ಎಚ್ ಟಿ ಸಿ ಮೊಬೈಲ್ ಇನ್ನು ಬದಲಾಗಲಿದೆಯೇ?

ಮೊಬೈಲ್ ಕ್ಷೇತ್ರದಲ್ಲಿ ಈಗಾಗಲೇ ಸಾಕಷ್ಟು ಸುದ್ದಿ ಮಾಡಿರುವ ಎಚ್ ಟಿ ಸಿ ಮೊಬೈಲ್ ಸಾಕಷ್ಟು ಮೊಬೈಲ್ ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಇದೀಗ ಈ ಕಂಪೆನಿ ಹೊಸ OS ಖರೀದಿಯತ್ತ ಗಮನಹರಿಸಿದೆ ಎಂಬ ಹೊಸ ಸುದ್ದಿ ಎಲ್ಲೆಡೆ ಹರಿದಾಡುತ್ತಿದೆ. ಈ ಕಂಪೆನಿಯ ಮೊಬೈಲ್ ಗಳಿಗೆ ಇನ್ನು ಮುಂದೆ ಹೊಸ ಕಾರ್ಯ ವಿಧಾನವನ್ನು ಅಳವಡಿಸುವ ಕುರಿತು ಯೋಚಿಸೆದೆ. ಈ ಹೊಸ OS ಹೆಸರು ಎಚ್ ಪಿ ಯ ಪಾಮ್ ವೆಬ್ OS ಎಂದು ಹೇಳಲಾಗುತ್ತಿದೆ.

ಇದೀಗ ಎಚ್ ಟಿ ಸಿ ಕಂಪೆನಿ ಹೊಸ ಹೊಸ ಆಪರೇಟಿಂಗ್ ಸಿಸ್ಟಮ್ ಗಳ ಬಗ್ಗೆ ವಿಚಾರಿಸುತ್ತಿರುವುದು ಸಾಕಷ್ಟು ಕುತೂಹಲಕ್ಕೆ ಕಾರಣವಾಗಿದೆ. ಆದರೆ ಯಾವುದನ್ನು ಈ ಕಂಪೆನಿ ಒಪ್ಪಿಕೊಳ್ಳುತ್ತದೆ ಎಂಬುದು ಇನ್ನೂ ನಿಗೂಢವಾಗಿಯೇ ಇದೆ. ಅಲಿಯನ್ OS ನ ಬೈದು OS ಬಗ್ಗೆ ಕೂಡ ಈ ಕಂಪೆನಿ ಆಸಕ್ತಿ ವಹಿಸುತ್ತಿರುವುದು ಕಂಡುಬರುತ್ತಿದೆ.

ಈ ಸುದ್ದಿಯನ್ನು ಕಂಪೆನಿ ಅಲ್ಲಗಳೆಯುತ್ತಿರುವುದು ಮೇಲ್ನೋಟಕ್ಕೆ ಕಂಡುಬರುತ್ತಿದೆ. ಆದರೂ ಹೊಸ OS ಕೊಳ್ಳಲಿರುವ ಕಂಪೆನಿಯ ವ್ಯವಹಾರ ಅದು ಹೇಗೋ ಸುದ್ದಿಯಾಗಿ ನಮ್ಮವರೆಗೂ ಬಂದಿದೆ.

ತೀರಾ ಇತ್ತೀಚಿನ ಸುದ್ದಿಯನ್ನು ನಂಬುವುದಾದರೆ ಎಚ್ ಟಿ ಸಿ ಕಂಪೆನಿ ಎಚ್ ಪಿ ಪಾಮ್ ವೆಬ್ OS ಕೊಳ್ಳಲಿದೆ. ಈ ಹೊಸ OS ಮೂಲಕ ಸ್ಮಾರ್ಟ್ ಫೊನ್ ಇನ್ನೂ ಸ್ಮಾರ್ಟ್ ಆಗುವುದರೊಂದಿಗೆ ಇದರ ಕಾರ್ಯ ದಕ್ಷತೆ ಇನ್ನೂ ಹೆಚ್ಚಾಗಲಿದೆ.