ಎಲ್ ಜಿ ನಲ್ಲಿ ಐಸ್ ಕ್ರೀಂ ಸ್ಯಾಂಡ್ ವಿಚ್ ಆಂಡ್ರಾಯ್ಡ್ ?

By Super

Updated: Thursday, November 3, 2011, 11:09 [IST]

ಎಲ್ ಜಿ ನಲ್ಲಿ ಐಸ್ ಕ್ರೀಂ ಸ್ಯಾಂಡ್ ವಿಚ್ ಆಂಡ್ರಾಯ್ಡ್ ?

ಆಂಡ್ರಾಯ್ಡ್ ಆಯಾಮದ ಅತ್ಯಾಧುನಿಕವೆನಿಸಿದ ಐಸ್ ಕ್ರೀಂ ಸ್ಯಾಂಡ್ ವಿಚ್ ಆಪರೇಟಿಂಗ್ ಸಿಸ್ಟಮ್ ಸ್ಮಾರ್ಟ್ ಫೋನ್ ಗಳು ದಿನೇ ದಿನೇ ಮೊಬೈಲ್ ಮಾರುಕಟ್ಟೆಯಲ್ಲಿ ಹೆಚ್ಚುತ್ತಿವೆ. ಈ ಕಾರಣಕ್ಕೆ ಮೊಬೈಲ್ ತಯಾರಕರಲ್ಲಿ ಸ್ಪರ್ಧೆ ಕೂಡ ಏರ್ಪಟ್ಟಿದೆ. ಈ ಸ್ಪರ್ಧೆಯಲ್ಲಿ ಭಾಗಿಯಾಗಲು ಎಲ್ ಜಿ ಕೂಡ ಮುಂದಾಗಿದೆ.

ಎಲ್ ಜಿ ಕಂಪನಿ, ಎಲ್ ಜಿ ಆಪ್ಟಿಮಸ್ U1 ಎಂಬ ಸ್ಮಾರ್ಟ್ ಫೋನನ್ನು ಮೊಬೈಲ್ ಮಾರುಕಟ್ಟೆಗೆ ಪರಿಚಯಿಸಲಿದೆ ಎಂಬ ಮಾಹಿತಿ ದೊರೆತಿದೆ. ಈ ಮೊಬೈಲ್ ಬಿಡುಗಡೆಯಾಗುವುದು ಗ್ರಾಹಕರಿಗೆ ಒಂದೆಡೆ ಸಂತೋಷ ತಂದರೆ, ಇನ್ನೊಂದೆಡೆ ಈ ಮೊಬೈಲ್ ಮತ್ತು ಇನ್ನಿತರ ವಿಶೇಷತೆಗಳ ಕುರಿತು ಕಂಪನಿ ಘೋಷಿಸಿಲ್ಲದಿರುವುದು ನಿರಾಸೆ ತಂದಿದೆ.

ಆದರೆ ಮೂಲಗಳ ಪ್ರಕಾರ ಮೊಬೈಲ್ ಬಗ್ಗೆ ಕೆಲ ಮಾಹಿತಿ ದೊರೆತಿದ್ದು, ಈ ಸ್ಮಾರ್ಟ್ ಫೋನ್ 4.5 ಇಂಚಿನ ವಿಸ್ತಾರವಾದ ಡಿಸ್ಪ್ಲೇ ಮತ್ತು ಅತ್ಯಾಧುನಿಕ ಪ್ರೊಸೆಸರ್ ಮತ್ತು ಉತ್ತಮ ಗುಣಮಟ್ಟದ ಕ್ಯಾಮೆರಾ ಹೊಂದಿರುವುದಾಗಿ ತಿಳಿದುಬಂದಿದೆ. ಮೊಬೈಲ್ ಬಿಡುಗಡೆಗೊಳ್ಳುವ ದಿನಾಂಕವನ್ನೂ ಕಂಪನಿ ತಿಳಿಸಿಲ್ಲ. ಆದರೆ ಇನ್ನು ಕೆಲವೇ ತಿಂಗಳುಗಳಲ್ಲಿ ಈ ಮೊಬೈಲ್ ಬಿಡುಗಡೆಯಾಗುವ ಸೂಚನೆ ದೊರೆತಿದೆ.

ಇತ್ತೀಚೆಗಷ್ಟೆ ಬಿಡುಗಡೆಯಾದ ಎಲ್ ಜಿ ಆಪ್ಟಿಮಸ್ LTE ಮಾರಾಟವೂ ಯಶಸ್ವಿಯಾಗಿದ್ದು, U1 ಮೊಬೈಲ್ ಕೂಡ ಭಾರಿ ಯಶಸ್ಸು ಕಾಣುವ ನಿರೀಕ್ಷೆಯಿದೆ. ಕೈಗೆಟುಕುವ ದರದಲ್ಲಿಯೇ ಎಲ್ ಜಿ ತನ್ನ ಗ್ರಾಹಕರಿಗೆ ಮೊಬೈಲ್ ನೀಡಲಿದೆ ಎಂದು ತಿಳಿದುಬಂದಿದೆ.