ಮೇ 4 ರಿಂದ ಆರಂಭವಾಗಲಿದೆ ಅಮೇಜಾನ್ ಸಮ್ಮರ್ ಸೇಲ್

ಮೊಬೈಲ್ ಮತ್ತು ಆಕ್ಸಸರೀಸ್ ಗಳಿಗೆ ಅಮೇಜಾನ್ ನಲ್ಲಿ ಆಫರ್

40 ಶೇಕಡಾದ ವರೆಗೆ ಮೊಬೈಲ್ ಮತ್ತು ಆಕ್ಸಸರೀಸ್ ಗಳಿಗೆ ರಿಯಾಯಿತಿ ಇದೆ ಮತ್ತು ಫೋನ್ ಗಳಾಗಿರುವ ಒನ್ ಪ್ಲಸ್ 6ಟಿ, ರೆಡ್ಮಿ ವೈ3, ರಿಯಲ್ ಮಿ ಯು1, ಮತ್ತು ಸ್ಯಾಮ್ ಸಂಗ್ ಗ್ಯಾಲಕ್ಸಿ ಎಂ20ಗಳು ಈ ಸೇಲ್ ನಲ್ಲಿ ಕಡಿಮೆ ಬೆಲೆಗೆ ಸಿಗುತ್ತದೆ. ಈ ಫೋನ್ ಗಳಿಗೆ ಎಷ್ಟು ಆಫರ್ ಇರುತ್ತದೆ ಎಂಬ ಪಟ್ಟಿಯನ್ನು ಇದುವರೆಗೂ ಬಿಡುಗಡೆಗೊಳಿಸಿಲ್ಲ ಆದರೆ ಸೇಲಿನ ದಿನಾಂಕ ಹತ್ತಿರವಾಗುತ್ತಿದ್ದಂತೆ ಅಮೇಜಾನ್ ಇದರ ವಿವರಗಳನ್ನು ನೀಡುವ ಸಾಧ್ಯತೆ ಇದೆ. ಸ್ಮಾರ್ಟ್ ವಾಚ್ ಗಳಾಗಿರುವ ಅಮೇಜ್ ಫಿಟ್ ವರ್ಜ್ ಮತ್ತು ಅಮೇಜ್ ಫಿಟ್ ಪೇಸ್ ಕೂಡ ಬೆಲೆ ಇಳಿಕೆಯಲ್ಲಿ ಸಿಗುತ್ತದೆ. ಜೆಬಿಎಲ್ , ಸೋನಿಯ ಬ್ಲೂಟೂತ್ ಪೋರ್ಟೇಬಲ್ ಸ್ಪೀಕರ್ ಗಳು ಕಡಿಮೆ ಬೆಲೆಯಲ್ಲಿ ಸಿಗುತ್ತದೆ.

ಯಾವುದಕ್ಕೆ ಎಷ್ಟು ರಿಯಾಯಿತಿ:

ಕ್ಯಾಮರಾ ಗಳಿಗೆ 35% ದ ವರೆಗೆ ರಿಯಾಯಿತಿ ಲಭ್ಯವಿದೆ. ಹೆಡ್ ಫೋನ್ ಮತ್ತು ಸ್ಪೀಕರ್ ಗಳಿಗೆ 60% ಮತ್ತು ಲ್ಯಾಪ್ ಟಾಪ್ ಗಳಿಗೆ 32,000 ರುಪಾಯಿ ವರೆಗೆ ರಿಯಾಯಿತಿ ಸಿಗುತ್ತದೆ. ಮನೆ ಮತ್ತು ಅಡುಗೆ ಮನೆ ವಸ್ತುಗಳಿಗೆ 35 ರಿಂದ 70% ದ ವರೆಗೆ ರಿಯಾಯಿತಿ ಸಿಗುತ್ತದೆ. ಟಿವಿ ಸೆಟ್ ಗಳಿಗೆ 60%ದ ವರೆಗೆ ರಿಯಾಯಿತಿ ಇದೆ ಎನ್ನಲಾಗಿದೆ. ಅಮೇಜಾನ್ ಇಂಡಿಯಾ ವೆಬ್ ಸೈಟ್ ನಲ್ಲಿ ಎಲ್ಲಾ ಡೀಲ್ ಗಳನ್ನು ವೀಕ್ಷಿಸುವುದಕ್ಕೆ ಅವಕಾಶವಿರುತ್ತದೆ.

ಮನೀಷ್ ತಿವಾರಿ ಹೇಳಿಕೆ:

"ನಮ್ಮ ಗ್ರಾಹಕರ ಜೊತೆಗೆ ನಾವು ಎಲ್ಲಾ ಸಮಯದ ಸಂಭ್ರಮಾಚರಣೆಯನ್ನು ಮಾಡಲು ಇಚ್ಛಿಸುತ್ತೇವೆ ಮತ್ತು ಬಹಳ ನಂಬಿಕೆಯ ಜೊತೆಗೆ ಹೆಚ್ಚು ಜನರು ಭೇಟಿ ನೀಡುವ ಆನ್ ಲೈನ್ ಸೈಟ್ ಆಗಿರುವುದರಿಂದಾಗಿ ನಾವು ನಮ್ಮ ಗ್ರಾಹಕರ ನಂಬಿಕೆಗೆ ಬದ್ಧರಾಗಿದ್ದೇವೆ.ಗ್ರಾಹಕರು ಈ ಸೀಸನ್ ನಲ್ಲಿ ಪಡೆಯಲು ಇಚ್ಛಿಸುವ ಎಲ್ಲಾ ಆಫರ್ ಗಳನ್ನು ನಾವು ಈ ಬಾರಿಯ ಅಮೇಜಾನ್ ಸಮ್ಮರ್ ಸೇಲ್ ನಲ್ಲಿ ನೀಡುವುದಕ್ಕೆ ಸಿದ್ಧರಾಗಿದ್ದೇವೆ.ಉತ್ತಮ ಡೀಲ್ ಗಳು, ಇನ್ಸ್ಟೆಂಟ್ ರಿಯಾಯಿತಿಗಳು, ನೋ ಕಾಸ್ಟ್ ಇಎಂಐ ಆಯ್ಕೆಗಳು ಮತ್ತು ಉತ್ತಮ ಎಕ್ಸ್ ಚೇಂಜ್ ಆಫರ್ ಗಳು ಜೊತೆಗೆ ಗ್ರಾಹಕರ ಸಂಭ್ರಮಕ್ಕೆ ಅಮೇಜಾನ್.ಇನ್ ಸಾಕಷ್ಟು ಅವಕಾಶವನ್ನು ಒದಗಿಸಲಾಗುತ್ತದೆ"ಎಂದು ಅಮೇಜಾನ್ ಇಂಡಿಯಾದ ಕೆಟಗರಿ ಮ್ಯಾನೇಜ್ ಮೆಂಟ್ ವಿಭಾಗದ ಉಪಾಧ್ಯಕ್ಷರಾಗಿರುವ ಮನೀಷ್ ತಿವಾರಿ ಹೇಳಿದ್ದಾರೆ.