ವಿಶ್ವದ ಟಾಪ್ 10 ದುಬಾರಿ ಮೊಬೈಲ್‌ಗಳು ಇವು!!

10) ವರ್ಚ್ಯು ಸಿಗ್ನೇಚರ್ ಡೈಮೆಂಡ್($88,300)

ವರ್ಚ್ಯು ಬಿಡುಗಡೆ ಮಾಡಿರುವ ದುಬಾರಿ ಫೋನ್ ಇದಾಗಿದೆ. ವಿಶ್ವದ ಟಾಪ್ 10 ಮೊಬೈಲ್ ಫೋನ್‌ಗಳ ಪಟ್ಟಿಯಲ್ಲಿ ಈ ಫೋನ್ ಕೂಡ ಸೇರಿದೆ. ಪ್ಲಾಟಿನಮ್‌ನಿಂದ ತಯಾರಿಸಲಾದ ಈ ಫೋನ್ ಬರಿಯ ಕೈಗಳಿಂದಲೇ ನಿರ್ಮಿಸಲ್ಪಟ್ಟಿದೆ. ಈ ಸ್ಮಾರ್ಟ್‌ಫೋನಿನ ಬೆಲೆ ಭಾರತೀಯ ರೂಪಾಯಿಗಳ ಲೆಕ್ಕದಲ್ಲಿ 60 ಲಕ್ಞ ರೂಪಾಯಿಗಳಾಗುತ್ತವೆ.

9) ಐಫೋನ್ ಪ್ರಿನ್ಸಸ್ ಪ್ಲಸ್ ($176,400)

ಐಫೋನ್ ಪ್ರಿನ್ಸಸ್ ಪ್ಲಸ್ ವಿಶ್ವದಲ್ಲೇ ಅತಿ ದುಬಾರಿ ಫೋನ್‌ಗಳ ಪಟ್ಟಿಯಲ್ಲಿ ಸ್ಥಾನವನ್ನು ಪಡೆದುಕೊಳ್ಳುವಂತೆ ಮಾಡಿದೆ. ಪೀಟರ್ ಅಲೊಯ್‌ಸನ್ ಎಂಬ ಖ್ಯಾತ ವಿನ್ಯಾಸಕಾರಈ ಐಫೋನ್ ಅನ್ನು ಸಿದ್ಧಪಡಿಸಿದ್ದು, 138 ಪ್ರಿನ್ಸಸ್ ಕಟ್ ಮತ್ತು 180 ಬ್ರಿಲಿಯಂಟ್ ಕಟ್ ಡೈಮೆಂಡ್ಸ್ ಹೊಂದಿರುವ ಈ ಮೊಬೈಲ್ ಬೆಲೆ 1.17 ಕೋಟಿ ರೂಪಾಯಿಗಳು.

8) ಸ್ಯಾವೆಲ್ಲಿ ಸ್ಮಾರ್ಟ್‌ಫೋನ್ ($ 2,50,000)

ಮಹಿಳೆಯರನ್ನು ಗುರಿಯಾಗಿಟ್ಟುಕೊಂಡು ಮಾರುಕಟ್ಟೆಗೆ ಬಂದ ಸ್ಯಾವೆಲ್ಲಿ ಸ್ಮಾರ್ಟ್‌ಫೋನ್ 11 ವಿವಿಧ ಮಾದರಿಗಳಲ್ಲಿ ಮಾರುಕಟ್ಟೆಗೆ ಕಾಲಿಟ್ಟಿತ್ತು. 18k ಚಿನ್ನದ ತುಣುಕುಗಳೊಂದಿಗೆ ತಯಾರಾಗಿದ್ದ ಈ ಸ್ಮಾರ್ಟ್‌ಪೋನ್ ಬೆಲೆ ಬಾರತೀಯ ರೂಪಾಯಿಗಳ ಲೆಕ್ಕದಲ್ಲಿ 1.6 ಕೋಟಿ ರೂಪಾಯಿಗಳು.

