ಆಸುಸ್ ಜೆನ್ ಫೋನ್ 5Z Vs ಒನ್ ಪ್ಲಸ್ 6 : ಯಾವುದು ಬೆಸ್ಟ್..?

ಆಸುಸ್ ಜೆನ್ ಫೋನ್ 5Z ಮತ್ತು ಒನ್ ಪ್ಲಸ್ 6 ವಿನ್ಯಾಸ:

ವಿನ್ಯಾಸದಲ್ಲಿ ಈ ಎರಡು ಸ್ಮಾರ್ಟ್ ಫೋನ್ ಕೊಂಚ ವ್ಯತ್ಯಾಸವನ್ನು ಹೊಂದಿವೆ. ಒನ್ ಪ್ಲಸ್ 6 ನಲ್ಲಿ ಕೆಲವು ಡಿಸೈನ್ ಮತ್ತು ಬಣ್ಣಗಳನ್ನು ಹೊಂದಿರುವುದು ಹೆಚ್ಚಿನ ಬೆಲೆಗೆ ಮಾರಾಟವಾದರೆ, ಜೆನ್ ಫೋನ್ Z5ನಲ್ಲಿ ಲಭ್ಯವಿರುವ ಎಲ್ಲಾ ಬಣ್ಣಗಳು ಎಲ್ಲಾ ಆವೃತ್ತಿಯಲ್ಲಿಯೂ ದೊರೆಯುತ್ತಿದೆ. ಜೆನ್ ಫೋನ್ Z5 ಕಡಿಮೆ ತೂಕದಿಂದ ಕೂಡಿದ್ದು, ನೋಡಲು ಸಣ್ಣದಾಗಿದೆ. ಆದರೆ ಒನ್ ಪ್ಲಸ್ 6 ಸ್ವಲ್ಪ ದೊಡ್ಡದಾಗಿ ಮತ್ತು ತೂಕವಾಗಿದೆ ಎನ್ನಬಹುದಾಗಿದೆ.

ಆಸುಸ್ ಜೆನ್ ಫೋನ್ 5Z ಮತ್ತು ಒನ್ ಪ್ಲಸ್ 6 ಡಿಸ್ ಪ್ಲೇ:

ಆಸುಸ್ ಜೆನ್ ಫೋನ್ 5Z ಮತ್ತು ಒನ್ ಪ್ಲಸ್ 6 ಎರಡರಲ್ಲೂ ನೋಚ್ ಡಿಸ್ ಪ್ಲೇಯನ್ನು ಕಾಣಬಹುದಾಗಿದ್ದು, ಎರಡೂ 19:9 ಅನುಪಾತ ದಿಂದ ಕೂಡಿದೆ. ಒನ್ ಪ್ಲಸ್ 6 ನಲ್ಲಿ ಅಮೊಲೈಡ್ ಡಿಸ್ ಪ್ಲೇಯನ್ನು ಅಳವಡಿಸಲಾಗಿದೆ. ಇದೇ ಮಾದರಿಯಲ್ಲಿ ಆಸುಸ್ ಜೆನ್ ಫೋನ್ 5Z ನಲ್ಲಿ IPS LCD ಡಿಸ್ ಪ್ಲೇ ಇದೆ. ಎರಡು ಸಹ ಉತ್ತಮ ಆಂಗಲ್ ವ್ಯೂವನ್ನು ಹೊಂದಿದೆ ಮತ್ತು ರಿಚ್ ಬಣ್ಣಗಳನ್ನು ಕಾಣಬಹುದಾಗಿದೆ. ಅಲ್ಲದೇ FHD + ಗುಣಮಟ್ಟವನ್ನು ಹೊಂದಿದೆ.

ಆಸುಸ್ ಜೆನ್ ಫೋನ್ 5Z ಮತ್ತು ಒನ್ ಪ್ಲಸ್ 6 ವಿಶೇಷತೆ:

ಆಸುಸ್ ಜೆನ್ ಫೋನ್ 5Z ಮತ್ತು ಒನ್ ಪ್ಲಸ್ 6 ಎರಡರಲ್ಲಿಯೂ ಕ್ವಾಲ್ಕಮ್ ಸ್ನಾಪ್ ಡ್ರಾಗನ್ 845 ಪ್ರೋಸೆಸರ್ ಅನ್ನು ಅಳವಡಿಸಲಾಗಿದ್ದು, ಎರಡೂ ವೇಗವಾಗಿ ಕಾರ್ಯನಿರ್ವಹಿಸಲು ಶಕ್ತವಾಗಿದೆ. ಇದರಲ್ಲಿ ಪ್ರಮುಖ ವ್ಯತ್ಯಾಸ ಎಂದರೆ ಒನ್ ಪ್ಲಸ್ 6 ಸ್ಮಾರ್ಟ್ ಫೋನ್ ಎಕ್ಸಟನಲ್ ಮೆಮೊರಿಯನ್ನು ಸಪೋರ್ಟ್ ಮಾಡುವುದಿಲ್ಲ. ಆದರೆ ಆಸುಸ್ ಜೆನ್ ಫೋನ್ 5Z ಹೆಚ್ಚುವರಿ ಮೆಮೊರಿ ಕಾರ್ಡ್ ಹಾಕಿಕೊಳ್ಳುವ ಅವಕಾಶವನ್ನು ಮಾಡಿಕೊಟ್ಟಿದೆ. ಒನ್ ಪ್ಲಸ್ ಆಂಡ್ರಾಯ್ಡ್ 8 ಸಪೋರ್ಟ್ ಮಾಡಲಿದೆ. ಆದರೆ ಆಸುಸ್ ಜೆನ್ ಫೋನ್ 5Z ಈ ಕುರಿತು ಯಾವುದೇ ಮಾಹಿತಿಯನ್ನು ಹೊರಹಾಕಿಲ್ಲ.

ಆಸುಸ್ ಜೆನ್ ಫೋನ್ 5Z ಮತ್ತು ಒನ್ ಪ್ಲಸ್ 6 ಕ್ಯಾಮೆರಾ;

ಆಸುಸ್ ಜೆನ್ ಫೋನ್ 5Z ಮತ್ತು ಒನ್ ಪ್ಲಸ್ 6 ಎರಡರಲ್ಲಿಯೂ ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ಕಾಣಬಹುದಾಗಿದ್ದು, ಎರಡು ಸ್ಮಾರ್ಟ್ ಫೋನ್ ಗಳು ಉತ್ತಮ ಚಿತ್ರಗಳನ್ನು ಸೆರೆಹಿಡಿಯುವಲ್ಲಿ ಯಶಸ್ವಿಯಾಗಿವೆ. ಇದಲ್ಲದೇ ಸೆಲ್ಪಿ ತೆಗೆಯುವಲ್ಲಿಯೂ ಎರಡು ಕ್ಯಾಮೆರಾಗಳು ಗುಣಮಟ್ಟವನ್ನು ಹೊಂದಿದ್ದು, ಬಳಕೆದಾರರಿಗೆ ಉತ್ತಮವಾಗಿ ಚಿತ್ರಗಳನ್ನು ಕ್ಲಿಕಿಸಲು ಸುಲಭವಾಗುವಂತಹ ಸಾಫ್ಟ್ ವೇರ್ ಗಳನ್ನು ಒಳಗೊಂಡಿದೆ.