ಫ್ಲೈನಿಂದ ಬರಲಿದೆ ಸಿಂಪಲ್ ಹ್ಯಾಂಡ್ ಸೆಟ್

By Super

Updated: Sunday, March 31, 2013, 11:26 [IST]

ದಿನೇ ದಿನೇ ಹೊಸ ವಿನ್ಯಾಸದ, ಹೊಸ ಹೊಸ ಆಯ್ಕೆಗಳ ಮೊಬೈಲ್ ಗಳು ಮಾರುಕಟ್ಟೆಗೆ ಲಗ್ಗೆ ಇಡುತ್ತಲೇ ಇರುತ್ತವೆ. ಈಗಂತೂ ಆಂಡ್ರಾಯ್ಡ್ ನದ್ದೇ ಕಾರುಬಾರು. ಆದರೆ ಹೆಚ್ಚು ಆಯ್ಕೆಯಿಲ್ಲದ, ಕೇವಲ ಕರೆಗಳಿಗಷ್ಟೇ ಮೊಬೈಲ್ ಅವಶ್ಯಕತೆಯಿರುವ ಜನರೂ ಇರುತ್ತಾರೆ. ಅಂತಹವರಿಗೆಂದೇ ಫ್ಲೈ ಮೊಬೈಲ್ ಕಂಪನಿ ವಿನೂತನ ಮೊಬೈಲೊಂದನ್ನು ಪರಿಚಯಿಸಿದೆ.

ಫ್ಲೈDS109 ಎಂಬ ಈ ಮೊಬೈಲ್ ಕೆಲವೇ ದಿನಗಳಲ್ಲಿ ಬಿಡುಗಡೆಯಾಗುವ ಸೂಚನೆಯಿದೆ. ಜೆಎಸ್ ಎಂ ಹ್ಯಾಂಡ್ ಸೆಟ್ ಆಗಿರುವ ಫ್ಲೈDS109 ಮೊಬೈಲ್ ನಲ್ಲಿ ಡ್ಯೂಯಲ್ ಸಿಮ್ ಇರುವುದು ವಿಶೇಷ. ಬಾರ್ ಫೋನ್ ಮಾದರಿಯಲ್ಲಿರುವ ಈ ಫೋನ್ ನಲ್ಲಿ ತುಂಬಾ ಆಕರ್ಷಿತ ಆಯ್ಕೆಗಳಿಲ್ಲದಿದ್ದರೂ ಸರಳ ಮೊಬೈಲ್ ಬಯಸುವವರಿಗೆ ಇದು ಹೆಚ್ಚು ಸೂಕ್ತ.

ಫ್ಲೈ DS109 ಮೊಬೈಲ್ ವಿಶೇಷತೆ:

* 105 x 46 x 16 ಎಂಎಂ ಸುತ್ತಳತೆ

* 70 ಗ್ರಾಂ ತೂಕ

* 1.8 ಇಂಚಿನ TFT ಡಿಸ್ಪ್ಲೇ, 128 x 160 ಪಿಕ್ಸಲ್ ರೆಸೊಲ್ಯೂಷನ್

* 1.3 ಮೆಗಾ ಪಿಕ್ಸಲ್ ಕ್ಯಾಮೆರಾ, 1280 x 1024 ಪಿಕ್ಸಲ್ ರೆಸೊಲ್ಯೂಷನ್

* ಡಿಜಿಟಲ್ ಝೂಮ್

* ಟೆಲಿಸ್ಕೋಪಿಕ್ ಆಂಟೆನಾ ಜೊತೆ ಎಫ್ ಎಂ ರೇಡಿಯೋ

* 32 ಜಿಬಿವರೆಗೂ ಮೆಮೊರಿ ವಿಸ್ತರಣೆಗೆ ಮೈಕ್ರೊ SD/T-ಫ್ಲಾಶ್ ಮೆಮೊರಿ ಕಾರ್ಡ್

* 3.5 ಎಂಎಂ ಆಡಿಯೋ ಜ್ಯಾಕ್

* ಆಡಿಯೋ, ವಿಡಿಯೋ ಫಾರ್ಮೆಟ್ ಬೆಂಬಲಿತ

* GPRS ಸಂಪರ್ಕ, WAP ಬ್ರೌಸರ್

* v2.0 ಬ್ಲೂಟೂಥ್, USB,

1100 mAh Li ion ಬ್ಯಾಟರಿ ಪಡೆದುಕೊಂಡಿರುವ ಈ ಮೊಬೈಲ್ 8 ಗಂಟೆ ಟಾಕ್ ಟೈಂ ಮತ್ತು 168 ಗಂಟೆ ಸ್ಟ್ಯಾಂಡ್ ಬೈ ಟೈಂ ನೀಡುತ್ತದೆ.

ಈ ಮೊಬೈಲ್ ಭಾರತದಲ್ಲಿ ಇನ್ನೂ ಬಿಡುಗಡೆಗೊಂಡಿಲ್ಲ. ಆದ್ದರಿಂದ ಈ ಮೊಬೈಲಿನ ಬೆಲೆಯ ಕುರಿತೂ ಮಾಹಿತಿ ತಿಳಿದುಬಂದಿಲ್ಲ. ಆದರೆ ಇನ್ನಿತರ ಫ್ಲೈ ಮೊಬೈಲ್ ಗಳಂತೆ ಈ ಮೊಬೈಲ್ ಕೂಡ ಕಡಿಮೆ ಬೆಲೆಗೆ ಲಭ್ಯವಾಗಲಿದೆ ಎಂದು ಕಂಪನಿ ತಿಳಿಸಿದೆ.