ಭಾರತದ ನಂ.1 ಮೊಬೈಲ್ ಸೇವಾದಾರ ಏರ್ ಟೆಲ್, ತನ್ನ ಚಂದಾದಾರರಿಗೆ ಏರ್ ಟೆಲ್ ಮನಿ ಹೆಸರಿನ ಹೊಸ ಮೊಬೈಲ್ ಸೇವೆ ಹೊರತಂದಿದೆ.

ಏರ್ ಟೆಲ್ ಮನಿ ಭಾರತದ 300ಕ್ಕೂ ಹೆಚ್ಚು ನಗರಗಳಲ್ಲಿ ಲಭ್ಯವಿದ್ದು , ಏರ್ ಟೆಲ್ ಮನಿ ಮೂಲಕ ಬಿಲ್ ಕಟ್ಟಬಹುದು, ರಿ-ಚಾರ್ಜ್ ಮಾಡಬಹುದು, 700 ಕ್ಕೂ ಹೆಚ್ಚು ಅಂಗಡಿಗಳಲ್ಲಿ ಶಾಪಿಂಗ್ ಮಾಡಬಹುದಾಗಿದ್ದು, ಹಣವನ್ನು ವಿದೇಶಗಳಿಗೂ ಹಣ ವರ್ಗಾಯಿಸಬಹುದು. ಮತ್ತೊಂದು ವಿಶೇಷವೇನೆಂದರೆ ನೀವು ಇನ್ನೊಂದು ಏರ್ಟೆಲ್ ಮನಿ ಖಾತೆ ಇಲ್ಲವೆ ಬ್ಯಾಂಕ್ ಗೆ ಹಣ ವರ್ಗಾವಣೆ ಮಾಡಬಹುದು.

ನೀವು ವೆಬ್ ಸೈಟ್ ನಲ್ಲಿ ರೆಜಿಸ್ಟರ್ ಮಾಡಿದೊಡನೆ ನಿಮಗೊಂದು ಸಂದೇಶ ಬರುತ್ತದೆ. ಅದನ್ನು ಉಪಯೋಗಿಸಿ ನಿಮ್ಮ ಆನ್ಲೈನ್ ಬ್ಯಾಂಕ್ ಖಾತೆಯಿಂದ ಹಣ ವರ್ಗಾವಣೆ ಮಾಡಿದರೆ ನಿಮಗೆ ಯಾವಾಗ ಬೇಕಾದರೂ ಆ ಹಣದಿಂದ ಈ ಮೇಲಿನ ಸೌಲಭ್ಯವನ್ನು ಉಪಯೋಗಿಸಿಕೊಳ್ಳಬಹುದು. ದಿನಕ್ಕೆ 10 ಸಾವಿರ ರೂಪಾಯಿಯವರೆಗೂ ಈ ಹಣವನ್ನು ಉಪಯೋಗಿಸಬಹುದಾಗಿದ್ದು ಚಂದಾದಾರರಿಗೆ ಭಾರೀ ಅನುಕೂಲವಾಗಲಿದೆ.