OnePlus ದೀಪಾವಳಿ ಸೇಲ್ 2025 ಘೋಷಣೆ: ಕೇವಲ 35,749 ಗೆ 13R ಲಭ್ಯ!

ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್‌ನಂತಹ ದೊಡ್ಡ ಇ-ಕಾಮರ್ಸ್ ತಾಣಗಳು ಈಗಾಗಲೇ ತಮ್ಮ ಹಬ್ಬದ ಮಾರಾಟವನ್ನು ಪ್ರಾರಂಭಿಸಿ, ಗ್ರಾಹಕರನ್ನು ತಮ್ಮತ್ತ ಸೆಳೆಯುವ ಪ್ರಯತ್ನದಲ್ಲಿವೆ. ಈ ಸ್ಪರ್ಧಾತ್ಮಕ ಮಾರುಕಟ್ಟೆಯಲ್ಲಿ, ಜನಪ್ರಿಯ ಟೆಕ್ ಬ್ರ್ಯಾಂಡ್ OnePlus ಕೂಡ ತನ್ನ ದೀಪಾವಳಿ ಮಾರಾಟವನ್ನು (OnePlus Diwali Sale 2025) ಅಧಿಕೃತವಾಗಿ ಘೋಷಿಸಿದೆ. ಹಬ್ಬದ ಋತು ಸಮೀಪಿಸುತ್ತಿದ್ದಂತೆ, OnePlus ತನ್ನ ಪ್ರಮುಖ ಸ್ಮಾರ್ಟ್‌ಫೋನ್‌ಗಳು, ನಾರ್ಡ್ ಸರಣಿ, ಟ್ಯಾಬ್ಲೆಟ್‌ಗಳು ಮತ್ತು ಆಡಿಯೊ ಉತ್ಪನ್ನಗಳ ಮೇಲೆ ಭಾರಿ ರಿಯಾಯಿತಿಗಳನ್ನು ನೀಡಲು ಮುಂದಾಗಿದೆ.

ಈ ವರ್ಷದ ದೀಪಾವಳಿ ಮಾರಾಟವು ಸೆಪ್ಟೆಂಬರ್ 22 ರ ಮಧ್ಯರಾತ್ರಿಯಿಂದ ಪ್ರಾರಂಭವಾಗಲಿದ್ದು, OnePlus.in, ಅಮೆಜಾನ್, OnePlus ಎಕ್ಸ್‌ಪೀರಿಯೆನ್ಸ್ ಸ್ಟೋರ್‌ಗಳು, ರಿಲಯನ್ಸ್ ಡಿಜಿಟಲ್, ಕ್ರೋಮಾ, ವಿಜಯ್ ಸೇಲ್ಸ್ ಮತ್ತು ಇತರ ಪಾಲುದಾರರ ಮೂಲಕ ಲಭ್ಯವಿರುತ್ತದೆ. ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್‌ನ ಇತ್ತೀಚಿನ ಹಬ್ಬದ ಮಾರಾಟಗಳಿಗೆ ಹೋಲಿಸಿದರೆ, OnePlus‌ನ ಈ ಮಾರಾಟವು ಗ್ರಾಹಕರಿಗೆ ಒಂದು ಹೊಸ ಆಯ್ಕೆಯನ್ನು ಒದಗಿಸುತ್ತಿದೆ. ಹಾಗಾದರೆ, ಈ ಸೇಲ್‌ನ ದೊಡ್ಡ ರಿಯಾಯಿತಿಗಳು ಯಾವುವು ಎಂಬುದನ್ನು ನೋಡೋಣ ಬನ್ನಿ.

ಪ್ರಮುಖ ಸ್ಮಾರ್ಟ್‌ಫೋನ್‌ಗಳ ಮೇಲೆ ಬೆಲೆ ಇಳಿಕೆ:
ಕಳೆದ ವರ್ಷ ₹69,999 ಕ್ಕೆ ಬಿಡುಗಡೆಯಾದ OnePlus 13 ಸ್ಮಾರ್ಟ್‌ಫೋನ್, ಈಗ ಎಲ್ಲಾ ಬ್ಯಾಂಕ್ ಕೊಡುಗೆಗಳನ್ನು ಬಳಸಿಕೊಂಡ ನಂತರ ಕೇವಲ ₹57,749 ಕ್ಕೆ ಲಭ್ಯವಾಗಲಿದೆ. ಇದು ಈ ಸಾಧನದ ಇತಿಹಾಸದಲ್ಲೇ ಅತ್ಯಂತ ಕಡಿಮೆ ಬೆಲೆಯಾಗಿದೆ. ಅದೇ ರೀತಿ, OnePlus 13R ಸಹ ಭಾರಿ ರಿಯಾಯಿತಿ ಪಡೆದುಕೊಂಡು ಕೇವಲ ₹35,749 ಕ್ಕೆ ಲಭ್ಯವಾಗಲಿದೆ. ಇದು ಸುಮಾರು ₹7,000 ರಿಯಾಯಿತಿಯಾಗಿದೆ. ಹೊಸದಾಗಿ ಬಿಡುಗಡೆಯಾದ OnePlus 13s ಕೂಡ ಬ್ಯಾಂಕ್ ಆಫರ್‌ಗಳೊಂದಿಗೆ ₹47,750 ಕ್ಕಿಂತ ಕಡಿಮೆ ಬೆಲೆಗೆ ಸಿಗಲಿದೆ.

