ಏಳು ಬಣ್ಣಗಳಲ್ಲಿ ಬರಲಿದೆ ಗೂಗಲ್ 'ಪಿಕ್ಸೆಲ್ 4'!..ಭಯದಲ್ಲಿ ಒನ್‌ಪ್ಲಸ್!

ಇದೇ ಅಕ್ಟೋಬರ್ 15 ರಂದು ಗೂಗಲ್ ಪಿಕ್ಸೆಲ್ 4 ಬಿಡುಗಡೆಗೆಯಾಗುತ್ತಿರುವುದು ನಿಮಗೆಲ್ಲಾ ತಿಳಿದಿರಬಹುದು. ಆದರೆ, ಇದೀಗ ಪಿಕ್ಸೆಲ್ 4 ಬಿಡುಗಡೆಗೂ ಮುನ್ನವೇ ಅದರ ವಿಭಿನ್ನ ಬಣ್ಣ ಆಯ್ಕೆಗಳು ಬಹಿರಂಗಗೊಂಡಿವೆ. ಈ ಹಿಂದೆ ಗೂಗಲ್ ಪಿಕ್ಸೆಲ್ 4 ಅನೇಕ ಬಾರಿ ಸೋರಿಕೆಯಾಗಿದ್ದು, ಸ್ಮಾರ್ಟ್‌ಫೋನ್ ಹೇಗೆ ಕಾಣುತ್ತದೆ ಎಂದು ನಮಗೆ ಈಗಾಗಲೇ ತಿಳಿದಿದೆ. ಇದರ ಜೊತೆಗೆ ಹೊಸ ಮಾಹಿತಿಯು ಬಹಿರಂಗಪಡಿಸಿರುವಂತೆ ಗೂಗಲ್ ಪಿಕ್ಸೆಲ್ 4 ಸ್ಮಾರ್ಟ್‌ಫೋನ್ ಏಳಕ್ಕೂ ಹೆಚ್ಚು ಬಣ್ಣಗಳಲ್ಲಿ ಮಾರುಕಟ್ಟೆಗೆ ಕಾಲಿಡಲಿದೆ ಎಂದು ಹೇಳಲಾಗಿದೆ.

ಹೌದು, 'ಬಾಗಶಃ ಪಿಂಕ್', 'ಸ್ಕೈ ಬ್ಲೂ', 'ನಿಜವಾದ ಹಳದಿ', 'ಸ್ವಲ್ಪ ಹಸಿರು', 'ಸ್ಪಷ್ಟ ಬಿಳಿ', 'ಜಸ್ಟ್ ಬ್ಲ್ಯಾಕ್' ಮತ್ತು 'ಓ ಸೋ ಆರೆಂಜ್' ಎಂಬ ಏಳು ಬಣ್ಣಗಳಲ್ಲಿ ಗೂಗಲ್ ಪಿಕ್ಸೆಲ್ 4 ಸ್ಮಾರ್ಟ್‌ಫೋನ್ ಮಾರುಕಟ್ಟೆಗೆ ಬರುತ್ತಿದೆ ಎಂದು ಹಲವು ವರದಿಗಳು ತಿಳಿಸಿದೆ. ಈ ಮೊದಲಿನ ಪಿಕ್ಸೆಲ್ ಸರಣಿ ಫೋನ್ ಪಿಕ್ಸೆಲ್ 3 ಕೇವಲ ಮೂರು ಬಣ್ಣ ಆಯ್ಕೆಗಳಲ್ಲಿ ಮಾತ್ರ ಬಂದಿತ್ತು. ಆದರೆ, ಇದೀಗ ಗೂಗಲ್ ತನ್ನ ಪಿಕ್ಸೆಲ್ 4 ಫೋನಿನಲ್ಲಿ ಹೆಚ್ಚಿನ ಬಣ್ಣ ಆಯ್ಕೆಗಳನ್ನು ನೀಡುತ್ತಿದೆ. ಈ ಮೂಲಕ ಹೆಚ್ಚು ಗ್ರಾಹಕರನ್ನು ಸೆಳೆಯಲು ಗೂಗಲ್ ಮುಂದಾಗಿದೆ ಎಂದು ತಿಳಿದುಬಂದಿದೆ.

