ಬಿಟ್ಟರೆ ಮತ್ತೆ ಸಿಗೊಲ್ಲ ಈ ಚಾಕಲೇಟ್ ಫೋನ್

ಮೊಬೈಲ್ ಮಾರುಕಟ್ಟೆಯಲ್ಲಿ ಇದೀಗ ಆಂಡ್ರಾಯ್ಡ್ ನದ್ದೇ ಕಾರುಬಾರು. ಬಳಕೆಗೆ ಅನುಕೂಲವಾಗಿರುವ ಆಂಡ್ರಾಯ್ಡ್ ಆಪರೇಟಿಂಗ್ ಸಿಸ್ಟಮ್ ನಲ್ಲಿ ಮೂಡಿಬರುತ್ತಿರುವ ಹೊಸ ಹೊಸ ಆವೃತ್ತಿಗಳು ಶಾರ್ಪ್ ನಂತಹ ಮೊಬೈಲ್ ಉತ್ಪಾದಕರನ್ನು ಉತ್ತೇಜನಗೊಳಿಸಿದಂತಿದೆ.

ಚಾಕಲೇಟ್ ಬಾರ್ ನಂತಿರುವ ಶಾರ್ಪ್ ಕ್ಯೂ ಪಾಡ್ ಮೊಬೈಲ್ ಸ್ಮಾರ್ಟ್ ಫೋನ್ ಬಿಡುಗಡೆಗೊಳಿಸಲು ಶಾರ್ಪ್ ಕಂಪನಿ ಸಿದ್ಧವಾಗಿದ್ದು, ಅಕ್ಟೋಬರ್ 18 ಕ್ಕೆ ಬಿಡುಗಡೆಗೊಳ್ಳಲಿದೆ.

ಈ ಶಾರ್ಪ್ ಡಿಸೈನ್ ಚಾಕಲೇಟ್ ಬಾರ್ ನಂತಿದ್ದು, ತುಂಬಾ ಆಕರ್ಷಕವಾಗಿದೆ. ಎಲ್ಲ ವಯೋಮಿತಿಯವರಿಗೂ ಇಷ್ಟವೆನಿಸುವ ಈ ಮೊಬೈಲ್ ಸಿಂಗಲ್ ಕೋರ್ ಸ್ನಾಪ್ ಡ್ರಾಗನ್ ಪ್ರೊಸೆಸರ್ ಹೊಂದಿದೆ.

1 ಗಿಗಾ ಹಟ್ಸ್ ಬೆಂಬಲಿತ MSM 8255 ಮತ್ತು 512 ಎಂಬಿ RAM ಇದರಲ್ಲಿದೆ. 3.7 ಇಂಚಿನ LCD ಸ್ಕ್ರೀನ್ ಡಿಸ್ಪ್ಲೇ ಮತ್ತು 540*960 ಪಿಕ್ಸಲ್ ರೆಸೊಲ್ಯೂಷನ್ ಹೊಂದಿದೆ. QHD ರೆಸೊಲ್ಯೂಷನ್ ಸಲುವಾಗಿ ಟಚ್ ಸ್ಕ್ರೀನ್ ನಲ್ಲಿ ಕಾಣಿಸಿಕೊಳ್ಳುವ ನಿರೀಕ್ಷೆಯಿದೆ. 8 ಮೆಗಾ ಪಿಕ್ಸಲ್ ಕ್ಯಾಮೆರಾ ಹೊಂದಿರುವ ಈ ಮೊಬೈಲ್ ನಲ್ಲಿ LED ಫ್ಲಾಶ್ ಲೈಟ್ ಮತ್ತು ವಾಟರ್ ಪ್ರೂಫ್ ಸೌಲಭ್ಯ ನೀಡಲಾಗಿದೆ.

ಇದರಲ್ಲಿರುವ ಚಾಕೊಬೆಡ್ ಚಾರ್ಜಿಂಗ್ ಗೆ ನೆರವಾಗಲಿದೆ. 802.11 b/ g/ n ನೊಂದಿಗೆ ಬ್ಲೂಟೂಥ್, ವೈ-ಫೈ ಜೊತೆಗೆ USB ಸಂಪರ್ಕ ನೀಡಲಾಗಿದೆ. HDMI ಔಟ್ ಪುಟ್ ಹೈ ಡೆಫೆನಿಶನ್ ವೀಡಿಯೋ ರೆಕಾರ್ಡಿಂಗ್ ನೀಡಲಿದೆ. ಉತ್ಕ್ರಷ್ಟ ಮಟ್ಟದ ಲೀಥಿಯಂ ಐಯಾನ್ ಬ್ಯಾಟರಿ ಹೊಂದಿದ್ದು, ಟಾಕ್ ಟೈಂ ಮತ್ತು ಸ್ಟಾಂಡ್ ಬೈ ಟೈಂ ಉತ್ತಮವಾಗಿದೆ.

ಅಕ್ಟೋಬರ್ 18, 2011 ಗೆ ಬಿಡುಗಡೆಗೊಳ್ಳುತ್ತಿರುವ ಈ ಮೊಬೈಲ್ ಬೆಲೆಯನ್ನು ಕಂಪನಿ ಇನ್ನೂ ಘೋಷಿಸಿಲ್ಲ.