ನಾರ್ಡ್ ಸರಣಿ ಮತ್ತು ಆಡಿಯೊ ಉತ್ಪನ್ನಗಳು
ಈ ಮಾರಾಟದ ಪ್ರಮುಖ ಆಕರ್ಷಣೆ ಎಂದರೆ OnePlus‌ನ ಮಧ್ಯಮ ಬೆಲೆಯ ಫೋನ್‌ಗಳ ಮೇಲೆ ಬೆಲೆ ಇಳಿಕೆ. ಮಧ್ಯಮ ಬೆಲೆಯ OnePlus Nord 5 ಮತ್ತು Nord CE5 ಕೂಡ ರಿಯಾಯಿತಿಗಳನ್ನು ಪಡೆಯುತ್ತಿವೆ. OnePlus Nord 5 ₹28,499 ಕ್ಕೆ ಮತ್ತು Nord CE5 5 ₹21,499 ಕ್ಕೆ ಸಿಗಲಿದೆ. ಆಡಿಯೊ ಉತ್ಪನ್ನಗಳಲ್ಲಿ, OnePlus Buds 4 ಕೇವಲ ₹4,799 ಕ್ಕೆ ಮತ್ತು Buds Pro 3 ₹7,999 ಕ್ಕೆ ಲಭ್ಯವಿರಲಿವೆ. ಜೊತೆಗೆ Nord Buds 3 ಸರಣಿ ಮತ್ತು ಬುಲೆಟ್ಸ್ ವೈರ್‌ಲೆಸ್ ಝಡ್2 ಎಎನ್‌ಸಿ (ANC) ಸೇರಿದಂತೆ ಇತರ ಆಡಿಯೊ ಉತ್ಪನ್ನಗಳ ಮೇಲೂ ರಿಯಾಯಿತಿಗಳು ಇರಲಿವೆ.

ಟ್ಯಾಬ್ಲೆಟ್‌ಗಳ ಮೇಲೂ ಆಫರ್
OnePlus ಸ್ಮಾರ್ಟ್‌ಫೋನ್‌ಗಳು ಮತ್ತು ಆಡಿಯೊ ಗ್ಯಾಜೆಟ್‌ಗಳಲ್ಲದೆ, OnePlus ಟ್ಯಾಬ್ಲೆಟ್‌ಗಳ ಮೇಲೂ ಸಹ ಕಂಪೆನಿಯು ಆಕರ್ಷಕ ಆಫರ್‌ಗಳನ್ನು ನೀಡುತ್ತಿದೆ. OnePlus Pad Lite ಕೇವಲ ₹11,749 ಕ್ಕೆ ಲಭ್ಯವಾಗಲಿದೆ. ಜೊತೆಗೆ Pad Go, Pad 2, ಮತ್ತು Pad 3 ಟ್ಯಾಬ್ಲೆಟ್‌ಗಳ ಬೆಲೆಗಳೂ ಇಳಿಕೆಯಾಗಲಿವೆ. ವಿಶೇಷವಾಗಿ, ಮಾರಾಟದ ಮೊದಲ ಮೂರು ದಿನಗಳಲ್ಲಿ Pad 3 ಕೊಂಡವರಿಗೆ ಉಚಿತ ಸ್ಟೈಲಸ್ ಸಿಗಲಿದೆ ಎಂದು ಕಂಪೆನಿಯು ತಿಳಿಸಿದೆ.

ಒಟ್ಟಾರೆಯಾಗಿ, ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್‌ನ ಭಾರಿ ಮಾರಾಟಗಳಿಗೆ ಹೋಲಿಸಿದರೆ, OnePlus‌ನ ಈ ದೀಪಾವಳಿ ಮಾರಾಟವು ನಿರ್ದಿಷ್ಟವಾಗಿ ತನ್ನದೇ ಉತ್ಪನ್ನಗಳನ್ನು ಖರೀದಿಸಲು ಕಾಯುತ್ತಿರುವ ಗ್ರಾಹಕರಿಗೆ ಉತ್ತಮ ಅವಕಾಶವನ್ನು ಒದಗಿಸುತ್ತದೆ. ಹಬ್ಬದ ಸಡಗರದಲ್ಲಿ ಹೊಸ ಸ್ಮಾರ್ಟ್‌ಫೋನ್, ಟ್ಯಾಬ್ಲೆಟ್ ಅಥವಾ ಆಡಿಯೊ ಗ್ಯಾಜೆಟ್ ಖರೀದಿಸಲು ಯೋಜಿಸುತ್ತಿದ್ದರೆ, ಸೆಪ್ಟೆಂಬರ್ 22 ರಿಂದ ಪ್ರಾರಂಭವಾಗುವ ಈ ಮಾರಾಟವು ನಿಮಗೆ ಸೂಕ್ತವಾದ ಆಯ್ಕೆಗಳನ್ನು ನೀಡಬಹುದು. ಈ ಕುರಿತಂತೆ ನಿಮ್ಮ ಅನಿಸಿಕೆ ಏನು ಎಂಬುದನ್ನು ಈ ಕೆಳಗೆ ಕಾಮೆಂಟ್ ಮಾಡಿ ತಿಳಿಸಿ.