ಈಗ ಮಾರುಕಟ್ಟೆಗೆ ಬರುವ ಹೆಚ್ಚಿನ ಫೊನುಗಳು 3G ಗೆ ಬದಲಾಗಿ ವೈ-ಫೈ ಸಹಕಾರದ ಮೂಲಕ ಕಾರ್ಯ ನಿರ್ವಹಿಸುತ್ತವೆ. ಇದೀಗ ಬ್ಯಾಕ್ ಬೆರ್ರಿ ವೈ-ಫೈ ಮೂಲಕ ಸಾಧ್ಯವಾದಷ್ಟೂ ಹೆಚ್ಚು ಲಾಭಗಳಿಸಲು ತುದಿಗಾಲಲ್ಲಿ ನಿಂತಿದೆ. RIM ನ ಹೊಸ ಬೆಳವಣಿಗೆಗನುಗುಣವಾಗಿ ಬ್ಲಾಕ್ ಬೆರ್ರಿ ಇನ್ನು ಮುಂದೆ ಪ್ರಾದೇಶಿಕ ಆಧಾರಿತ ಸೇವೆ ನೀಡಲಿದೆ. ಈ ಸೇವೆ GPS ಸಹಕಾರದೊಂದಿಗೆ ಲಭ್ಯವಾಗಲಿದೆ.

ವೈ-ಫೈ ನೆಟ್ ವರ್ಕ್ ಮೂಲಕ ಕಾರ್ಯ ನಿರ್ವಹಿಸುವ ಬ್ಲಾಕ್ ಬೆರ್ರಿಯ ಹ್ಯಾಂಡ್ ಸೆಟ್ ಎಲ್ಲಿದ್ದರೂ ಸಮಸ್ಯೆ ಇಲ್ಲ. ಈ ವೈ-ಫೈ ಸೌಲಭ್ಯದ ಮೂಲಕ ನಿರ್ಧಿಷ್ಟ ಪ್ರದೇಶದ ಮಾಹಿತಿಯನ್ನು ಅಗತ್ಯಕ್ಕನುಗುಣವಾಗು ಹಂಚಿಕೊಳ್ಳಬಹುದು ಹಾಗೂ ಕಳುಹಿಸಬಹುದು.

ಈ ಜಿಯೋ ಲೊಕೇಶನ್ ವೈ-ಫೈ ನೆಟ್ ವರ್ಕ್ ಫೀಚರ್ ಅತ್ಯಂತ ವೇಗಿ, ಉತ್ಕೃಷ್ಟ ಹಾಗೂ ಸರಳ ಕೂಡ. ಇದು ಸುಮಾರು 60 ರಿಂದ 200 ಮೀಟರ್ ವ್ಯಾಪ್ತಿಯಲ್ಲಿ ತುಂಬಾ ಪರಿಣಾಮಕಾರಿಯಾಗಿದೆ.

ಈಗಾಗಲೇ ಬ್ಲಾಕ್ ಬೆರ್ರಿ ಆಪರೇಟಿಂಗ್ ಸಿಸ್ಟಮ್ ಅನ್ನು ಅಪ್ ಡೇಟೆಡ್ ಮಾಡಿರುವ RIM, ಆ ಮೂಲಕ OS ಗೇ ಸಾಕಷ್ಟು ಲಾಭವಾಗಲಿದೆ. ಈ ಹೊಸ ಆವೃತ್ತಿಯ ಹೆಸರು ಬ್ಯಾಕ್ ಬೆರ್ರಿ OS 6 ಎಂದಾಗಿದೆ. ಇದನ್ನು (API) Application Programming Interface ನ ಹೊಸ ಸೇರ್ಪಡೆ ಎಂದು ಹೇಳಲಾಗುತ್ತಿದೆ.

ಇವುಗಳಲ್ಲಿ ಕೆಲವೊಂದು ಪ್ರಾದೇಶಿಕ ಸೇವೆಗಳು ಸಾಮಾಜಿಕ ತಾಣಗಳಲ್ಲಿ ಉಪಯೋಗಿಸಲ್ಪಡುತ್ತಿವೆ. ಹಾಗಾಗಿ ಭವಿಷ್ಯದಲ್ಲಿ ಇದು ಸಾಕಷ್ಟು ಪ್ರಯೋಜನಕಾರಿ ಆಗಲಿದೆ. ಈಗ ಹೊಸ ಬ್ಲಾಕ್ ಬೆರ್ರಿ ಡಿವೈಸ್ ಗಳಲ್ಲಿ ಈ ಸೇವೆಯನ್ನು ನೀಡಲು RIM ಪ್ರಾರಂಭ ಮಾಡಿದೆ. ಇದೀಗ ಕಾರ್ಯರೂಪದ ಹಂತದಲ್ಲಿರುವ ಇದು ಸದ್ಯದಲ್ಲಿಯೇ ಪೂರ್ಣಗೊಂಡು ಸೇವೆಗೆ ಸಿದ್ಧವಾಗಲಿದೆ.