ಜನಪ್ರಿಯ ಟಿಪ್‌ಸ್ಟರ್ ಇವಾನ್ ಬ್ಲಾಸ್ ಗೂಗಲ್ ಪಿಕ್ಸೆಲ್ 4 ಎಕ್ಸ್‌ಎಲ್‌ನ ರೆಂಡರ್‌ಗಳನ್ನು ಸ್ಪಷ್ಟವಾಗಿ ವೈಟ್ ಮತ್ತು ಓಹ್ ಸೋ ಆರೆಂಜ್ ನಲ್ಲಿ ಸೋರಿಕೆ ಮಾಡಿದ್ದರು. ಪಿಕ್ಸೆಲ್ 2 ಮತ್ತು ಪಿಕ್ಸೆಲ್ 3 ಸಾಧನಗಳು 'ಸ್ಪಷ್ಟವಾಗಿ ಬಿಳಿ' ಮತ್ತು 'ಜಸ್ಟ್ ಬ್ಲ್ಯಾಕ್' ಬಣ್ಣ ಆವೃತ್ತಿಗಳನ್ನು ಹೊಂದಿದ್ದು, ಇವುಗಳನ್ನು ನಾವು ಪಿಕ್ಸೆಲ್ 4 ಮತ್ತು ಪಿಕ್ಸೆಲ್ 4 ಎಕ್ಸ್‌ಎಲ್ ಎರಡರಲ್ಲೂ ನಿರೀಕ್ಷಿಸಬಹುದು. ಇನ್ನುಳಿದ ಬಣ್ಣಗಳ ಸೋರಿಕೆಯು ಆಲಿಕ್ಸಾರ್ ಮೂಲಕ ಆಗಿದೆ. ಯುಕೆ ಸ್ಟೋರ್ ಮೊಬೈಲ್ ಫನ್ ಮಾಹಿತಿಯ ಆಧಾರದ ಮೇಲೆ ಏಳು ವಿಭಿನ್ನ ಬಣ್ಣ ರೂಪಾಂತರಗಳನ್ನು ವರದಿ ಮಾಡಿದೆ.

ಈಗಾಗಲೇ ಹಲವು ವದಂತಿಗಳು ಬಹಿರಂಗಪಡಿಸಿರುವಂತೆ, ಪಿಕ್ಸೆಲ್ 4 ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 855 SoC ಮತ್ತು ​ 5.7 ಇಂಚಿನ HD ಒಎಲ್​ಇಡಿ ಡಿಸ್​ಪ್ಲೇ 90Hz ಪ್ರದರ್ಶನವನ್ನು ಹೊಂದಿರಲಿದೆ ಎಂದು ಹೇಳಲಾಗಿದೆ. ಇನ್ನು 6ಜಿಬಿ RAM​ ಸಾಮರ್ಥ್ಯ ಹೊಂದಿದ್ದು, 64GB ಮತ್ತು 128GB ಸ್ಟೋರೇಜ್​ ಆಯ್ಕೆಯಲ್ಲಿ ಇರಲಿದೆ. ಸ್ಮಾರ್ಟ್​ಫೋನ್​ ಹಿಂಭಾಗದಲ್ಲಿ 12 ಮೆಗಾಫಿಕ್ಸೆಲ್​ ಸೆನ್ಸಾರ್​ ಹೊಂಡಿರುವ ಡ್ಯುಯೆಲ್ ಪಿಕ್ಸೆಲ್​​ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಜೊತೆಗೆ ಸೆಲ್ಫಿಗಾಗಿ 16 ಮೆಗಾಫಿಕ್ಸೆಲ್​ ಟೆಲಿಫೋಟೋ ಲೆನ್ಸ್​ ಕ್ಯಾಮೆರಾ ಇರಲಿದೆ ಎಂದು ಹೇಳಲಾಗಿದೆ.

ಪಿಕ್ಸೆಲ್​ 4 ಸ್ಮಾರ್ಟ್​ಫೋನಿನ ಬಗೆಗೆ ಸೋರಿಕೆಯಾದ ಬೆಲೆಯ ಮಾಹಿತಿ ಪ್ರಕಾರ 64GB ವೇರಿಯಂಟ್​ ಬೆಲೆಯ ಫೋನಿನ ಬೆಲೆ 56,000 ರೂ.ಗಳಿಂದ ಆರಂಭವಾಗಲಿದೆ ಎನ್ನಲಾಗಿದೆ. 128GB ವೇರಿಯಂಟ್​ ಸ್ಮಾಟ್​ಪೋನ್​ ಬೆಲೆ 64,000 ರೂ. ಇರಬಹುದು ಎಂದು ಅಂದಾಜಿಸಲಾಗಿದೆ. ಇನ್ನುಳಿದಂತೆ ಸ್ಮಾರ್ಟ್​ಪೋನ್​ನಲ್ಲಿ 2,800mAh​ ಬ್ಯಾಟರಿ ಶಕ್ತಿ , ಸ್ಟಿತಿಯೋ ಸ್ಪೀಕರ್ಸ್​, ಮೋಷನ್​ ಸೆನ್ಸ್​, ಇತ್ತೀಚಿನ ಫೇಸ್​ ಅನ್​ಲಾಕ್​ ಫೀಚರ್​, ಡಿಸ್​ಪ್ಲೇ ಫಿಂಗರ್​ ಪ್ರಿಂಟ್ ಸ್ಕ್ಯಾನರ್​​ ಅಳವಡಿಸಲಾಗಿದೆ ಎಂಬ ವದಂತಿಗಳು ಹರಿದಾಡುತ್ತಿರುವುದನ್ನು ನಾವು ನೋಡಬಹುದು.