ಬೋಲ್ಟ್ ಇವೊ ಸ್ಮಾರ್ಟ್‌ಫೋನ್ ಮೇಲೆ ಫ್ಲಿಪ್‌ಕಾರ್ಟ್ ಅರ್ಲಿ ಬರ್ಡ್ ಸೇಲ್: ಕೇವಲ ₹8,999ಕ್ಕೆ ಸಿಗುತ್ತೆ ಈ ಫೋನ್!

ಫ್ಲಿಪ್‌ಕಾರ್ಟ್‌ನಲ್ಲಿ (Flipkart) ಇಂದಿನಿಂದ (ಸೆಪ್ಟೆಂಬರ್ 24) 'ಅರ್ಲಿ ಬರ್ಡ್ సేಲ್' (Early Bird sale) ಶುರುವಾಗಿದ್ದು, ಬೋಲ್ಟ್ ಇವೊ (Boltt Evo) ಸ್ಮಾರ್ಟ್‌ಫೋನ್ ಕೇವಲ ₹8,999 ರಿಂದ ಲಭ್ಯವಿದೆ. ಫ್ಲಿಪ್‌ಕಾರ್ಟ್‌ನಲ್ಲಿ ಮಾತ್ರ ಸಿಗಲಿರುವ ಈ ಆಫರ್, ಮಧ್ಯರಾತ್ರಿ 12:00 ಗಂಟೆಯಿಂದಲೇ ಲೈವ್ ಆಗಿದೆ. 120Hz ಡಿಸ್‌ಪ್ಲೇ, 6000mAh ಬೃಹತ್ ಬ್ಯಾಟರಿ ಹಾಗೂ ಯೂನಿಸೋಕ್ T7250 ಪ್ರೊಸೆಸರ್‌ನಂತಹ ಪ್ರಮುಖ ಫೀಚರ್‌ಗಳು ಈ ಫೋನ್‌ನಲ್ಲಿವೆ. ಈ ಅರ್ಲಿ ಬರ್ಡ್ ಆಫರ್ ಅವಧಿಯಲ್ಲಿ ಲಿಮಿಟೆಡ್ ಸ್ಟಾಕ್ ಮಾತ್ರ ಲಭ್ಯವಿರಲಿದೆ ಎಂದು ಕಂಪನಿ ತಿಳಿಸಿದೆ.

ಅರ್ಲಿ ಬರ್ಡ್ ಸೇಲ್‌ನಲ್ಲಿ ಎರಡೂ ವೇರಿಯೆಂಟ್‌ಗಳ ಬೆಲೆಯನ್ನು ಕಂಪನಿ ಧೃಡಪಡಿಸಿದೆ. 4GB+64GB ಮಾಡೆಲ್‌ಗೆ ₹8,999 ಬೆಲೆ ನಿಗದಿಪಡಿಸಲಾಗಿದ್ದರೆ, 6GB+128GB ಮಾಡೆಲ್ ₹9,999 ಗೆ ಸಿಗಲಿದೆ. 50MP ಪ್ರೈಮರಿ ಕ್ಯಾಮೆರಾ ಹಾಗೂ ಆಂಡ್ರಾಯ್ಡ್ 16 ಸಾಫ್ಟ್‌ವೇರ್ ಬೆಂಬಲ ಹೊಂದಿರುವ ಈ ಫೋನ್, ಬೆರ್ರಿ ರೆಡ್, ಸ್ಕೈ ಬ್ಲೂ, ಮಿಡ್‌ನೈಟ್ ಬ್ಲ್ಯಾಕ್, ಲ್ಯಾವೆಂಡರ್ ಬ್ಲೂಮ್ ಮತ್ತು ಆರ್ಕ್ಟಿಕ್ ವೈಟ್ ಬಣ್ಣಗಳ ಆಯ್ಕೆಯಲ್ಲಿ ಸಿಗಲಿದೆ.

