CMF Phone 2 Pro ಸ್ಮಾರ್ಟ್‌ಫೋನಿನ ಅಧಿಕೃತ ಬಿಡುಗಡೆ ದಿನಾಂಕ ಪ್ರಕಟ!

ಜನಪ್ರಿಯ Nothing ಕಂಪನಿಯ ಸಬ್-ಬ್ರ್ಯಾಂಡ್ CMF, ಈ ತಿಂಗಳ ಕೊನೆಯಲ್ಲಿ ಭಾರತ ಸೇರಿದಂತೆ ಜಾಗತಿಕ ಮಾರುಕಟ್ಟೆಯಲ್ಲಿ ತನ್ನ ಹೊಸ ಸ್ಮಾರ್ಟ್‌ಫೋನನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ. CMF Phone 1 ನ ಉತ್ತರಾಧಿಕಾರಿಯಾಗಿ ಪರಿಚಯಿಸಲಾದ ಈ ಹೊಸ ಸಾಧನವನ್ನು CMF Phone 2 Pro ಎಂದು ಹೆಸರಿಸಲಾಗಿದ್ದು, ಈ ಸ್ಮಾರ್ಟ್‌ಫೋನಿನೊಂದಿಗೆ CMF Buds 2, CMF Buds 2a, ಮತ್ತು CMF Buds 2 Plus ಎಂಬ ಟ್ರೂ-ವೈರ್‌ಲೆಸ್-ಸ್ಟೀರಿಯೊ (TWS) ಇಯರ್‌ಬಡ್‌ಗಳನ್ನು ಸಹ ಬಿಡುಗಡೆ ಮಾಡಲಾಗುತ್ತಿದೆ. ಈ ಕುರಿತಾದ ಸಂಪೂರ್ಣ ಮಾಹಿತಿಯನ್ನು ನೋಡೋಣ ಬನ್ನಿ.

ಭಾರತದಲ್ಲಿ CMF Phone 2 Pro ಬಿಡುಗಡೆ ದಿನಾಂಕ
ವಿನೂತನ CMF Phone 2 Pro ಸ್ಮಾರ್ಟ್‌ಫೋನನ್ನು ಭಾರತ ಸೇರಿದಂತೆ ಜಾಗತಿಕ ಮಾರುಕಟ್ಟೆಯಲ್ಲಿ ಏಪ್ರಿಲ್ 28 ರಂದು ಸಂಜೆ 6:30 ಕ್ಕೆ ಅನಾವರಣಗೊಳಿಸಲಾಗುವುದು ಎಂದು CMF ಸಂಸ್ಥೆ ಘೋಷಿಸಿದೆ. 2023 ರಲ್ಲಿ ಕಂಪೆನಿಯಿಂದ ಬಿಡುಗಡೆಯಾದ ಮೊಟ್ಟ ಮೊದಲ ಸ್ಮಾರ್ಟ್‌ಫೋನ್ CMF Phone 1 ನಂತರ, CMF ಉಪ-ಬ್ರಾಂಡ್ ಅಡಿಯಲ್ಲಿ ಬಿಡುಗಡೆಗೊಳ್ಳುವ ಎರಡನೇ ಸ್ಮಾರ್ಟ್‌ಫೋನ್ ಇದಾಗಿದೆ. ಈ CMF Phone 2 Pro ಸ್ಮಾರ್ಟ್‌ಫೋನಿನ ಬಿಡುಗಡೆಯು CMF Buds 2, CMF Buds 2a, ಮತ್ತು CMF Buds 2 Plus ಎಂಬ ಮೂರು ಹೊಸ ಆಡಿಯೊ ಉತ್ಪನ್ನಗಳೊಂದಿಗೆ ನಡೆಯಲಿದೆ.

