ಮೊಬೈಲ್ ಬೆಂಡ್ ಮಾಡಿ ಖುಷಿ ಪಡಿ

Posted By: Staff

ಮೊಬೈಲ್ ಬೆಂಡ್ ಮಾಡಿ ಖುಷಿ ಪಡಿ
ಮೊಬೈಲ್ ಮತ್ತು ಸ್ಮಾರ್ಟ್ ಫೋನ್ ತಯಾರಿಕೆಯಲ್ಲಿ ಮುಂದಿರುವ ನೋಕಿಯಾ ಯುವಜನರಿಗೆಂದು ಅನೇಕ ಮಾದರಿಯ ಮೊಬೈಲ್ ಗಳನ್ನು ಈಗಾಗಲೇ ಬಿಡುಗಡೆಗೊಳಿಸಿದೆ. ಆದರೆ ಇನ್ನೂ ವಿಶಿಷ್ಟವಾದ ಫೋನೊಂದನ್ನು ಪರಿಚಯಿಸುವ ಹಾದಿಯಲ್ಲಿದೆ ನೋಕಿಯಾ.

ಈಗ ನಿರೀಕ್ಷೆಯಲ್ಲಿರುವ ಮೊಬೈಲೆಂದರೆ ನೋಕಿಯಾ ಕೈನೆಟಿಕ್. ಈಗಾಗಲೇ ಪ್ರೊಟೊಟೈಪ್ ಆಯಾಮವನ್ನು ಬಿಡುಗಡೆಗೊಳಿಸಿರುವ ನೋಕಿಯಾ ಯುವ ಜನತೆಗೆಂದೇ ಬಾಗಿಸಿ ಬಳಸಬಹುದಾದ ನೋಕಿಯಾ ಕೈನೆಟಿಕ್ ಮೊಬೈಲ್ ಪರಿಚಯಿಸಲಿದೆ.

ನೋಕಿಯಾ ಕೈನೆಟಿಕ್ ನಲ್ಲಿ ಆಶ್ಚರ್ಯಕರ ಅಂಶವೊಂದು ನಿಮಗೆ ಕಾದಿದೆ. ಇದನ್ನು ಬಾಗಿಸಬಹುದಾದ ಸೌಲಭ್ಯವನ್ನು ನೀಡಲಾಗಿದೆ. ತುಂಬಾ ಸುಲಭವಾಗಿ ಹೊಂದಿಕೊಳ್ಳಬಹುದಾದ ಈ ಮೊಬೈಲ್ ವಾಟರ್ ಪ್ರೂಫ್ ಕೂಡ ಆಗಿದೆ. ಮೊಬೈಲನ್ನು ಬೆಂಡ್ ಮಾಡುವ ಮೂಲಕ ಚಿತ್ರವನ್ನು ಝೂಮ್ ಮಾಡಿ ನೋಡಬಹುದು.

ಮೇಲ್ಮುಖವಾಗಿ ಎಡಗಡೆಗೆ ಬೆಂಡ್ ಮಾಡಿದರೆ ಮೆನು ಆಯ್ಕೆ ಬರುತ್ತದೆ. ಕಾರ್ಬನ್ ನ್ಯಾನೊ ಟ್ಯೂಬ್ ಎಂಬ ಅತ್ಯಾಧುನಿಕ ತಂತ್ರಜ್ಞಾನವನ್ನು ಇದರಲ್ಲಿ ಅಳವಡಿಸಲಾಗಿದೆ. ಎಲೆಕ್ಟ್ರಿಕಲ್ ರೆಸಿಸ್ಟನ್ಸ್ ನಿಂದ ಬಾಗುವುದು ಸುಲಭವಾಗುತ್ತದೆ. ಅಲ್ಲದೆ ಇಮೇಜ್ ಸ್ಟೆಬಿಲೈಸರ್ ತಂತ್ರಜ್ಞಾನ ಇದರಲ್ಲಿದೆ.

ಮೊಬೈಲ್ ನೋಡದೆಯೇ ಆಪರೇಟ್ ಮಾಡಬಹುದಾದ ಮತ್ತು ಗ್ಲೌಸ್ ಹಾಕಿಕೊಂಡಿರುವಾಗ ಮೊಬೈಲನ್ನು ಸುಲಭವಾಗಿ ಆಪರೇಟ್ ಮಾಡುವ ಸೌಲಭ್ಯವನ್ನೂ ಇದರಲ್ಲಿ ನಿರೀಕ್ಷಿಸಲಾಗುತ್ತಿದೆ.

Please Wait while comments are loading...
Opinion Poll

Social Counting