7,000mAh ಬ್ಯಾಟರಿ ಫೋನ್‌ಗಳ ಅಬ್ಬರ: ನಿಮ್ಮ ಬಜೆಟ್‌ಗೆ ಯಾವುದು ಬೆಸ್ಟ್? ಇಲ್ಲಿದೆ ಕಂಪ್ಲೀಟ್ ಲಿಸ್ಟ್!

ಭಾರತೀಯ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಇಂದು 7,000mAh ಬೃಹತ್ ಬ್ಯಾಟರಿ ಫೋನ್‌ಗಳದ್ದೇ ಸದ್ದು. 7,000mAh ಬ್ಯಾಟರಿಯನ್ನೊಳಗೊಂಡ ನೂತನ OnePlus N6 Lite ಸ್ಮಾರ್ಟ್‌ಫೋನ್ ಇಂದು ಭಾರತದಲ್ಲಿ ಬಿಡುಗಡೆಯಾಗಲಿದೆ. 120Hz ರಿಫ್ರೆಶ್ ರೇಟ್ ಡಿಸ್‌ಪ್ಲೇಯೊಂದಿಗೆ ಬಜೆಟ್ ದರದಲ್ಲಿ ಇದು ಸಿಗಲಿದೆ ಎಂದು ಹೇಳಲಾಗುತ್ತಿದೆ. ಈ ಸುದ್ದಿ ಗ್ರಾಹಕರಲ್ಲಿ ಭಾರಿ ಕುತೂಹಲ ಮೂಡಿಸಿದ್ದು, ಪ್ರಸ್ತುತ ಮಾರುಕಟ್ಟೆಯಲ್ಲಿ ನೈಜ ಆಫರ್ ಬೆಲೆಯಲ್ಲಿ ಲಭ್ಯವಿರುವ 7,000mAh ಬ್ಯಾಟರಿಯ ಅತ್ಯುತ್ತಮ ಫೋನ್‌ಗಳು ಯಾವುವು? ಎಂಬ ಪ್ರಶ್ನೆ ಮೂಡುವುದು ಸಹಜ. ಪ್ರೊಸೆಸರ್, ತೂಕ, ಚಾರ್ಜಿಂಗ್ ಸ್ಪೀಡ್, 5G ಬ್ಯಾಂಡ್‌ಗಳು, NavIC ಬೆಂಬಲ ಮತ್ತು ಆಫರ್‌ಗಳ ಆಧಾರದ ಮೇಲೆ ಪ್ರಮುಖ ಫೋನ್‌ಗಳನ್ನು ಇಲ್ಲ ತುಲನೆ ಮಾಡಲಾಗಿದೆ.

ದೊಡ್ಡ ಬ್ಯಾಟರಿ ಎಂದರೆ ಹೆಚ್ಚಿನ ಚಾರ್ಜಿಂಗ್ ಸಿಗುವುದು ನಿಜವಾದರೂ, ಫೋನಿನ ತೂಕ, ಬಿಸಿಯಾಗುವಿಕೆ ಹಾಗೂ ಚಾರ್ಜ್ ಆಗಲು ತಗಲುವ ಸಮಯವನ್ನೂ ಗಮನಿಸುವುದು ಅಗತ್ಯ. ಸಾಮಾನ್ಯವಾಗಿ 7,000mAh ಬ್ಯಾಟರಿ ಫೋನ್‌ಗಳು 210 ರಿಂದ 230 ಗ್ರಾಂ ತೂಕವಿದ್ದು, 30W ಚಾರ್ಜರ್ ಮೂಲಕ ಪೂರ್ಣ ಚಾರ್ಜ್ ಆಗಲು ಕನಿಷ್ಠ ಎರಡು ಗಂಟೆ ಬೇಕಾಗುತ್ತದೆ. ಇನ್ನು 5G ಫೋನ್ ಖರೀದಿಸುವ ಮುನ್ನ SA, NSA ಮತ್ತು NavIC ಸಪೋರ್ಟ್ ಇದೆಯೇ ಎಂದು ಚೆಕ್ ಮಾಡಿ. ಬ್ಯಾಂಕ್ ಕಾರ್ಡ್ ಆಫರ್‌ಗಳಿಂದ ಫೋನ್‌ಗಳ ಬೆಲೆ ಗಣನೀಯವಾಗಿ ಕಡಿಮೆಯಾಗುತ್ತದೆ. ಉದಾಹರಣೆಗೆ Moto G77 Power ಕಾರ್ಡ್ ಆಫರ್‌ಗಳೊಂದಿಗೆ ₹23,999 ಕ್ಕೆ ಲಭ್ಯವಿದೆ. ನೋ-ಕಾಸ್ಟ್ EMI ಸೌಲಭ್ಯ ಬಳಸುವ ಮುನ್ನ ಪ್ರೊಸೆಸಿಂಗ್ ಶುಲ್ಕಗಳ ಬಗ್ಗೆ ಗಮನವಿರಲಿ.