CMF Phone 2 Pro ಕುರಿತಾದ ವಿವರಗಳು ಇನ್ನೂ ಬಹಳ ಕಡಿಮೆ ಇದ್ದರೂ, ಕಂಪನಿಯು ಈ ಸ್ಮಾರ್ಟ್‌ಫೋನಿನ ಹಿಂಭಾಗದ ಫಲಕವನ್ನು ಟೀಸರ್ ಮಾಡಿದೆ. ಈ ಫೋನ್ ಪ್ಲಾಸ್ಟಿಕ್ ಅಂಚುಗಳು ಮತ್ತು CMF Phone 1 ರಂತೆ ಮರುವಿನ್ಯಾಸಗೊಳಿಸಲಾದ ಹಿಂಭಾಗದ ಫಲಕವನ್ನು ಹೊಂದಿದ್ದು, ಇದನ್ನು ಸ್ಥಳದಲ್ಲಿ ಹಿಡಿದಿಟ್ಟುಕೊಳ್ಳಲು ಸ್ಕ್ರೂಗಳನ್ನು ಬಳಸಲಾಗಿದೆ. ಹ್ಯಾಂಡ್‌ಸೆಟ್‌ನ ಚಿತ್ರವು ಮ್ಯಾಟ್ ಫಿನಿಷ್ ಹೊಂದಿರುವ ಹೊಳಪುಳ್ಳ ಹಿಂಭಾಗದ ಫಲಕವನ್ನು ಮತ್ತು ಕೆಳಗಿನ ಎಡಭಾಗದಲ್ಲಿ CMF ಬೈ ನಥಿಂಗ್ ಲೋಗೋವನ್ನು ತೋರಿಸುತ್ತದೆ. CMF Phone 2 Pro, ಮೊದಲ ತಲೆಮಾರಿಯ ಮಾದರಿಯ ವೈಶಿಷ್ಟ್ಯಗಳನ್ನು ಸುಧಾರಿಸುವ ನಿರೀಕ್ಷೆಯಲ್ಲಿದೆ.

CMF Phone 1 ಸ್ಮಾರ್ಟ್‌ಫೋನಿನ ವೈಶಿಷ್ಟ್ಯಗಳು
ಕಂಪೆನಿಯಿಂದ ಬಿಡುಗಡೆಯಾದ ಮೊಟ್ಟ ಮೊದಲ ಸ್ಮಾರ್ಟ್‌ಫೋನ್ CMF Phone 1 ಸಾಧನವು 6.7-ಇಂಚಿನ ಪೂರ್ಣ-HD+ (1,080x2,400 ಪಿಕ್ಸೆಲ್‌ಗಳು) AMOLED LTPS ಪರದೆಯನ್ನು 120Hz ವರೆಗೆ ಅಡಾಪ್ಟಿವ್ ರಿಫ್ರೆಶ್ ದರ, 395 ppi ಪಿಕ್ಸೆಲ್ ಸಾಂದ್ರತೆ, 240Hz ಟಚ್ ಸ್ಯಾಂಪ್ಲಿಂಗ್ ದರ ಮತ್ತು 2,000 nits ಗರಿಷ್ಠ ಹೊಳಪಿನಿಂದ ಹೊಂದಿದೆ. ಈ ಹ್ಯಾಂಡ್‌ಸೆಟ್ ಅನ್ನು ಆಕ್ಟಾ-ಕೋರ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 7300 5G ಪ್ರೊಸೆಸರ್ ಚಾಲಿತವಾಗಿದ್ದು, 8GB ವರೆಗೆ RAM ನೊಂದಿಗೆ ಜೋಡಿಸಲಾಗಿದೆ. ಇದು ಆಂಡ್ರಾಯ್ಡ್ 14 ಆಧಾರಿತ ನಥಿಂಗ್ ಓಎಸ್ 2.6 ನಲ್ಲಿ ಕಾರ್ಯನಿರ್ವಹಿಸುತ್ತದೆ.

ಕ್ಯಾಮೆರಾ ವಿಬಾಗದಲ್ಲಿ, CMF Phone 1 ಫೋನ್ ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದ್ದು, ಇದು 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ, ಎಲೆಕ್ಟ್ರಾನಿಕ್ ಇಮೇಜ್ ಸ್ಟೆಬಿಲೈಸೇಶನ್ (EIS) ಬೆಂಬಲ ಮತ್ತು 2x ಜೂಮ್‌ನೊಂದಿಗೆ ಪೋರ್ಟ್ರೇಟ್ ಸೆನ್ಸರ್ ಅನ್ನು ಒಳಗೊಂಡಿದೆ. ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ 16-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾ ಸಹ ಇದೆ. 5,000mAh ಬ್ಯಾಟರಿ 33W ವೇಗದ ಚಾರ್ಜಿಂಗ್ ಮತ್ತು 5W ರಿವರ್ಸ್ ವೈರ್ಡ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಪ್ರಸ್ತುತ ಈ ಸ್ಮಾರ್ಟ್‌ಫೋನ್ ₹13,899 ಬೆಲೆಯಲ್ಲಿ ದೇಶದಲ್ಲಿ ಖರೀದಿಗೆ ಲಭ್ಯವಿದೆ.