ಈಗಲೇ ಇಂತಹ ಫೋನ್ ಒಂದು ಬರಲಿದೆ ಎಂದು ಮೊಬೈಲ್ ಜಗತ್ತು ಊಹಿಸಿರಲಿಲ್ಲ!!

ತಲೆತಿರುಗಿಸುವ ಬ್ಯಾಟರಿ ಸಾಮರ್ಥ್ಯ

ಎನರ್ಜೈಸರ್ ಕಂಪೆನಿ ಬಿಡುಗಡೆ ಮಾಡಿರುವ 'ಎನರ್ಜೈಸರ್ P18K' ಸ್ಮಾರ್ಟ್‌ಫೋನ್ ಅನ್ನು ಒಂದು ಬಾರಿ ಚಾರ್ಜ್ ಮಾಡಿದರೆ 2 ದಿನಗಳವರೆಗೆ ಆನ್​ಲೈನ್ ಸ್ಟ್ರೀಮಿಂಗ್ ವಿಡಿಯೋವನ್ನು ವೀಕ್ಷಿಸಬಹುದಾಗಿದೆ. ಅಷ್ಟೇ ಅಲ್ಲದೆ ಈ ನೂತನ ಸ್ಮಾರ್ಟ್​ಫೋನ್​ ಸ್ಟ್ಯಾಡ್ ​ಬೈ ಬ್ಯಾಟರಿ ಸಾಮರ್ಥ್ಯ ಬರೋಬ್ಬರಿ 50 ದಿನಗಳು ಎಂದು ಎನರ್ಜೈಸರ್ ಕಂಪೆನಿಯೇ ಹೇಳಿಕೊಂಡಿದೆ.

ಪಾಪ್​ ಅಪ್ ಡ್ಯುಯೆಲ್ ಸೆಲ್ಫಿ ಕ್ಯಾಮೆರಾ

ಎನರ್ಜೈಸರ್ P18K' ಸ್ಮಾರ್ಟ್‌ಫೋನ್ ವಿಶೇಷತೆ ಬ್ಯಾಟರಿಗಷ್ಟೇ ಸೀಮಿತವಾಗಿಲ್ಲ. ಬದಲಾಗಿ, ಎನರ್ಜೈಸರ್ P18K' ಸ್ಮಾರ್ಟ್‌ಫೋನ್ ಪಾಪ್​ ಅಪ್ ಡ್ಯುಯೆಲ್ ಸೆಲ್ಫಿ ( 18MP (16+2MP)) ಕ್ಯಾಮೆರಾಗಳನ್ನು ಹೊಂದುವ ಮೂಲಕ ಆಶ್ಚರ್ಯಮೂಡಿಸಿದೆ. ಹಾಗೆಯೇ ಮೊಬೈಲ್​ನ ಹಿಂಬದಿಯಲ್ಲಿ 16MP+ 5MP+2MP ಮೂರು ಕ್ಯಾಮೆರಾಗಳಿರುವುದು ಮತ್ತೊಂದು ವಿಶೇಷ.

ಡಿಸ್‌ಪ್ಲೇ ಮತ್ತು ವಿನ್ಯಾಸ

ಆಕರ್ಷಕವಾಗಿರುವಂತೆ ವಿನ್ಯಾಸಗೊಂಡಿರುವ 'ಎನರ್ಜೈಸರ್ P18K' ಫೋನ್ ಡಿಸ್‌ಪ್ಲೇ ನೋಚ್ ಹೊಂದಿಲ್ಲದಿರುವುದನ್ನು ನೋಡಬಹುದುದಾಗಿದೆ. ಪಾಪ್‌ ಅಪ್ ಕ್ಯಾಮೆರಾ ಸೆಟ್‌ ಅಪ್ ಕ್ಯಾಮೆರಾ ಹೊಂದಿರುವುದರಿಂದ ಬಹುತೇಕ ಪೂರ್ಣ ಪ್ರಮಾಣದ ಸ್ಕ್ರೀನ್ ಹೊಂದಿದಂತಿದೆ. 3.5 ಎಂಎಂ ಆಡಿಯೋ ಜಾಕ್ ಇಲ್ಲದ ಈ ಪೋನ್ ಡಿಸ್‌ಪ್ಲೇ 6.2 ಇಂಚಿನದ್ದಾಗಿದೆ.

ಪ್ರೊಸೆಸರ್ ಮತ್ತು RAM

ಎನರ್ಜೈಸರ್ P18K ಸ್ಮಾರ್ಟ್​ಫೋನ್ ಮೀಡಿಯಾ ಟೆಕ್ ಹೆಲಿಯೊ ಪಿ70 SOC ಪ್ರೊಸೆಸರ್​ ಹೊಂದಿದೆ ಎಂದು ಎನರ್ಜೈಸರ್ ಕಂಪೆನಿ ತಿಳಿಸಿದೆ.ಇತ್ತೀಚಿನ ಆಂಡ್ರಾಯ್ಡ್ 9 ಪೈ ಒಎಸ್ ಮೂಲಕ ರನ್ ಆಗಲಿರುವ ಸ್ಮಾರ್ಟ್‌ಫೋನಿನಲ್ಲಿ 6GB RAM ಮತ್ತು 128GB ಶೇಖರಣಾ ಸಾಮರ್ಥ್ಯವನ್ನು ನೀಡಲಾಗಿದ್ದು, ಫೋನಿನ ಮೆಮೊರಿ ವಿಸ್ತರಣೆ ಬಗ್ಗೆ ಮಾತ್ರ ಮಾಹಿತಿ ನೀಡಿಲ್ಲ.

ಇತರೆ ಏನೆಲ್ಲಾ ಫೀಚರ್ಸ್?

18,000mAh ಬ್ಯಾಟರಿ ಸಾಮರ್ಥ್ಯ, ಪಾಪ್​ ಅಪ್ ಡ್ಯುಯೆಲ್ ಸೆಲ್ಫಿ ಕ್ಯಾಮೆರಾಗಳ ಜೊತೆಗೆ 6.2-ಇಂಚಿನ ಎಲ್‌ಸಿಡಿ ಡಿಸ್‌ಪ್ಲೇ ಮತ್ತು ಫೇಸ್‌ ಅನ್‌ಲಾಕ್ ವೈಶಿಷ್ಟ್ಯತೆಗಳ ಬಗ್ಗೆ ಮಾತ್ರ ಈ ವರೆಗೂ ಮಾಹಿತಿ ಸಿಕ್ಕಿದೆ. ಫಾಸ್ಟ್ ಚಾರ್ಜಿಂಗ್ ತಂತ್ರಜ್ಞಾನವನ್ನು ಹೊಂದಿರುವ ಈ ಸ್ಮಾರ್ಟ್‌ಪೋನ್ ಪೂರ್ತಿ ಚಾರ್ಜ್ ಆಗಲು ತೆಗೆದುಕೊಳ್ಳುವ ಸಮಯ ಸಂಪೂರ್ಣ 8 ಗಂಟೆಗಳು ಮಾತ್ರ.!