ಡ್ಯುಯಲ್ ಕ್ಯಾಮೆರಾ-ಫೇಸ್‌ಲಾಕ್ ಜೊತೆ 4000mAh ಬ್ಯಾಟರಿ: ಒಂದರಲ್ಲೇ ಎಲ್ಲಾ..!

6.2 ಇಂಚಿನ ಡಿಸ್‌ಪ್ಲೇ:

ಆಲ್ಕಾಟೆಲ್ 5V ಸ್ಮಾರ್ಟ್‌ಫೋನಿನಲ್ಲಿ ಐಪೋನ್ X ಮಾದರಿಯಲ್ಲಿ ನೋಚ್ ಡಿಸ್‌ಪ್ಲೇಯನ್ನು ಕಾಣಬಹುದಾಗಿದೆ. 19:9 ಅನುಪಾತದಿಂದ ಕೂಡಿರುವ 6.1 ಇಂಚಿನ ಡಿಸ್‌ಪ್ಲೇ ಮಲ್ಟಿಟೆಚ್ ಆಯ್ಕೆಯನ್ನು ಒಳಗೊಂಡಿದೆ ಎನ್ನಲಾಗಿದೆ. ಇದಲ್ಲದೇ 88% ಡಿಸ್‌ಪ್ಲೇಯನ್ನು ಹೊಂದಿರುವ ವಿನ್ಯಾಸವು ಇದಾಗಿದೆ.

3GB RAM:

ಆಲ್ಕಾಟೆಲ್ 5V ಸ್ಮಾರ್ಟ್‌ಫೋನ್ ಮೀಡಿಯಾ ಟೆಕ್ ಹೆಲಿಯಾ P22 ಆಕ್ಟಾಕೋರ್ ಪ್ರೋಸೆಸರ್ ನೊಂದಿಗೆ ಕಾಣಿಸಿಕೊಂಡಿದ್ದು, 3GB RAM ಮತ್ತು 32GB ಇಂಟರ್ನಲ್ ಮೆಮೊರಿಯೊಂದಿಗೆ ಮಾರಾಟವಾಗಲಿದೆ. ಅಲ್ಲದೇ 128GB ವರೆಗೆ ಮೆಮೊರಿಯನ್ನು ವಿಸ್ತರಿಸಿಕೊಳ್ಳುವ ಅವಕಾಶವನ್ನು ಮಾಡಿಕೊಡಲಾಗಿದೆ.

ಡ್ಯುಯಲ್ ಕ್ಯಾಮೆರಾ ಇದೆ:

ಆಲ್ಕಾಟೆಲ್ 5V ಸ್ಮಾರ್ಟ್‌ಫೋನ್ ಬಜೆಟ್ ಬೆಲೆಯಲ್ಲಿ ದೊರೆಯುತ್ತಿದ್ದರೂ ಸಹ ಡ್ಯುಯಲ್ ಕ್ಯಾಮೆರಾವನ್ನು ಹೊಂದಿದೆ. 12 MP + 2 MP ಕ್ಯಾಮೆರಾ ಸೆಟಪ್ ಅನ್ನು ನೀಡಲಾಗಿದ್ದು, ಬಳಕೆದಾರರಿಗೆ ಉತ್ತಮ ಚಿತ್ರಗಳನ್ನು ಸೆರೆಹಿಡಿಯಲು ಇದು ಸಹಾಯವನ್ನು ಮಾಡಲಿದೆ. ಇದಲ್ಲದೇ 8MP ಸೆಲ್ಫಿ ಕ್ಯಾಮೆರಾವನ್ನು ಮುಂಭಾಗದಲ್ಲಿ ಕಾಣಬಹುದಾಗಿದೆ.

ಫೇಸ್ ಆನ್‌ಲಾಕ್:

ಇಲ್ಲದೇ ಆಲ್ಕಾಟೆಲ್ 5V ಸ್ಮಾರ್ಟ್‌ಫೋನ್ ವಿಶೇಷತೆಗಳಲ್ಲಿ ಪ್ರಮುಖವಾಗಿರುವುದು ಫೇಸ್ ಆನ್ ಲಾಕ್, ಮುಂಭಾಗದಲ್ಲಿ ನೀಢಲಾಗಿರುವ 8MP ಕ್ಯಾಮೆರಾ ನಿಮ್ಮ ಮುಖವನ್ನು ಗುರುತಿಸಿ ಲಾಕ್ ಓಪನ್ ಮಾಡುವ ಶಕ್ತಿಯನ್ನು ಪಡೆದುಕೊಂಡಿದೆ ಎನ್ನಲಾಗಿದೆ. ಇದರೊಂದಿಗೆ ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಅನ್ನು ಕಾಣಬಹುದಾಗಿದೆ.

ಆಂಡ್ರಾಯ್ಡ್ ಒರಿಯೋ:

ಸದ್ಯ ಮಾರುಕಟ್ಟೆಯಲ್ಲಿ ಲೆಟೆಸ್ಟ್ ಎನ್ನಲಾಗಿರುವ ಆಂಡ್ರಾಯ್ಡ್ ಓರಿಯೊದಲ್ಲಿ ಕಾರ್ಯನಿರ್ವಹಿಸಲಿರುವ ಆಲ್ಕಾಟೆಲ್ 5V ಸ್ಮಾರ್ಟ್‌ಫೋನ್, 4000mAh ಬ್ಯಾಟರಿಯನ್ನು ಹೊಂದಿದೆ ಎನ್ನಲಾಗಿದೆ. ಇದಲ್ಲದೇ ಇದು ಸಿಂಗಲ್ ಸಿಮ್ ನಲ್ಲಿ ವರ್ಕ್ ಆಗಲಿದ್ದು, ಡ್ಯೂಯಲ್ ಸಿಮ್ ಆಯ್ಕೆಯೂ ಇಲ್ಲ ಎನ್ನಲಾಗಿದೆ.

ಬೆಲೆ:

ಆಲ್ಕಾಟೆಲ್ 5V ಸ್ಮಾರ್ಟ್‌ಫೋನ್ ಸದ್ಯ ಜಾಗತಿಕ ಮಾರುಕಟ್ಟೆಯಲ್ಲಿ ಮಾತ್ರವೇ ಕಾಣಿಸಿಕೊಂಡಿದ್ದು, ಶೀಘ್ರವೇ ಭಾರತೀಯ ಮಾರುಕಟ್ಟೆಯಲ್ಲಿಯೂ ಸದ್ದು ಮಾಡಲಿದ್ದು, ಇದು ರೂ.13,500ಕ್ಕೆ ಮಾರಾಟವಾಗಲಿದೆ ಎನ್ನುವ ಮಾಹಿತಿಯೂ ಲಭ್ಯವಾಗಿದೆ.