2012ಕ್ಕೆ ಆಪಲ್ ನಿಂದ ಐಫೋನ್ 5

Posted By: Staff
2012ಕ್ಕೆ ಆಪಲ್ ನಿಂದ ಐಫೋನ್ 5

 

ಆಪಲ್ ಯಾವಾಗಲೂ ತನ್ನ ಯೋಜನೆಗಳಲ್ಲಿ ಯಶಸ್ವಿ ಕಾಣುತ್ತಾ ಬಂದಿರುವ ಕಂಪನಿ. 2012ಕ್ಕೆ ಆಪಲ್ ಕಂಪನಿ ಯಾವ ಪರಿಷ್ಕರಣೆಗಳನ್ನು, ಹೊಸ ಸಾಧನಗಳ ಬಿಡುಗಡೆಗಳನ್ನು ಮಾಡುತ್ತಿದೆ ಎಂಬುದು 2011 ರಲ್ಲಿ ಭಾರೀ ಚರ್ಚೆಗೊಳಗಾಗಿತ್ತು. ಇದೇ ಸಮಯದಲ್ಲಿ ಮತ್ತೊಂದು ಸುದ್ದಿ ಬಂದಿದೆ. ಆಪಲ್ ಕಂಪನಿ ಐಫೋನ್ 5 ಎಂಬ ಮೊಬೈಲನ್ನು ಹೊರತರಲಿರುವುದೆಂದು ತಿಳಿದುಬಂದಿದೆ.

ಆಪಲ್ ಐಫೋನ್ 5 ಎಂಬ ಮೊಬೈಲ್ 2012ಕ್ಕೆ ತೆರೆಕಾಣಲಿದೆ ಎಂದು ಪ್ರಖ್ಯಾತ ವಿಶ್ಲೇಷಕ ಜೆನೆ ಮನ್ಸ್ ಟರ್ ತಿಳಿಸಿದ್ದಾರೆ. ಈ ಐಫೋನ್ 5 ಹೊಸ ವಿನ್ಯಾಸದಲ್ಲಿ ಹೊರಬರಲಿದೆ. ಇದು 2012 ರ ಬೇಸಿಗೆ ಕಾಲ, ಅಂದರೆ ಮೇ ಜೂನ್ ನಲ್ಲಿ ಬಿಡುಗಡೆಗೊಳ್ಳಲಿರುವ ಸೂಚನೆಯನ್ನು ನೀಡಿದ್ದಾರೆ.

ಈ ಐಫೋನ್ 5 ಅತ್ಯಾಕರ್ಷಕ ಫೋನಾಗಿದ್ದು, ಇದೀಗ ಇಂಟರ್ ನೆಟ್ ನಲ್ಲಿ ಐಫೋನ್ 5 ಸುದ್ದಿಯೇ ಹೆಚ್ಚು ಹರಿದಾಡುತ್ತಿದೆ. ಆದರೆ ಈ ಸುದ್ದಿಗಳಿಗೆ ಕಂಪನಿ ಯಾವುದೇ ಪ್ರತಿಕ್ರಯೆ ನೀಡಿಲ್ಲ.

ಆಪಲ್ ಕಂಪನಿಯ ಏಳಿಗೆಯಲ್ಲಿ ಈ ಐಫೋನ್ ಸಿರೀಸ್ ಮೊಬೈಲ್ ಗಳ ಪಾತ್ರ ಹೆಚ್ಚಿದೆ. ಹಿಂದಿನ ಐಫೋನ್ ಗಳಂತೆಯೇ ಈ ಮೊಬೈಲ್ ಕೂಡ ಹೆಚ್ಚು ಹೆಸರು ಮಾಡಲಿರುವ ನಿರೀಕ್ಷೆಯಿದೆ. 2013 ರ ಹೊತ್ತಿಗೆ 142 ಮಿಲಿಯನ್ ಮಾರಾಟವಾಗುವ ನಿರೀಕ್ಷೆಯನ್ನೂ ಕಂಪನಿ ಹೊತ್ತಿದೆ. ಇದು ಆಪಲ್ ಕಂಪನಿಯ ಆದಾಯವನ್ನು 18 ಶೇಕಡಾ ಹೆಚ್ಚಿಸುತ್ತದೆ ಎಂಬ ಭರವಸೆಯೂ ಇದೆ.

2012 ಮತ್ತು 2013 ರ ಅವಧಿಯಲ್ಲಿ ಬಿಡುಗಡೆಗೊಳ್ಳಲಿರುವ ಐಪ್ಯಾಡ್ ಸಿರೀಸ್ ಟ್ಯಾಬ್ಲೆಟ್ ಕೂಡ ಅತ್ಯಂತ ಯಶಸ್ವಿಯಾಗಲಿರುವ ಭರವಸೆಯಿದೆ. ಒಟ್ಟಿನಲ್ಲಿ 2012ಕ್ಕೆ ಆಪಲ್ ನಿಂದ ಗ್ರಾಹಕರಿಗೆ ಅನೇಕ ಉಡುಗೊರೆಗಳು ಕಾದಿವೆ.

Please Wait while comments are loading...
Opinion Poll

Social Counting

ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot