ಬೋಲ್ಟ್ ಏಸ್ 5G ಫಸ್ಟ್ ಲುಕ್: 6000mAh ಬ್ಯಾಟರಿ ಮತ್ತು ಗೇಮಿಂಗ್‌ನಲ್ಲಿ ಈ ಫೋನ್ ನಿಜಕ್ಕೂ ಪವರ್‌ಫುಲ್ ಆಗಿದೆಯೇ?

ಬೋಲ್ಟ್ (Boltt) ಸಂಸ್ಥೆಯ ಚೊಚ್ಚಲ ಸ್ಮಾರ್ಟ್‌ಫೋನ್ 'ಏಸ್ 5G' (Ace 5G) ನಾಳೆ ಮಧ್ಯಾಹ್ನ 12:00 ಗಂಟೆಗೆ ಫ್ಲಿಪ್‌ಕಾರ್ಟ್‌ನಲ್ಲಿ ಬಿಡುಗಡೆಯಾಗಲಿದೆ. ಭಾರತೀಯ ಗ್ರಾಹಕರು ಹೆಚ್ಚಾಗಿ ಬಯಸುವ ಬೃಹತ್ 6,000mAh ಬ್ಯಾಟರಿ ಮತ್ತು 120Hz ಡಿಸ್‌ಪ್ಲೇಯನ್ನು ಈ ಫೋನ್ ಹೊಂದಿದೆ. ಬರಿ ಪೇಪರ್ ಮೇಲಿನ ಸ್ಪೆಸಿಫಿಕೇಷನ್‌ಗಳಿಗೆ ಸೀಮಿತವಾಗದೆ, ಇದರ ರಿಯಲ್ ವರ್ಲ್ಡ್ ಬ್ಯಾಟರಿ ಲೈಫ್, ಚಾರ್ಜಿಂಗ್ ಸ್ಪೀಡ್ ಮತ್ತು BGMI ಗೇಮಿಂಗ್ ಸನ್ನಿವೇಶದಲ್ಲಿ ಫೋನ್ ಬಿಸಿಯಾಗುತ್ತದೆಯೇ ಎಂಬುದನ್ನು ಫಸ್ಟ್ ಸೇಲ್‌ಗೂ ಮುನ್ನವೇ ನಾವು ಸಮಗ್ರವಾಗಿ ಪರಿಶೀಲಿಸಲಿದ್ದೇವೆ.

ಅಧಿಕೃತ ಟೀಸರ್‌ಗಳ ಪ್ರಕಾರ, ಈ ಫೋನ್ 120Hz ರಿಫ್ರೆಶ್ ರೇಟ್ ಹೊಂದಿರುವ 6.79-ಇಂಚಿನ HD+ ಪಂಚ್‌-ಹೋಲ್ ಡಿಸ್‌ಪ್ಲೇಯನ್ನು ಹೊಂದಿದೆ. ಜೊತೆಗೆ ಬಾಕ್ಸ್‌ನಲ್ಲೇ 18W ಚಾರ್ಜರ್ ಅಡಾಪ್ಟರ್ ಸಿಗಲಿದೆ. ಇನ್ನು ಕ್ಯಾಮೆರಾ ವಿಚಾರಕ್ಕೆ ಬಂದರೆ, 64-ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಹಾಗೂ AI ನೈಟ್ ಫೀಚರ್‌ಗಳನ್ನು ಏಸ್ 5G ನೀಡುತ್ತಿದೆ. ಬಜೆಟ್ ಪ್ರಿಯರಿಗೆ ಇವೆಲ್ಲವೂ ಆಕರ್ಷಕ ಫೀಚರ್‌ಗಳಾಗಿದ್ದರೂ, ರಿಯಲ್ ವರ್ಲ್ಡ್‌ನಲ್ಲಿ ಇದು ಎಷ್ಟರ ಮಟ್ಟಿಗೆ ಪರ್ಫಾರ್ಮ್ ಮಾಡುತ್ತೆ ಎಂಬುದರ ಮೇಲೆ ಗ್ರಾಹಕರ ನಂಬಿಕೆ ನಿರ್ಧಾರವಾಗಲಿದೆ.

ಬೋಲ್ಟ್ ಏಸ್ 5G: ಬ್ಯಾಟರಿ ಮತ್ತು ಚಾರ್ಜಿಂಗ್ ಟೆಸ್ಟ್

ನಮ್ಮ ಲ್ಯಾಬ್‌ನಲ್ಲಿ 300-ನಿಟ್ಸ್‌ ಬ್ರೈಟ್‌ನೆಸ್‌ನಲ್ಲಿ ಯೂಟ್ಯೂಬ್ ಮತ್ತು ಇನ್‌ಸ್ಟಾಗ್ರಾಮ್‌ ಪ್ಲೇ ಮಾಡಿ ಬ್ಯಾಟರಿ ಪರೀಕ್ಷಿಸಲಾಗುವುದು. ಜೊತೆಗೆ ಸ್ಟ್ಯಾಂಡ್‌ಬೈ ಬ್ಯಾಟರಿ ಡ್ರೈನ್ ಹಾಗೂ ಡ್ಯುಯಲ್-ಸಿಮ್ ಬಳಸಿದಾಗ ಬ್ಯಾಟರಿ ಬಳಕೆ ಹೇಗಿರುತ್ತದೆ ಎಂಬುದನ್ನೂ ನೋಡ್ತೇವೆ. 0 ಯಿಂದ 30 ಶೇಕಡಾ ಮತ್ತು 0 ಯಿಂದ 100 ಶೇಕಡಾ ಚಾರ್ಜ್ ಆಗಲು ಎಷ್ಟು ಸಮಯ ಬೇಕು ಹಾಗೂ ಗರಿಷ್ಠ ವ್ಯಾಟೇಜ್ ಎಷ್ಟಿರುತ್ತದೆ ಎಂಬುದನ್ನು ಅಳೆಯಲಿದ್ದೇವೆ. ಬಾಕ್ಸ್‌ನಲ್ಲಿ ಕೊಡುವ ಚಾರ್ಜರ್ ಸಾಮರ್ಥ್ಯವನ್ನೂ ಲೋಡ್‌ನಲ್ಲಿ ಪರಿಶೀಲಿಸಲಾಗುತ್ತದೆ. 6,000mAh ಬ್ಯಾಟರಿಗೆ 18W ಚಾರ್ಜಿಂಗ್ ನೀಡಿರುವುದರಿಂದ ಫುಲ್ ಚಾರ್ಜ್ ಆಗಲು ಕೊಂಚ ಹೆಚ್ಚು ಸಮಯ ಹಿಡಿಯಬಹುದು. ದಿನನಿತ್ಯದ ಬಳಕೆಯಲ್ಲಿ ಇದು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ ಎಂಬ ನಿಖರ ಮಾಹಿತಿ ನೀಡಲಿದ್ದೇವೆ.

