ಸೋಷಿಯಲ್ ನೆಟ್ ವರ್ಕಿಂಗ್ ಫೇಸ್ ಬುಕ್ ಫೋನ್

ಫೇಸ್ ಬುಕ್ ವೆಬ್ ಸೈಟ್ ಫೇಸ್ ಬುಕ್ ಫೋನ್ ಅನ್ನು ಸಾಮಾಜಿಕ ತಾಣದ ಚಟುವಟಿಕೆಗೆ ಮೀಸಲಿಡುವ ಸಲುವಾಗಿ ತರಲಿದೆ ಎಂಬ ಸುದ್ಧಿ ಡಿಜಿಟಲ್ ಮಾಧ್ಯಮ ಲೋಕದಲ್ಲಿ ಕೇಳಿ ಬರುತ್ತಿದ್ದು ಈ ಸುದ್ಧಿ ಎಷ್ಟರ ಮಟ್ಟಿಗೆ ನಿಜ ಎಂಬುದು ಇನ್ನೂ ತಿಳಿದುಬಂದಿಲ್ಲ.

ಫೇಸ್ ಬುಕ್ ಜನರ ದಿನನಿತ್ಯದ ಚಟುವಟಿಕೆಗಳಲ್ಲಿ ಒಂದು ಭಾಗವಾಗಿ ಪರಿಣಮಿಸಿದೆ. ಮಕ್ಕಳು, ವಯಸ್ಕರು ಅಂತ ಬೇಧವಿಲ್ಲದೆ ಎಲ್ಲರು ಪ್ರತಿದಿನ ಈ ಫೇಸ್ ಬುಕ್ ಗೆ ತಮ್ಮ ಸಮಯವನ್ನು ಮೀಸಲಿಡುವಷ್ಟು ಜನಪ್ರಿಯತೆಯನ್ನು ಗಳಿಸಿದೆ. ಫೇಸ್ ಬುಕ್ ಬಳಕೆಯನ್ನು ಮೊಬೈಲ್ ಫೋನ್ ಗಳಲ್ಲಿ ಮತ್ತಷ್ಟು ವಿಸ್ತರಿಸಲು ಈ ವೆಬ್ ಸೈಟ್ ಎಚ್ ಟಿ ಸಿ ಕಂಪನಿ ಜೊತೆ ಸೇರಿ ಸಾಮಾಜಿಕ ತಾಣಕ್ಕಾಗಿಯೆ ಉತ್ತಮ ಗುಣಮಟ್ಟದ ಸ್ಮಾರ್ಟ್ ಫೋನ್ ತಯಾರಿಸಲಿದೆ ಎಂಬ ಸುದ್ಧಿಗಳು ಕೇಳಿ ಬರುತ್ತಿವೆ.

ಅದನ್ನು ಬಫಿಯೆಂದು ಕರೆಯಲಾಗುವುದು ಎಂದು ಸಹ ಹೇಳಲಾಗುತ್ತಿದೆ.ಇದರಲ್ಲಿ ಹೊಸ ತಂತ್ರಜ್ಞಾನಗಳನ್ನು ಬಳಸಲಾಗುತ್ತಿದ್ದು , ಹೊಸ ಡೈಮೆಂಶನ್ ಜೊತೆ ಬರುತ್ತಿರುವ ಈ ಮೊಬೈಲ್ ಫೇಸ್ ಬುಕ್ ಬಳಕೆಯ ವಿಸ್ತಾರ ಮತ್ತಷ್ಟು ಹೆಚ್ಚಬಹುದಾಗಿದೆ. ಆದರೆ ಇದರಲ್ಲಿ ಬಳಸಿರುವ ಹೊಸ ಅಪ್ಲಿಕೇಶನ್ ಬಗ್ಗೆ ಇದುವರೆಗೆ ಯಾವುದೆ ಮಾಹಿತಿ ತಿಳಿದು ಬಂದಿಲ್ಲ.

ಆದರೆ ಇಷ್ಟೆಲ್ಲಾ ಸುದ್ಧಿಗಳು ಹಬ್ಬುತ್ತಿದ್ದರೂ ಎಚ್ ಟಿ ಸಿ ಇದರ ಬಗ್ಗೆ ತನ್ನ ಮೌನವನ್ನು ಮುರಿದಿಲ್ಲ. ಈಗಾಗಲೆ ಕೆಲವು ಕೆಲವು ಸ್ಮಾರ್ಟ್ ಮೊಬೈಲ್ ಗಳು ಸಾಮಾಜಿಕ ತಾಣದ ಸೌಲಭ್ಯವನ್ನು ನೀಡುತ್ತಿದ್ದು, ಈ ಮಾರುಕಟ್ಟೆಯಲ್ಲಿ ಹೆಚ್ಚಿನ ಸ್ಪರ್ಧೆ ಇದ್ದು ಇಂತಹ ಒಂದು ಸ್ಮಾರ್ಟ್ ಫೋನ್ ಬಂದರೆ ಅದರಲ್ಲಿ ಆಶ್ಚರ್ಯವೇನು ಇಲ್ಲ. ಈ ಫೇಸ್ ಬುಕ್ ಫೋನ್ ಬಗ್ಗೆ ಹೆಚ್ಚಿನ ಮಾಹಿತಿ ಅದು ಬಂದ ಮೇಲಷ್ಟೆ ಹೇಳಬಹುದಾಗಿದೆ.