ಜಿಯೋನಿ CTRL V5 ನಲ್ಲೂ ಇನ್ನು ಕಿಟ್‌ಕ್ಯಾಟ್

ಆಂಡ್ರಾಯ್ಡ್ ಕಿಟ್‌ಕ್ಯಾಟ್ ಬಹಳಷ್ಟು ಪ್ರಸಿದ್ಧಿಯನ್ನು ಪಡೆದಿರುವ ಮತ್ತು ಪಡೆಯುತ್ತಿರುವ ಓಎಸ್ ಆಗಿದ್ದು ಈಗ ಬರುತ್ತಿರುವ ಹೆಚ್ಚಿನ ಎಲ್ಲಾ ಸ್ಮಾರ್ಟ್‌ಫೋನ್‌ಗಳು ಈ ಆಪರೇಟಿಂಗ್ ಸಿಸ್ಟಮ್ ಅನ್ನು ಪಡೆದುಕೊಂಡು ಪೋನ್ ಮಾರುಕಟ್ಟೆಯಲ್ಲಿ ಭರ್ಜರಿ ಪೈಪೋಟಿಯನ್ನೇ ನೀಡುತ್ತಿವೆ.

ವರದಿಗಳ ಪ್ರಕಾರ, ಆಂಡ್ರಾಯ್ಡ್ ಕಿಟ್‌ಕ್ಯಾಟ್ ಆವೃತ್ತಿ 4.4.2 ಇಲೈಫ್ S5.5 ಫೋನ್‌ನಲ್ಲೂ ಲಭ್ಯವಾಗುತ್ತಿದ್ದು ಕಂಪೆನಿಯು ತನ್ನ ಜಿಯೋನಿ CTRL V5 ಗೂ ಈ ಹೊಸ ಆವೃತ್ತಿಯನ್ನು ನವೀಕರಿಸುತ್ತಿದೆ ಎಂದು ಹೇಳಿದೆ.

CTRL V5 ಚೈನಾ ಕಂಪೆನಿ ಲಾಂಚ್ ಮಾಡಿರುವ ಸ್ನಾರ್ಟ್‌ಫೋನ್ ಮಾತ್ರ ಆಗಿರದೇ ಆಂಡ್ರಾಯ್ಡ್‌ನ ಹೊಸ ಕಿಟ್‌ಕ್ಯಾಟ್ ಆವೃತ್ತಿ 4.4.2 ಅನ್ನು ಸ್ವೀಕರಿಸುತ್ತಿದೆ. ಇನ್ನು ಮುಂಬರುವ ದಿನಗಳಲ್ಲಿ ಪಯೋನಿಯರ್ ಪಿ4 ಕೂಡ ಈ ನವೀಕರಣವನ್ನು ಪಡೆದುಕೊಳ್ಳಲಿದೆ ಎಂದು ಕಂಪೆನಿ ತಿಳಿಸಿದೆ.

ಜಿಯೋನಿ CTRL V5, ನಿಮಗೆ ಗೊತ್ತಿರುವಂತೆ, 4.7 ಇಂಚಿನ ಟಚ್ ಸ್ಕ್ರೀನ್ ಅನ್ನು ಹೊಂದಿದ್ದು ಇದರ ಡಿಸ್‌ಪ್ಲೇ qHD ರೆಸಲ್ಯೂಶನ್ 960×540 ಅನ್ನು ಒಳಗೊಂಡಿದೆ. ಈ ಸ್ಮಾರ್ಟ್‌ಫೋನ್ 1.3 GHz ಕ್ವಾಡ್ ಕೋರ್ MediaTek MT6582 ಪ್ರೊಸೆಸರ್‌ನೊಂದಿಗೆ ಬಂದಿದ್ದು ಇದರ RAM ಸಾಮರ್ಥ್ಯ 1 ಜಿಬಿಯಾಗಿದೆ.

ಡಿವೈಸ್ 8 ಮೆಗಾಪಿಕ್ಸೆಲ್ ಆಟೋ ಫೋಕಸ್ ರಿಯರ್ ಕ್ಯಾಮೆರಾವನ್ನು ಹೊಂದಿದ್ದು ಇದರಲ್ಲಿ LED ಫ್ಲ್ಯಾಶ್ ಇದೆ ಮತ್ತು ಮುಂಭಾಗ ಕ್ಯಾಮೆರಾ ಸಾಮರ್ಥ್ಯ 2 ಮೆಗಾಪಿಕ್ಸೆಲ್ ಆಗಿದೆ. ಇದರ ಆಂತರಿಕ ಸಂಗ್ರಹಣಾ ಸಾಮರ್ಥ್ಯ 8ಜಿಬಿಯಾಗಿದ್ದು ಇದನ್ನು ಎಸ್‌ಡಿ ಕಾರ್ಡ್ ಮೂಲಕ 32ಜಿಬಿಗೆ ವಿಸ್ತರಿಸಬಹುದಾಗಿದೆ.

ಜಿಯೋನಿ CTRL V5 ನೆಯ ದಪ್ಪ 8.07 mm ಆಗಿದ್ದು ತೂಕ 103.5 ಆಗಿದೆ. ಇದರ ಬ್ಯಾಟರಿ ಸಾಮರ್ಥ್ಯ 1800 mAh ಆಗಿದೆ.