ಭಾರತದಲ್ಲಿ ಲಭ್ಯವಿರುವ ಅತ್ಯುತ್ತಮ 7,000mAh ಬ್ಯಾಟರಿ ಫೋನ್‌ಗಳು: ನೈಜ ಬೆಲೆ ಮತ್ತು ಫೀಚರ್‌ಗಳು

Moto G77 Power: 7,000mAh ಬ್ಯಾಟರಿ, 30W ಚಾರ್ಜಿಂಗ್, 6.72-ಇಂಚಿನ 120Hz ಡಿಸ್‌ಪ್ಲೇ ಮತ್ತು 215 ಗ್ರಾಂ ತೂಕ ಹೊಂದಿದೆ. Dimensity 6400 ಪ್ರೊಸೆಸರ್ ಮೂಲಕ 5G SA, NSA ಹಾಗೂ NavIC ಬೆಂಬಲ ನೀಡುತ್ತದೆ. ಇದರ ಲಾಂಚ್ ಬೆಲೆ ₹25,999 ಆಗಿದ್ದರೂ, ಬ್ಯಾಂಕ್ ಆಫರ್‌ಗಳಲ್ಲಿ ₹23,999 ಕ್ಕೆ ಸಿಗುತ್ತದೆ. ಸತತ ಎರಡು ದಿನಗಳ ಬ್ಯಾಟರಿ ಬ್ಯಾಕಪ್ ಮತ್ತು ಪಕ್ಕಾ 5G ಬಯಸುವ ಹೆವಿ ಯೂಸರ್ಸ್‌ಗೆ ಇದು ಸೂಕ್ತ. Moto G37 Power: 7,000mAh ಬ್ಯಾಟರಿ, 30W ಚಾರ್ಜಿಂಗ್ ಮತ್ತು HD+ 120Hz ಡಿಸ್‌ಪ್ಲೇ ಹೊಂದಿರುವ ಈ ಫೋನ್ ಕೇವಲ 183 ಗ್ರಾಂ ತೂಕ ಹೊಂದಿದೆ. Dimensity 6300 ಪ್ರೊಸೆಸರ್, SA, NSA ಹಾಗೂ NavIC ಸಪೋರ್ಟ್ ಹೊಂದಿರುವ ಈ ಫೋನ್ ಬೆಲೆ ಸುಮಾರು ₹14,999 ರಿಂದ ಆರಂಭವಾಗುತ್ತದೆ.

