ಅಬ್ಬಾ! ಈ ಹೊಸ ಅಪ್ಲಿಕೇಶನ್ ಆಂಡ್ರಾಯ್ಡ್ ಗೇ ಸ್ಪರ್ಧಿ

By Super

Updated: Friday, September 23, 2011, 15:14 [IST]

ಅಬ್ಬಾ! ಈ ಹೊಸ ಅಪ್ಲಿಕೇಶನ್ ಆಂಡ್ರಾಯ್ಡ್ ಗೇ ಸ್ಪರ್ಧಿ

ಜಗತ್ಪ್ರಸಿದ್ಧ ಆಪಲ್ ಕಂಪೆನಿಯ ಐಪೋನ್ ಹಾಗೂ ಐಪ್ಯಾಡ್ ಗಳಿಗೆ ಹೊಸದೊಂದು ಅಪ್ಲಿಕೇಶನ್ ಜೊತೆಯಾಗಲಿದೆ(Instragram 2.0 application for iPhone and iPad) . ಅದು ಇನ್ಸ್ಟಾಗ್ರಾಮ್ 2.0 (Instaragram 2.0). ಈ ಹೊಸ ಅಪ್ಲಿಕೇಶನ್ ಸಂಪೂರ್ಣ ಹೊಸ ರೀತಿಯ ಫೋಟೋ ಶೇರಿಂಗ್ ಸೌಲಭ್ಯದ ಅನುಭವ ನೀಡಲಿದೆ.

ಇನ್ಸ್ಟಾಗ್ರಾಮ್ ಹೊಚ್ಚಹೊಸ ಆವೃತ್ತಿ 2.0 ಇದೀಗ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಎಲ್ಲಾ ಅವಕಾಶಗಳನ್ನು ಬಾಚಿಕೊಳ್ಳಲು ಕಾಯುತ್ತಿದೆ. ಇದು iOS ಡಿವೇಸ್ ಗಳಿಗೆ ಹೇಳಿ ಮಾಡಿಸಿದಂತಿದೆ. ಈ ಹೊಸ ಅಪ್ಲಿಕೇಶನ್ ನವೀಕರಿಸಿದ ಇಂಟರ್ ಫೇಸ್ ಹಾಗೂ ಆಧುನಿಕ ತಂತ್ರಜ್ಞಾನದ ಲೇಯರ್ಸ್ ಹೊಂದಿರುವ ಕ್ಯಾಮೆರಾ ಹೊಂದಿದೆ.

ಉತ್ತಮ ಗುಣಮಟ್ಟದ ಕ್ಯಾಮೆರಾ ಹೊಂದಿರುವ ಮೊಬೈಲುಗಳಿಂದ ಕ್ಯಾಮೆರಾ ತೆಗೆಯುವುದು ಈಗ ಜಗತ್ತಿನಲ್ಲಿ ತೀರಾ ಸಾಮಾನ್ಯವಾಗಿದೆ. ಅದಕ್ಕೆ ಈ ಹೊಸ ಮೊಬೈಲ್ ಅಪ್ಲಿಕೇಶನ್ ತುಂಬ ಉಪಯುಕ್ತವಾಗಲಿದೆ. ಈ ದಿಸೆಯಲ್ಲಿ ಅಮೇಚರ್ ಕಂಪೆನಿ ಸಾಕಷ್ಟು ಪ್ರಸಿದ್ಧಿ. 6 ಜನರನ್ನು ಹೊಂದಿರುವ ಈ ಸಂಸ್ಥೆಯ ಈ ಹೊಸ ಅಪ್ಲಿಕೇಶನ್, 150 ಮಿಲಿಯನ್ ಡೌನ್ ಲೋಡ್ ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದಂದಿನಿಂದ ಹೊಂದಿದೆ ಎಂದರೆ ಇದರ ಯಶಸ್ಸು ಯಾವ ಮಟ್ಟದಲ್ಲಿದೆ ಎಂಬುದನ್ನು ತಿಳಿಯಬಹುದು.

ಇಮೇಜ್ ಗಳಿಗೆ ಅತಿ ಸುಲಭವಾಗಿ ಹೊಂದಿಕೆಯಾಗಬಲ್ಲ 4 ಲೇಯರ್ ಗಳನ್ನು ಹೊಂದಿರುವುದು ಈ ಇನ್ಸ್ಟಾಗ್ರಾಮ್ 2.0 ನ ವಿಶೇಷತೆಯಾಗಿದೆ. ಇದು ಮೊದಲಿನದಕ್ಕಿಂತ 200 ಪಟ್ಟು ಹೆಚ್ಚು ಪ್ರಬಲವಾಗಿದೆ. ಇಷ್ಟೇ ಅಲ್ಲ, ಇದು ಈಗ ಮಾರ್ಕೆಟ್ ನಲ್ಲಿ ರಾಜನಾಗಿ ಮೆರೆಯುತ್ತಿರುವ ಆಂಡ್ರಾಯ್ಡ್ ಅಪ್ಲಿಕೇಶನ್ ಗೆ ಅತ್ಯಂತ ಪ್ರಬಲ ಸ್ಪರ್ಧಿಯಾಗಲಿದೆ.

ಈ ಹೊಸ ಅಪ್ಲಿಕೇಶನ್ನಿನ ಪ್ರಾರಂಭಿಕ ಹಂತಗಳು ಮೊದಲಿನದರ ರೀತಿಯಲ್ಲೇ ಇದ್ದು ಆನಂತರ ಉನ್ನತ ಗುಣಮಟ್ಟದ ವ್ಯತ್ಯಾಸ ಸ್ಪಷ್ಟವಾಗಿ ಗೋಚರಿಸಲಿದೆ. ಸದ್ಯಕ್ಕೆ ಕೇವಲ ಆಪಲ್ ಕಂಪೆನಿಯ ಐಫೋನ್ ಮತ್ತು ಐಪ್ಯಾಡ್ ನಲ್ಲಿ ಇದನ್ನು ಇನ್ಸ್ಟಾಲ್ ಮಾಡಿಕೊಳ್ಳಬಹುದು.