ಟೆಕ್ನೋ ಟೆಲ್ಕಾಮ್ ಹೊಸ 4 ಸಿಮ್ ಮೊಬೈಲ್

Posted By: Staff

ಟೆಕ್ನೋ ಟೆಲ್ಕಾಮ್ ಹೊಸ 4 ಸಿಮ್ ಮೊಬೈಲ್
ಮೊಬೈಲ್ ಮಾರುಕಟ್ಟೆ ದಿನದಿನಕ್ಕೂ ವಿಸ್ತಾರವಾಗುತ್ತಿದೆ. ಹೊಸ ಹೊಸ ತಂತ್ರಜ್ಞಾನ ವೇಗವಾಗಿ ಬೆಳೆಯುತ್ತಿದ್ದು ಇಂದಿನದು ನಾಳೆ ಹಳೆಯದು ಎಂಬಂತಾಗಿದೆ.
ಮೊದಲಿದ್ದ ಒಂದು ಸಿಮ್ ಹೋಗಿ ಎರಡಾಯಿತು. ಈಗ ಅದೂ ಹೊರಟು ಹೋಗಿ ನಾಲ್ಕು ಆಗುವ ಕಾಲ ಬರುತ್ತಿದೆ.

ಈ 4 ಸಿಮ್ ಸಾಧನೆ ಮಾಡಲು ಹೊರಟ ಕಂಪೆನಿ ಟೆಕ್ನೋ ಟೆಲಿ ಕಂಪೆನಿ. ಹೊಸ ಮೊಬೈಲ್ ಟೆಕ್ನೋ T4. ಸಿಮ್ ಕಾರ್ಡ್ ರಿಪ್ಲೇಸ್ ಮಾಡದೇ, ಮೊಬೈಲ್ ಸ್ವಿಚ್ಡ್ ಆಫ್ ಮಾಡದೇ ನಾಲ್ಕು ನೆಟ್ ವರ್ಕ್ ಬಳಕೆ ಮಾಡುವ ಸೌಲಭ್ಯ ನೀಡಲಿದೆ ಈ ಹೊಸ ಮೊಬೈಲ್.

ಇನ್ನು ನೋಕಿಯಾ, ಸ್ಯಾಮ್ ಸಂಗ್ ಕಂಪೆನಿಗಳು ಈ ಹೊಸ ತಂತ್ರಜ್ಞಾನವನ್ನು ತರುವುದು ಗ್ಯಾರಂಟಿ. ಏಕೆಂದರೆ ಅವು ಮೊಬೈಲ್ ಜಗತ್ತಿನ ಅಗ್ರಗಣ್ಯ ಕಂಪೆನಿಗಳು. ಬಳಕೆದಾರರಿಗೆ ಸಾಕಷ್ಟು ಆಯ್ಕೆಗಳಿದ್ದಾಗ ಲಾಭಕರ ರೀತಿಯಲ್ಲಿ ಮೊಬೈಲ್ ಬಳಕೆ ಸಾಧ್ಯ. ಹಾಗಾಗಿ ಈ ಯೋಜನೆ ಕಾರ್ಯಗತ ಗೊಳಿಸಿದ್ದಾಗಿ ಕಂಪೆನಿ ಹೇಳಿಕೊಂಡಿದೆ.

ಈ ಹೊಸ ಮೊಬೈಲ್ ಮೊದಲು ಕೀನ್ಯಾ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ. ಭಾರತದ ಮಾರುಕಟ್ಟೆ ಪ್ರವೇಶಿಸುವ ದಿನಾಂಕ ನಿಗದಿಯಾಗಿಲ್ಲ. ಇದರ ಬೆಲೆ ಬಿಡುಗಡೆಯಾದಾಗ ಸುಮಾರು ರು. 15,000 ದಿಂದ ಪ್ರಾರಂಭವಾಗಲಿದೆ ಎಂದು ಹೇಳಲಾಗಿದೆ.

Please Wait while comments are loading...
Opinion Poll

Social Counting