲ್ಲಿ ಲಭ್ಯವಿರುವ ಸ್ಯಾಮ್ ಸಂಗ್ ಹೊಸ ಫೊನ್ ಗೆಲಾಕ್ಸಿ 5, ಬಜೆಟ್ ಫೋನಾಗಿದ್ದು ಮಧ್ಯಮ ವರ್ಗದ ಜನರಿಗೆ ವರವಾಗಿ ಪರಿಣಮಿಸಲಿದೆ.

ಟಚ್ ಸ್ಕ್ರೀನ್ ಮೂಲಕ ಕಾರ್ಯ ನಿರ್ವಹಿಸಬಹುದಾಗಿದೆ. 240 X 320 ಪಿಕ್ಸೆಲ್ ರೆಸೊಲ್ಯೂಷನ್ ಹೊಂದಿರುವ ಇದು ತೀರಾ ಸಣ್ಣ ಸ್ಕ್ರೀನ್ ಹೊಂದಿರುವುದು ಕೆಲಸ ನಿರ್ವಹಣೆಗೆ ಅಡಚಣೆ ಎನಿಸುವಂತಿದೆ.

ಈ ಹೊಸ ಫೊನ್, 2.8 ಇಂಚುಗಳ TFT ಸ್ಕ್ರೀನ್ ಹೊಂದಿದ್ದು 3G ನೆಟ್ ವರ್ಕ್, 3.6 Mbps HSDPA ನೆಟ್ ವರ್ಕ್ ಸಹಕಾರ ಹೊಂದಿದೆ. ಇದರಲ್ಲಿ ಆಂಡ್ರಾಯ್ಡ್ ಆವೃತ್ತಿ 2.1 ಈಕ್ಲೇರ್, wiz 3.0 UI ಕಸ್ಟಮೈಜೇಶನ್, 600 MHz ಕ್ಲಾಕ್ ಸ್ಪೀಡ್, 2 ಮೆಗಾ ಪಿಕ್ಸೆಲ್ ಕ್ಯಾಮೆರಾ ಸಾಕಷ್ಟು ಆಧುನಿಕವಾಗಿದೆ.

ವೈ-ಫೈ, ಬ್ಲೂಟೂಥ್ 3.0 ಆವೃತ್ತಿ, 1 GB ಆಂತರಿಕ ಹಾಗೂ ವಿಸ್ತರಿಸಬಲ್ಲ 16 GB ಮೆಮೊರಿ ಇದೆ. ಈ ಹೊಸ ಮೊಬೈಲ್ ಬೆಲೆ ರು. 8,900. ಸಾಕಷ್ಟು ಚೆನ್ನಾಗಿದೆ, ಸಾಕಷ್ಟು ವಿಶೇಷವಾಗಿದೆ. ಮಾರುಕಟ್ಟೆಗೆ ಬಂದಾಗ ಮರೆಯದೇ ಖರೀದಿಸಿ...