ಬೋಲ್ಟ್ ಇವೊ ಸ್ಮಾರ್ಟ್‌ಫೋನ್ ಬೆಲೆ ಮತ್ತು ವೈಶಿಷ್ಟ್ಯಗಳು

ಇದರಲ್ಲಿರುವ ಯೂನಿಸೋಕ್ T7250 ಪ್ರೊಸೆಸರ್ ಕೇವಲ ಅಂಕಿ-ಅಂಶಗಳಿಗಷ್ಟೇ ಸೀಮಿತವಾಗಿರದೆ, ಅತ್ಯುತ್ತಮ ಹಾಗೂ ಭರವಸೆಯ ಪರ್ಫಾರ್ಮೆನ್ಸ್ ನೀಡುತ್ತದೆ. ಬೋಲ್ಟ್ ನೀಡಿರುವ ಮಾಹಿತಿ ಪ್ರಕಾರ, ಇದರ AnTuTu ಸ್ಕೋರ್ ಸುಮಾರು 3,90,000 ಆಗಿದ್ದು, ಸಾಧಾರಣ ಗೇಮಿಂಗ್ ಮತ್ತು ಮಲ್ಟಿಟಾಸ್ಕಿಂಗ್‌ಗೆ ಇದು ಹೇಳಿಮಾಡಿಸಿದಂತಿದೆ. 120Hz HD+ ಡಿಸ್‌ಪ್ಲೇ ಸ್ಮೂತ್ ಎಕ್ಸ್‌ಪೀರಿಯನ್ಸ್ ನೀಡಿದರೆ, 6000mAh ಬ್ಯಾಟರಿ ಇಡೀ ದಿನ ಅಥವಾ ಪ್ರಯಾಣದ ಸಮಯದಲ್ಲಿ ಫೋನ್ ಅನ್ನು ಪದೇ ಪದೇ ಚಾರ್ಜ್ ಮಾಡಬೇಕಾದ ಅಗತ್ಯವಿಲ್ಲದಂತೆ ಕಾಯ್ದುಕೊಳ್ಳುತ್ತದೆ.

ಫ್ಲಿಪ್‌ಕಾರ್ಟ್ ಅರ್ಲಿ ಬರ್ಡ್ ಬ್ಯಾಂಕ್ ಆಫರ್ ಮತ್ತು ಎಕ್ಸ್‌ಚೇಂಜ್

ಫ್ಲಿಪ್‌ಕಾರ್ಟ್‌ನಲ್ಲಿ ಆಯ್ದ ಆಕ್ಸಿಸ್ (Axis) ಮತ್ತು ಐಸಿಐಸಿಐ (ICICI) ಬ್ಯಾಂಕ್ ಕಾರ್ಡ್‌ಗಳ ಮೇಲೆ ಶೇ.10 ರವರೆಗೆ ಇನ್‌ಸ್ಟೆಂಟ್ ಡಿಸ್ಕೌಂಟ್ ದೊರೆಯಲಿದೆ. ಕೆಲವು ಪ್ಲಾನ್‌ಗಳ ಮೇಲೆ ನೋ-ಕಾಸ್ಟ್ ಇಎಮ್‌ಐ (No-cost EMI) ಹಾಗೂ ಹಳೆಯ ಫೋನ್ ಎಕ್ಸ್‌ಚೇಂಜ್ ಆಫರ್ ಕೂಡ ಲಭ್ಯವಿದೆ. ಸೇಲ್ ಡಿಸ್ಕೌಂಟ್, ಬ್ಯಾಂಕ್ ಆಫರ್ ಹಾಗೂ ಎಕ್ಸ್‌ಚೇಂಜ್ ಬೋನಸ್‌ಗಳನ್ನು ಒಟ್ಟಿಗೆ ಬಳಸಿಕೊಂಡು ಫೋನ್ ಅನ್ನು ಇನ್ನಷ್ಟು ಕಡಿಮೆ ಬೆಲೆಗೆ ನಿಮ್ಮದಾಗಿಸಿಕೊಳ್ಳಬಹುದು. ಆರ್ಡರ್ ಮಾಡುವ ಮುನ್ನ ನಿಮ್ಮ ಪಿನ್‌ಕೋಡ್ ನಮೂದಿಸಿ ಡೆಲಿವರಿ ಸಮಯವನ್ನು ಒಮ್ಮೆ ಪರಿಶೀಲಿಸಿಕೊಳ್ಳಿ.

