ನೋಕಿಯಾದಿಂದ ಸಖತ್ ಸ್ಮಾರ್ಟ್ ಫೋನ್ ಸಿದ್ಧ

By Super

Updated: Wednesday, October 5, 2011, 15:04 [IST]

ಸ್ಮಾರ್ಟ್ ಫೋನ್ ಗಳು ಒಂದಾದ ಮೇಲೊಂದು ಲಗ್ಗೆ ಇಡುತ್ತಲೇ ಇವೆ. ಆದರೆ ಸ್ಮಾರ್ಟ್ ಫೋನ್ ಮಾರುಕಟ್ಟೆಗೆ ನೋಕಿಯಾ ತನ್ನದೊಂದು ಹೊಸ ಕೊಡುಗೆ ನೀಡಲು ಮುಂದಾಗಿದೆ. ನೋಕಿಯಾ ಸಾಬ್ರಿ ಎಂಬ ವಿನೂತನ ಸ್ಮಾರ್ಟ್ ಫೋನ್ ಪರಿಚಯಿಸಲು ನೋಕಿಯಾ ಸಜ್ಜಾಗಿದೆ.

ವಿಂಡೋಸ್ ಫೋನ್ 7.5 ಆಪರೇಟಿಂಗ್ ಸಿಸ್ಟಮ್ ನೋಕಿಯಾ ಸಾಬ್ರಿಯಾದಲ್ಲಿದ್ದು, 1.4 ಗಿಗಾ ಹಟ್ಸ್ ಸಿಪಿಯು ಪ್ರೊಸೆಸರ್ ಹೊಂದಿದೆ. 3.7 ಇಂಚಿನ ಎಲ್ ಸಿಡಿ ಟಚ್ ಸ್ಕ್ರೀನ್ ಡಿಸ್ಪ್ಲೇ ಹೊಂದಿರುವ ಈ ಮೊಬೈಲ್ ನೋಡೋದಕ್ಕೆ ಸಖತ್ ಸ್ಟೈಲಿಶ್.

ಪ್ಯಾನೆಲ್ ನಲ್ಲಿ ನೋಕಿಯಾ ಲೋಗೋ ಇರುವುದು ಒಳ್ಳೆ ಔಟ್ ಲುಕ್ ನೀಡಿದೆ. 5 ಮೆಗಾ ಪಿಕ್ಸಲ್ ಕ್ಯಾಮೆರಾದೊಂದಿಗೆ ಆಟೊ ಫೋಕಸ್ ಕೂಡ ಒದಗಿಸಲಾಗಿದೆ. ಹೈ ಡೆಫನಿಶನ್ ವಿಡಿಯೋ ರೆಕಾರ್ಡಿಂಗ್ ಜೊತೆ ಉತ್ತಮ ಗುಣಮಟ್ಟದ ವಿಡಿಯೋ ಗ್ರಾಫಿಕ್ ನೀಡಲಾಗಿದೆ.

8 ಜಿಬಿ ಮೆಮೊರಿ ಸಂಗ್ರಹದ ಸಾಮರ್ಥ್ಯ ಹೊಂದಿರುವ ಸಾಬ್ರಿಯಲ್ಲಿ 25 ಜಿಬಿಯ ಕ್ಲೌಡ್ ಸ್ಟೋರೇಜ್ ಸಾಮರ್ಥ್ಯವನ್ನು ಪರಿಚಯಿಸಲಾಗಿದೆ. ವೈ-ಫೈ, ಬ್ಲೂಟೂಥ್, ಮಲ್ಟಿ ಫಾರ್ಮೆಟ್ ಆಡಿಯೋ ಮತ್ತು ವಿಡಿಯೋದೊಂದಿಗೆ USB 2.0 ಪೋರ್ಟ್ ಮತ್ತು ಮೆಮೊರಿ ವಿಸ್ತರಣೆಗೆಂದು ಮೈಕ್ರೊ SD ಕಾರ್ಡ್ ನೀಡಲಾಗಿದೆ. ಇವೆಲ್ಲದರೊಂದಿಗೆ ಒಳ್ಳೆ ಗುಣಮಟ್ಟದ Li-Ion ಬ್ಯಾಟರಿ ಮೊಬೈಲನ್ನು ಹೆಚ್ಚು ಬಾಳಿಕೆ ಬರಿಸಲಿದೆ.

ಸದ್ಯಕ್ಕೆ ಇದು ಕಪ್ಪು ಬಣ್ಣದಲ್ಲಿ ಮಾತ್ರ ಲಭ್ಯವಿದ್ದು, ಈ ಸ್ಮಾರ್ಟ್ ಫೋನ್ ಬೆಲೆ ಇನ್ನೂ ತಿಳಿದಿಲ್ಲ, ಕೈಗೆಟುಕುವ ದರದಲ್ಲಿ ಇದು ಲಭಿಸಲಿರುವುದೆಂದು ನಿರೀಕ್ಷಿಸಲಾಗಿದೆ.