ಸೆಪ್ಟೆಂಬರ್ ಗೆ ಬರಲಿದೆ ಸ್ಮಾರ್ಟ್ ಫೋನುಗಳ ಧಮಾಕಾ

ಸೆಪ್ಟೆಂಬರ್ 2012 ಈ ವರ್ಷದ ಅತ್ಯಂತ ಮಹತ್ವದ ತಿಂಗಳು ಎನಿಸಿದೆ. ಏಕೆಂದರೆ ವಿಶ್ವದ ದೈತ್ಯ ಮೊಬೈಲ್ ಕಂಪನಿಗಳಾದ ಆಪಲ್, ಸ್ಯಾಮ್ಸಂಗ್, ನೋಕಿಯಾ, ಮೋಟೊರೋಲಾ ಹಾಗು HTC ಕಂಪನಿಗಳು ತಮ್ಮ ಉತ್ಕೃಷ್ಟ ಸ್ಮಾರ್ಟ್ ಫೋನುಗಳನ್ನು ಬಿಡುಗಡೆ ಮಾಡುತ್ತಿವೆ. ನಿಮಗೆ ಆ ಸ್ಮಾರ್ಟ್ ಫೋನುಗಳು ಯಾವುವು ಅಂತಾ ತಿಳಿದುಕೊಳ್ಳೋಕೆ ಇಷ್ಟಾ ಇದ್ದರೆ ಈ ಕೆಳಗಿನ ಪಟ್ಟಿಯನ್ನು ನೋಡಿ:

1) ಆಪಲ್ ಐಫೋನ್ 5

ಕುಪರ್ಟೀನೋ ಮೂಲದ ಆಪಲ್ ಕಂಪನಿಯ ಅತಿ ನಿರೀಕ್ಷಿತ ಸ್ಮಾರ್ಟ್ ಫೋನ್ ಆದ ಐಫೋನ್ 5, ನಾಲ್ಕು ಇಂಚ್ ರೆಟಿನಾ ಡಿಸ್ಪ್ಲೇ ಜೊತೆ ಬರಲಿದೆ ಎಂಬ ಸುದ್ದಿ ಇದ್ದು, 4G ತಂತ್ರಜ್ಞಾನ, NFC,ಚಿಕ್ಕದಾದ ಡಾಕ್ ಕನೆಕ್ಟರ್, 8 ಮೆಗಾ ಪಿಕ್ಸೆಲ್ ಕ್ಯಾಮರಾ ಇರಲಿದೆ.

2) ಸ್ಯಾಮ್ಸಂಗ್ ಗ್ಯಾಲಕ್ಸಿ ನೋಟ್ 2

ಗ್ಯಾಲಕ್ಸಿ ನೋಟ್ ಫ್ಯಾಬ್ಲೆಟ್ ನ ಮುಂದುವರೆದ ಆವೃತ್ತಿ ಎಂದೇ ಹೇಳಲಾದ ಇದು 5.5 ಇಂಚ್ ಹೈ ಡೆಫಿನಿಶನ್ ಸೂಪರ್ AMOLED ಡಿಸ್ಪ್ಲೇ ಹೊಂದಲಿದ್ದು, 1280 x 800 ಪಿಕ್ಸೆಲ್ ರೆಸಲ್ಯೂಶನ್ ಇರಲಿದೆ. ಈ ಫ್ಯಾಬ್ಲೆಟ್ ಶಕ್ತಿಶಾಲಿ ಏಕ್ಷ್ಯ್ನೊಸ್ ಕ್ವಾಡ್ ಕೋರ್ ಪ್ರೋಸೆಸರ್ 1.5 GHz, 8 MP ಕ್ಯಾಮರಾ, ಆಂಡ್ರಾಯ್ಡ್ 4.0 ICS ತಂತ್ರಾಂಶ, ಈ ಸ್ಮಾರ್ಟ್ ಫೋನಿನ ವಿಶೇಷತೆ ಆಗಿದೆ.

3) ನೋಕಿಯಾ ಲುಮಿಯಾ ಸ್ಮಾರ್ಟ್ ಫೋನ್

ವಿಂಡೋಸ್ 8 ತಂತ್ರಾಂಶವನ್ನು ತನ್ನ ಲುಮಿಯಾ ಸ್ಮಾರ್ಟ್ ಫೋನುಗಳಿಗೆ ಅಪ್ಗ್ರೇಡ್ ಮಾಡಲು ನೋಕಿಯಾ ಸಜ್ಜಾಗಿದ್ದು ಸೆಪ್ಟೆಂಬರ್ 5 ಕ್ಕೆ ಇದನ್ನು ಮಾಡುವ ನಿರೀಕ್ಷೆ ಇದೆ. ಇದಷ್ಟೇ ಅಲ್ಲದೆ ವಿಂಡೋಸ್ ಫೋನ್ 8 ಆಧಾರಿತ 'ಫೈ' ಹೆಸರಿನ ಫೋನ್ ಅನ್ನು ತರಲಿದೆ.

4) ಮೋಟೊರೋಲಾ Droid Razr HD

4.5 ಇಂಚ್ HD ಡಿಸ್ಪ್ಲೇ, 1280 x 720 ಪಿಕ್ಸೆಲ್ ರೆಸಲ್ಯೂಶನ್, 8 ಮೆಗಾ ಪಿಕ್ಸೆಲ್ ಕ್ಯಾಮರಾ, 1.5 Ghz ಡ್ಯುಯಲ್ ಕೋರ್ ಕ್ವಾಲ್ಕಾಂ ಪ್ರೋಸೆಸರ್, 2350 mAh ಬ್ಯಾಟರಿ, ಹಾಗು ಆಂಡ್ರಾಯ್ಡ್ 4.0 ತಂತ್ರಾಂಶ ಇರಲಿದೆ.

5) HTC ವಿಂಡೋಸ್ 8 ಸ್ಮಾರ್ಟ್ ಫೋನ್

ತೈವಾನ್ ಮೂಲದ HTC ಕಂಪನಿ ಜೆನಿತ್ ಹೆಸರಿನ ವಿಂಡೋಸ್ 8 ಸ್ಮಾರ್ಟ್ ಫೋನ್ ಗಳ ಸರಣಿಯನ್ನೇ ಹೊರತರಲು ಯೋಚಿಸಿದ್ದು, ಜೆನಿತ್, ರಿಯೋ ಹಾಗು ಅಕಾರ್ಡ್ ಸ್ಮಾರ್ಟ್ ಫೋನುಗಳನ್ನು ತರಲಿದೆ.