ಬೋಲ್ಟ್ ಇವೊ vs ₹12,000 ಕ್ಕಿಂತ ಕಡಿಮೆ ಬೆಲೆಯ 5G ಸ್ಪರ್ಧಿಗಳು

ಒಂದು ವೇಳೆ ನಿಮಗೆ ₹12,000 ಕ್ಕಿಂತ ಕಡಿಮೆ ಬೆಲೆಯಲ್ಲಿ 5G ನೆಟ್‌ವರ್ಕ್ ಇರುವ ಫೋನ್ ಬೇಕಿದ್ದರೆ, ಲಾವಾ ಬ್ಲೇಜ್ 5G ಮತ್ತು ಇನ್‌ಫಿನಿಕ್ಸ್ ಹಾಟ್ 50 5G ಉತ್ತಮ ಆಯ್ಕೆಗಳಾಗಿವೆ. ಇವುಗಳ ಪ್ರಸ್ತುತ ಬೆಲೆಯನ್ನು ಗಮನಿಸಿದಾಗ, 4G ಆಧಾರಿತ ಬೋಲ್ಟ್ ಇವೊ ಫೋನ್ ಈ ಅರ್ಲಿ ಬರ್ಡ್ ಸೇಲ್‌ನಲ್ಲಿ ಬಜೆಟ್ ಪ್ರಿಯರಿಗೆ ಅತ್ಯುತ್ತಮ ಮೌಲ್ಯವನ್ನು ನೀಡುತ್ತದೆ.

ನಿಮಗೆ 5G ನೆಟ್‌ವರ್ಕ್ ಇರಲೇಬೇಕು ಎಂದಿದ್ದರೆ, ₹9,000 ದಿಂದ ₹11,000 ಆಜುಬಾಜಿನಲ್ಲಿ ಸಿಗುವ ಮೇಲಿನ 5G ಫೋನ್‌ಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು. ಆದರೆ, ದೀರ್ಘಕಾಲ ಬಾಳಿಕೆ ಬರುವ ಬ್ಯಾಟರಿ, 120Hz ಸ್ಕ್ರೀನ್ ಹಾಗೂ ಆರಂಭಿಕ ಲಾಂಚ್ ಡಿಸ್ಕೌಂಟ್ ನಿಮ್ಮ ಆದ್ಯತೆಯಾಗಿದ್ದರೆ ಬೋಲ್ಟ್ ಇವೊ ಫೋನಿನ ಈ ‘ಅರ್ಲಿ ಬರ್ಡ್’ ಸೇಲ್ ಅತ್ಯುತ್ತಮ ಡೀಲ್ ಆಗಿದೆ. ಪಾವತಿಸುವ ಮುನ್ನ ಕಾರ್ಡ್ ಆಫರ್‌ಗಳ ಲಿಮಿಟ್, ಇಎಮ್‌ಐ ನಿಯಮಗಳು, ಎಕ್ಸ್‌ಚೇಂಜ್ ಮೌಲ್ಯ ಮತ್ತು ಡೆಲಿವರಿ ದಿನಾಂಕವನ್ನು ಫ್ಲಿಪ್‌ಕಾರ್ಟ್ ಆ್ಯಪ್‌ನಲ್ಲಿ ಖಚಿತಪಡಿಸಿಕೊಳ್ಳಿ.