7) ಬ್ಲ್ಯಾಕ್ ಡೈಮೆಂಡ್ ವಿಐಪಿಎನ್ ಸ್ಮಾರ್ಟ್‌ಫೋನ್ ($300,000)

ವಿಶ್ವದ ಶ್ರೀಮಂತ ಫೋನ್‌ಗಳ ಪಟ್ಟಿಯಲ್ಲಿ ಸೋನಿ ಎರಿಕ್‌ಸನ್‌ನ ಬ್ಲ್ಯಾಕ್ ಡೈಮಂಡ್ ಕೂಡ ಸ್ಥಾನ ಪಡೆದುಕೊಂಡಿದೆ. ನ್ಯಾವಿಗೇಶನ್ ಬಟನ್ ಹೊಂದಿರುವ ಈ ಪೋನ್ ಅನ್ನು ಎರಡು ವಜ್ರಗಳನ್ನು ಬಳಸಿ ಇದನ್ನು ಅಲಂಕರಿಸಲಾಗಿದೆ. ಈ ಸ್ಮಾರ್ಟ್‌ಫೋನಿನ ಬೆಲೆ 2 ಕೋಟಿ ರೂಪಾಯಿ ಆಸುಪಾಸಿನಲ್ಲಿದೆ.

6) ವರ್ಚ್ಯು ಸಿಗ್ನೇಚರ್ ಕೋಬ್ರಾ ($310,000)

ವಿಶ್ವದ ದುಬಾರಿ ಫೋನ್‌ಗಳ ಪಟ್ಟಿಯಲ್ಲಿ ವರ್ಚ್ಯು ಸಿಗ್ನೇಚರ್ ಕೋಬ್ರಾ ಪಡೆದುಕೊಂಡಿದೆ. ಫ್ರೆಂಚ್ ಜ್ಯುವೆಲ್ಲರ್ ಬೌಶೆರನ್ ಈ ಫೋನ್ ಅನ್ನು ಸಿದ್ಧಪಡಿಸಿದ್ದು, ಪಿಯರ್ ಕಟ್ ಡೈಮಂಡ್ ಅನ್ನು ಇದರಲ್ಲಿ ಬಳಸಲಾಗಿದೆ. ಈ ಸ್ಮಾರ್ಟ್‌ಫೋನಿನ ಬೆಲೆ 2 ಕೋಟಿ ರೂಪಾಯಿ ದಾಟುತ್ತದೆ.

5) ಗ್ರೇಸೊ ಲಕ್ಸರ್ ಲಾಸ್ ವೇಗಸ್ ಜಾಕ್‌ಪ್ಯಾಟ್ ($ 1 million)

ಗ್ರೆಸೊ ಹೆಸರಿನ ಫೋನ್ ಅನ್ನು ಕರೆಯುವುದು ಗ್ರೇಸೊ ಲಕ್ಸರ್ ಲಾಸ್ ವೇಗಸ್ ಜಾಕ್‌ಪ್ಯಾಟ್ ಎಂಬ ಹೆಸರಿನಿಂದಾಗಿದೆ. 2005 ರಲ್ಲಿ ಈ ಫೋನ್ ಅನ್ನು ಸ್ವಿಡ್ಜರ್‌ಲ್ಯಾಂಡ್‌ನಲ್ಲಿ ಸ್ಥಾಪಿಸಲಾಯಿತು. 180 ಗ್ರಾಮ್‌ಗಳ ಚಿನ್ನದಿಂದ ಈ ಫೋನ್ ಅನ್ನು ತಯಾರಾಗಿದ್ದು, ಈ ಸ್ಮಾರ್ಟ್‌ಫೋನಿನ ಬೆಲೆ 6.63 ಕೋಟಿ ರೂಪಾಯಿಗಳಾಗಿವೆ.

4) ಡೈಮೆಂಡ್ ಕ್ರಿಪ್ಟೊ ಸ್ಮಾರ್ಟ್‌ಫೋನ್ ($ 1.3 million)

ವಿಂಡೋಸ್ ಸಿಇ ಆಧಾರಿತ ಈ ಸ್ಮಾರ್ಟ್ ಫೋನ್ ಪೀಟರ್ ಅಲಿಸನ್‌ನಿಂದ ವಿನ್ಯಾಸಗೊಳಿಸಲಾಗಿದೆ. 50 ವಜ್ರದ ಹರಳುಗಳನ್ನು ಈ ಫೋನ್‌ನಲ್ಲಿ ಬಳಸಲಾಗಿದೆ.ಭಾರತೀಯ ರೂಪಾಯಿಗಳ ಲೆಕ್ಕದಲ್ಲಿ ಈ ಪೋನಿನ ಬೆಲೆ 8.64 ಕೋಟಿಯಷ್ಟಾಗುತ್ತದೆ ಎಂದರೆ ಆಶ್ಚರ್ಯವಾಗುತ್ತದೆ ಅಲ್ಲವೆ.?

