ಎಲ್ ಜಿ ಮೊಬೈಲ್ ಜಗತ್ತಿನಾದ್ಯಂತ ಪ್ರಸಿದ್ಧ. ಸಾಕಷ್ಟು ಗ್ರಾಹಕರನ್ನು ಹೊಂದಿರುವ ಎಲ್ ಜಿ ಬಳಕೆದಾರರಿಗೆ ಅಚ್ಚುಮೆಚ್ಚಿನ ಫೊನ್. ಈಗಾಗಲೇ ಸಾಕಷ್ಟು ಎಲ್ ಜಿ ಮೊಬೈಲ್ ಗಳು ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿವೆ. ಇದೀಗ ಹೊಸ ಎಲ್ ಜಿ ಆಪ್ಟಿಮಸ್ EX ಬಿಡುಗಡೆಗೆ ಸಜ್ಜಾಗಿದೆ.

ಈ ಹೊಸ ಮೊಬೈಲ್ ಫೋನಿನಲ್ಲಿ ಸಾಕಷ್ಟು ವಿಶೇಷತೆಗಳಿವೆ. ಆಂಡ್ರಾಯ್ಡ್ 2.3 ಜಿಂಜರ್ ಬ್ರೆಡ್ ಫ್ಲಾಟ್ ಫಾರ್ಮ್ ಆಧಾರಿತ ಈ ಹೊಸ ಮೊಬೈಲ್ ಸ್ಯಾಮ್ ಸಂಗ್, ಸೋನಿ, ಎಲ್ ಜಿ ಗಳ ಸ್ಮಾರ್ಟ್ ಫೊನುಗಳಂತೇ ಅತ್ಯಾಧುನಿಕ.

ಈ ಹೊಸ ಎಲ್ ಜಿ ಆಪ್ಟಿಮಸ್ ನಲ್ಲಿ 4 ಇಂಚುಗಳ ಮಲ್ಟಿ ಟಚ್ ಸ್ಕ್ರೀನ್ ಇದೆ. ಇದು 800 X 480 ಪಿಕ್ಸೆಲ್ ರೆಸೊಲ್ಯೂಷನ್, ಸ್ಲೀಕ್ ಹಾಗೂ ಬಗೆಬಗೆಯ ಬಣ್ಣಗಳನ್ನು ಹೊಂದಿರುವ ಇದು ಸ್ಲಿಮ್ ಜೊತೆಗೆ ಕಡಿಮೆ ಭಾರ ಕೂಡ.

ಇದರಲ್ಲಿ 1.2GHz ಡ್ಯುಯಲ್ ಕೋರ್ ಪ್ರೊಸೆಸರ್, 5 ಮೆಗಾ ಪಿಕ್ಸೆಲ್ ಕ್ಯಾಮೆರಾ, ಆಂತರಿಕ ಹಾಗೂ ವಿಸ್ತರಿಸಬಲ್ಲ ಹೊರ ಮೆಮೊರಿ, ಮಲ್ಟಿ ಫಾರ್ಮೆಟ್ ವಿಡಿಯೋ, ಆಡಿಯೋ, ಉನ್ನತೀಕರಿಸಿದ ಬ್ಲೂಟೂಥ್, ವೈ-ಫೈ, ಡಾಟಾ ಶೇರಿಂಗ್ ಡಿವೈಸ್, ಸೋಷಿಯಲ್ ನೆಟ್ ವರ್ಕಿಂಗ್ ಅಪ್ಲಿಕೇಶನ್ ಇದೆ.

ಈ ಹೊಸ ಹ್ಯಾಂಡ್ ಸೆಟ್ ಬೆಲೆ ಇನ್ನೂ ನಿಗದಿಯಾಗಿಲ್ಲ. ಆಕರ್ಷಕ ಬೆಲೆಯೊಂದಿಗೆ ಮಾರುಕಟ್ಟೆಗೆ ಬಂದರೆ ಮಾರಾಟದಲ್ಲಿ ಯಶಸ್ಸು ಈ ಹೊಸ ಮೊಬೈಲಿಗೆ ಗ್ಯಾರಂಟಿ ಎನ್ನುತ್ತಿದೆ ಮೊಬೈಲ್ ಮಾರುಕಟ್ಟೆಯ ಅಂಗಳ.