ವೈದ್ಯಕೀಯ ಪ್ರಪಂಚಕ್ಕೆ ಈ ಸ್ಮಾರ್ಟ್ ಫೋನ್ ಉಡುಗೊರೆ

By Super
|
ವೈದ್ಯಕೀಯ ಪ್ರಪಂಚಕ್ಕೆ ಈ ಸ್ಮಾರ್ಟ್ ಫೋನ್ ಉಡುಗೊರೆ
ಸ್ಮಾರ್ಟ್ ಫೋನ್ ನಲ್ಲಿರುವ ಅತ್ಯಾಧುನಿಕ ತಂತ್ರಜ್ಞಾನವನ್ನು ಇನ್ನಿತರ ಕ್ಷೇತ್ರಗಳಲ್ಲಿಯೂ ಪರಿಪೂರ್ಣವಾಗಿ ಬಳಸಿಕೊಳ್ಳಲು ಹೊರಟಿರುವ ಮೊಬಿಸ್ಯಾಂಟ್ ಕಂಪನಿ ಇದೀಗ ವೈದ್ಯಕೀಯ ಪ್ರಪಂಚಕ್ಕೆ ನೂತನ ಸ್ಮಾರ್ಟ್ ಫೋನ್ ಪರಿಚಯಿಸಿದೆ.

ಮೊಬೈಲ್ ಮಾರುಕಟ್ಟೆಗೆ ಕಾಲಿಟ್ಟಿರುವ ಮೊಬಿಸ್ಯಾಂಟ್ ಕಂಪನಿಯ ಅಲ್ಟ್ರಾ ಸೌಂಡ್ ಮೊಬಿUS ಎಂಬ ವಿನೂತನ ಸ್ಮಾರ್ಟ್ ಫೋನ್ ಆರೋಗ್ಯ ಕ್ಷೇತ್ರದಲ್ಲಿ ಅಚ್ಚರಿ ಮೂಡಿಸಲು ಹೊರಟಿದೆ.

ಬಳಕೆಗೆ ಸುಲಭವೆನಿಸಿದ್ದು, ಮೆಡಿಕಲ್ ಪ್ರಪಂಚಕ್ಕೆ ಅನುವಾಗುವ ಅತ್ಯಾಧುನಿಕ ತಂತ್ರಜ್ಞಾನ ಒಳಗೊಂಡಿರುವ ಈ ಮೊಬೈಲ್ ನಲ್ಲಿ ಏನೇನು ವಿಶೇಷತೆ ಇದೆ ಎಂದು ಇಲ್ಲಿ ತಿಳಿಯೋಣ:

ಅಲ್ಟ್ರಾ ಸೌಂಡ್ ಮೊಬಿUS ವಿಶೇಷತೆ:
* ಮೆಡಿಕಲ್ ಡಯಾಗ್ನಾಸಿಸ್ ಉದ್ದೇಶಗಳಿಗೆ ಬಳಸಲಾಗುವ ಅಲ್ಟ್ರಾ ಸೌಂಡ್ ಇಮೇಜಿಂಗ್ ವ್ಯವಸ್ಥೆ
* ಮೆಡಿಕಲ್ ಡಯಾಗ್ನಾಸಿಸ್ ಗೆ ಬಳಸಬಹುದಾಗಿದೆ ( ಅಬ್ಡಾಮಿನಲ್ ಇಮೇಜಿಂಗ್ ಮತ್ತು ಫೀಟಲ್ ಇಮೇಜಿಂಗ್ )
* ವ್ಯಾಸ್ಕುಲಾರ್ DVT ಮತ್ತು ವ್ಯಾಸ್ಕುಲರ್ ಅಕ್ಸೆಸ್ ಚಿಕಿತ್ಸೆಗೂ ಮಾರ್ಗದರ್ಶಕವೆನಿಸುತ್ತದೆ
* ಎಕ್ಟೋಪಿಕ್ ಗರ್ಭಧಾರಣೆ ಮತ್ತು ಆಮ್ನಿಯಾಟಿಕ್ ಫ್ಲುಯಿಡ್ ಅಸೆಸ್ ಮೆಂಟ್ ನ ವಿಶ್ಲೇಷಣೆಗೂ ಸಹಕರಿಸಲಿದೆ.

ಬಿಳಿ ಬಣ್ಣದ ಪ್ಯಾನೆಲ್ ನೊಂದಿಗೆ ಆಕರ್ಷಕವಾಗಿ ಹೊರಬಂದಿರುವ ಈ ಸ್ಮಾರ್ಟ್ ಫೋನ್ ವೈದ್ಯರಿಗೆ ಮತ್ತು ಮೆಡಿಕಲ್ ಲ್ಯಾಬ್ ತಂತ್ರಜ್ಞರಿಗೆ ಹೆಚ್ಚು ಸೂಕ್ತವಾಗಿದೆ. 4.1 ಇಂಚು WVGA ಡಿಸ್ಪ್ಲೇ, 800*480 ಪಿಕ್ಸಲ್ ರೆಸೊಲ್ಯೂಷನ್ ಹೊಂದಿರುವ ಈ ಮೊಬೈಲ್ ನಲ್ಲಿ 8ಜಿಬಿವರೆಗೂ ಮೆಮೊರಿ ಸಾಮರ್ಥ್ಯವಿದೆ.

ತೋಷಿಬಾ TG101 ಸ್ಮಾರ್ಟ್ ಫೋನ್ ನ ವಿಂಡೋಸ್ ಮೊಬೈಲ್ 6.5 ಬೆಂಬಲಿತವಾಗಿರುವ ಮೊಬಿಯುಎಸ್ ಸ್ಮಾರ್ಟ್ ಫೋನ್ ನಲ್ಲಿ ಡಯಾಗ್ನಿಸಿಸ್ ಸಹಾಯಕ್ಕೆಂದು USB 2.0 ಪೋರ್ಟ್ ನೀಡಲಾಗಿದೆ. ವಿಂಡೋಸ್ ಎಕ್ಸ್ ಪಿ, ವಿಂಡೋಸ್ ವಿಸ್ತಾ ಮತ್ತು ವಿಂಡೋಸ್ 7 ಆಪರೇಟಿಂಗ್ ಸಿಸ್ಟಮ್ ಹೊಂದಿದೆ.

ಹೃದಯದ, ರಕ್ತನಾಳದ ವಿಮರ್ಶೆಗೂ ಇದು ಸಹಕಾರಿಯಾಗಲಿದೆ. ತುರ್ತು ಪರಿಸ್ಥಿತಿಯಲ್ಲಿ ವೈದ್ಯರು ಇದರ ಸಂಪೂರ್ಣ ಉಪಯೋಗ ಹೊಂದಬಹುದು. ದೊಡ್ಡ ಆಸ್ಪತ್ರೆ ಮತ್ತು ಆರೋಗ್ಯ ಸಂಸ್ಥೆಗಳನ್ನು ಉದ್ದೇಶವಾಗಿಟ್ಟುಕೊಂಡು ತಯಾರಿಸಿರುವ ಈ ಮೊಬೈಲ್ ಬೆಲೆ 3, 37, 500 ರು ಎಂದು ತಿಳಿಸಿದೆ.

Best Mobiles in India

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X