3) ಗೋಲ್ಡ್ ವಿಶ್ ಲಿ ಮಿಲಿಯನ್ ($ 1.3 million)

ಇಮ್ಯಾನುವಲ್ ಗುಯೆಟ್ ಎಂಬ ವಿನ್ಯಾಸಕಾರ ಈ ಸ್ಮಾರ್ಟ್‌ಫೋನ್ ಅನ್ನು ವಿನ್ಯಾಸಪಡಿಸಿದ್ದು, ಸ್ವಿಡ್ಜರ್‌ಲ್ಯಾಂಡ್‌ನಲ್ಲಿ ನಿರ್ಮಾಣವಾದ ಈ ಪೋನ್ ವಿಶ್ವದ ಗಿನ್ನೇಸ್ ವರ್ಲ್ಡ್ ದಾಖಲೆಯನ್ನು ಪಡೆದುಕೊಂಡಿತ್ತು. ಈ ಸ್ಮಾರ್ಟ್‌ಪೋನಿನ ಬೆಲೆ ಕೂಡ 8.64 ಕೋಟಿ ರೂಪಾಯಿಗಳಿಗಿಂತ ಹೆಚ್ಚಿತ್ತು.

2) ಐಫೋನ್ 3 ಜಿ ಕಿಂಗ್ಸ್ ಬಟನ್ ($ 1.5 million)

ವಿಶ್ವದ ಎರಡನೇ ದುಬಾರಿ ಫೋನ್ ಆಗಿ ಖ್ಯಾತಿವೆತ್ತಿರುವ ಐಫೋನ್ 3 ಜಿ ಕಿಂಗ್ಸ್ ಬಟನ್ ಸ್ಮಾರ್ಟ್‌ಫೋನ್ 6.6 ಕ್ಯಾರೆಟ್ ಗುಣಮಟ್ಟದ 138 ವಜ್ರಗಳಿಂದ ನಿರ್ಮಿತವಾಗಿದೆ. 138 ವಜ್ರಗಳಿಮದ ರೂಪಿತವಾಗಿರುವ ಈ ಸ್ಮಾರ್ಟ್‌ಫೋನಿನ ಬೆಲೆ 10 ಕೋಟಿ ರೂಪಾಯಿಗಳಾಗುತ್ತದೆ.

1) ಫಾಲ್ಕನ್ ಸೂಪರ್ನೋವಾ ಪಿಂಕ್ ಡೈಮಂಡ್ ಐಫೋನ್ 6($95.5 million)

ಪ್ರಪಂಚದಲ್ಲಿಯೇ ದುಬಾರಿ ಸ್ಮಾರ್ಟ್‌ಫೋನ್ ಎಂಬ ಹೆಗ್ಗಳಿಕೆಯನ್ನು ಫಾಲ್ಕನ್ ಸೂಪರ್ನೋವಾ ಪಿಂಕ್ ಡೈಮಂಡ್ ಐಫೋನ್ 6 ಹೊಂದಿದೆ. ಗುಲಾಬಿ ಮತ್ತು ನೀಲಿ ಬಣ್ಣದಲ್ಲಿ ಬಿಡುಗಡೆಯಾಗಿದ್ದ ಈ ಸ್ಮಾರ್ಟ್‌ಫೋನ್ 18 ಕ್ಯಾರೆಟ್ ವಜ್ರದಲ್ಲಿ ರೂಪಿತವಾಗಿತ್ತು. ಈ ಸ್ಮಾರ್ಟ್‌ಫೋನಿನ ಬೆಲೆ 635 ಕೋಟಿ ರೂಪಾಯಿಗಳಾಗಿತ್ತು.