ಬೋಲ್ಟ್ ಏಸ್ 5G: ಗೇಮಿಂಗ್, ಹೀಟಿಂಗ್ ಮತ್ತು ಸ್ಟೆಬಿಲಿಟಿ ಪರಿಶೀಲನೆ

ಬ್ಯಾಟಲ್‌ಗ್ರೌಂಡ್ಸ್ ಮೊಬೈಲ್ ಇಂಡಿಯಾ (BGMI) ಮತ್ತು ಕಾಲ್ ಆಫ್ ಡ್ಯೂಟಿ (CoD) ಗೇಮ್‌ಗಳನ್ನು 30 ಮತ್ತು 60 ಎಫ್‌ಪಿಎಸ್ ಸೆಟ್ಟಿಂಗ್ಸ್‌ನಲ್ಲಿ ಟೆಸ್ಟ್ ಮಾಡಲಿದ್ದೇವೆ. 28 ರಿಂದ 33 ಡಿಗ್ರಿ ಸೆಲ್ಸಿಯಸ್ ತಾಪಮಾನದ ವಾತಾವರಣದಲ್ಲಿ 30 ರಿಂದ 45 ನಿಮಿಷಗಳ ಕಾಲ ಸತತ ಗೇಮಿಂಗ್ ನಡೆಸಿ, ಫ್ರೇಮ್ ಸ್ಟೆಬಿಲಿಟಿ, ಟಚ್ ಲೇಟೆನ್ಸಿ ಮತ್ತು ಥರ್ಮಲ್ ಥ್ರೋಟ್ಲಿಂಗ್ ಪರಿಶೀಲಿಸಲಿದ್ದೇವೆ. ಫೋನ್‌ನ ಹೊರಭಾಗ ಹಾಗೂ ಪ್ರೊಸೆಸರ್ ತಾಪಮಾನವನ್ನು ರೆಕಾರ್ಡ್ ಮಾಡಿ, ತೀವ್ರ ಗೇಮಿಂಗ್ ವೇಳೆ ಬಿಸಿಯಾಗಿ ಫೋನ್ ಲ್ಯಾಗ್ ಆಗುತ್ತದೆಯೇ ಎಂಬುದನ್ನು ಸ್ಪಷ್ಟಪಡಿಸಲಿದ್ದೇವೆ.

ಬೋಲ್ಟ್ ಏಸ್ 5G: ಬಿಡುಗಡೆ ವಿವರ ಹಾಗೂ ಫಸ್ಟ್ ಸೇಲ್ ಆಫರ್‌ಗಳು

ಈ ಫೋನ್ ಆಗಸ್ಟ್ 25 ರಂದು ಮಧ್ಯಾಹ್ನ 12:00 ಗಂಟೆಗೆ ಫ್ಲಿಪ್‌ಕಾರ್ಟ್‌ನಲ್ಲಿ ಲಾಂಚ್ ಆಗಲಿದ್ದು, ಈ ಈವೆಂಟ್‌ನಲ್ಲೇ ದರ ಬಹಿರಂಗವಾಗಲಿದೆ. ಬೋಲ್ಟ್ ಸಂಸ್ಥೆಯು ಕ್ಲೀನ್ ಮತ್ತು ಬ್ಲೋಟ್‌ವೇರ್-ರಹಿತ ಸಾಫ್ಟ್‌ವೇರ್ ಅನುಭವದ ಭರವಸೆ ನೀಡಿದೆ. ಆರಂಭಿಕ ಸುಳಿವುಗಳ ಪ್ರಕಾರ ಈ ಸರಣಿಯು ₹10,000 ದಿಂದ ₹20,000 ಬೆಲೆಯ ಶ್ರೇಣಿಯಲ್ಲಿ ಬರಬಹುದು. ಸೇಲ್ ಆರಂಭವಾಗುತ್ತಿದ್ದಂತೆ ಲಭ್ಯವಾಗುವ ಬ್ಯಾಂಕ್ ಆಫರ್‌ಗಳ ಮೇಲೆಯೂ ಕಣ್ಣಿಡಿ; ಸಂಪೂರ್ಣ ವಿವರಗಳು ಸಿಕ್ಕ ತಕ್ಷಣ ಖರೀದಿಯ ಬಗ್ಗೆ ಸೂಕ್ತ ಸಲಹೆ ನೀಡಲಿದ್ದೇವೆ.