Samsung Galaxy F62: 4G ನೆಟ್‌ವರ್ಕ್‌ಗೆ ಮಾತ್ರ ಸೀಮಿತವಾಗಿದ್ದರೂ, 7,000mAh ಬ್ಯಾಟರಿ ಬಯಸುವವರಿಗೆ ಇದೊಂದು ನಂಬಿಕಸ್ಥ ಆಯ್ಕೆ. 218 ಗ್ರಾಂ ತೂಕದ ಈ ಸ್ಮಾರ್ಟ್‌ಫೋನ್ 25W ಚಾರ್ಜಿಂಗ್ ಬೆಂಬಲಿಸಲಿದ್ದು, ಸುಮಾರು ₹29,999 ಬೆಲೆ ಹೊಂದಿದೆ. AMOLED ಡಿಸ್‌ಪ್ಲೇ ಮತ್ತು ದೀರ್ಘಾವಧಿಯ ಸಾಫ್ಟ್‌ವೇರ್ ಸಪೋರ್ಟ್ ಬಯಸುವ ಬ್ರ್ಯಾಂಡ್ ಪ್ರಿಯರಿಗೆ ಇದು ಹೇಳಿಮಾಡಿಸಿದಂತಿದೆ. Samsung Galaxy M51: ಇದು ಕೊಂಚ ಹಳೆಯ ಮಾದರಿಯಾಗಿದ್ದರೂ, 213 ಗ್ರಾಂ ತೂಕದೊಂದಿಗೆ ಇಂದಿಗೂ ಸದ್ದು ಮಾಡುತ್ತಿದೆ. ಸುಮಾರು ₹17,499 ಬೆಲೆಯಲ್ಲಿ ಸಿಗುವ ಈ ಫೋನ್ ಸಾಮಾನ್ಯ ಬಳಕೆಗೆ ಭಾರಿ ಬ್ಯಾಟರಿ ಬ್ಯಾಕಪ್ ನೀಡುತ್ತದೆ. ಹಳೆಯ ಸಾಫ್ಟ್‌ವೇರ್ ಮತ್ತು 4G ಗೆ ಒಗ್ಗಿಕೊಳ್ಳುವ ಬಜೆಟ್ ಪ್ರಿಯರು ಇದನ್ನು ಪರಿಗಣಿಸಬಹುದು.

Itel P40+: 7,000mAh ಬ್ಯಾಟರಿ, 18W ಚಾರ್ಜಿಂಗ್ ಮತ್ತು 224 ಗ್ರಾಂ ತೂಕ ಹೊಂದಿರುವ ಈ 4G ಫೋನ್ ₹6,999 ಆಕರ್ಷಕ ಬೆಲೆಯಲ್ಲಿ ಲಭ್ಯವಿದೆ. ಸುದೀರ್ಘ ಬ್ಯಾಟರಿ ಬ್ಯಾಕಪ್ ಅಗತ್ಯವಿರುವ ಡೆಲಿವರಿ ಡ್ರೈವರ್‌ಗಳು, ಫೀಲ್ಡ್ ವರ್ಕರ್‌ಗಳು ಮತ್ತು ಪೋಷಕರಿಗೆ ಇದು ಅತ್ಯುತ್ತಮ ಆಯ್ಕೆ. Tecno Pova 3: 33W ಚಾರ್ಜಿಂಗ್ ಸೌಲಭ್ಯ ಮತ್ತು 231 ಗ್ರಾಂ ತೂಕವಿರುವ ಈ ಫೋನ್ ₹9,999 ಕ್ಕೆ ಲಭ್ಯವಿದೆ. 5G ಗಿಂತ ದೊಡ್ಡ ಡಿಸ್‌ಪ್ಲೇ ಮತ್ತು ಗೇಮಿಂಗ್‌ಗೆ ಆದ್ಯತೆ ನೀಡುವ ಬಜೆಟ್ ಪ್ರಿಯರು ಇದನ್ನು ಆಯ್ದುಕೊಳ್ಳಬಹುದು. ಖರೀದಿಸುವ ಮುನ್ನ ಆನ್‌ಲೈನ್ ಆಪ್‌ಗಳಲ್ಲಿ ಲಭ್ಯವಿರುವ ಬ್ಯಾಂಕ್ ಡಿಸ್ಕೌಂಟ್‌ಗಳು ಮತ್ತು SA, NSA, NavIC ಬೆಂಬಲವನ್ನು ಒಮ್ಮೆ ಖಚಿತಪಡಿಸಿಕೊಳ್ಳಿ.