ಬಜೆಟ್ ಬೆಲೆಯಲ್ಲಿ ದೊಡ್ಡ ಸ್ಕ್ರೀನ್ ಫೋನ್: ಲಾವಾ X50

ಅತ್ಯದ್ಭುತ ಹ್ಯಾಂಡ್‌ಸೆಟ್

ಈ ಹ್ಯಾಂಡ್‌ಸೆಟ್ ಅತ್ಯದ್ಭುತವಾಗಿದೆ. ಇನ್‌ಬಿಲ್ಟ್ ಶ್ರಿಂಕ್ ಸ್ಕ್ರೀನ್ ಆಕರ್ಷಕ ವಿನ್ಯಾಸದೊಂದಿಗೆ ಬಂದಿದೆ. ಇದು ಬಳಕೆದಾರರಿಗೆ ಒಂದೇ ಕೈನಲ್ಲಿ ಫೋನ್ ಅನ್ನು ಬಳಸಲು ಅನುವು ಮಾಡಿಕೊಡುತ್ತಿದೆ. ಬೆಲೆ ರೂ 8,699 ಆಗಿದ್ದು, ಲಾವಾ X50 ಅದ್ಭುತ ವಿನ್ಯಾಸ ಮತ್ತು ಕೈಗೆಟಕುವ ಬೆಲೆಯಲ್ಲಿ ಬಂದಿದೆ.

ಭರ್ಜರಿ ಪೈಪೋಟಿ

ಮೈಕ್ರೋಮ್ಯಾಕ್ಸ್, ಜಿಯೋನಿ, ಶ್ಯೋಮಿ ಮತ್ತು ಇಂಟೆಕ್ಸ್ ಸ್ಮಾರ್ಟ್‌ಫೋನ್‌ಗಳಿಗೆ ಭರ್ಜರಿ ಪೈಪೋಟಿಯನ್ನು ನೀಡುತ್ತಿರುವ ಈ ಸ್ಮಾರ್ಟ್‌ಫೋನ್ ಬಜೆಟ್ ಬೆಲೆಯಲ್ಲೇ ಬಳಕೆದಾರರಿಗೆ ಬಂಪರ್ ಆಫರ್ ಅನ್ನೇ ನೀಡುತ್ತಿದೆ.

ದೊಡ್ಡ ಸ್ಕ್ರೀನ್ ಫೋನ್

5.5 ಇಂಚಿನ ಸ್ಮಾರ್ಟ್‌ಫೋನ್ ಇದಾಗಿದ್ದು, ಮಾರುಕಟ್ಟೆಯಲ್ಲಿರುವ ದೊಡ್ಡ ಸ್ಕ್ರೀನ್ ಫೋನ್ ಆಗಿ ಲಾವಾ X50 ಹೊರಹೊಮ್ಮಿದೆ.

ಶ್ರಿಂಕ್ ಸ್ಕ್ರೀನ್ ಫೀಚರ್

ಒನ್ ಹ್ಯಾಂಡ್ ಆಪ್ಶನ್ ಲಾವಾದ ವಿಶೇಷತೆ ಎಂದೆನಿಸಿದ್ದು, ಒಂದೇ ಕೈಯಲ್ಲೇ ಫೋನ್ ಅನ್ನು ಹಿಡಿದುಕೊಂಡು ನಿಮಗೆ ಸಾಕಷ್ಟು ಕೆಲಸಗಳನ್ನು ನಿರ್ವಹಿಸಬಹುದಾಗಿದೆ. ಹೋಮ್ ಬಟನ್ ಅನ್ನು ಸರಳವಾಗಿ ಎರಡು ಬಾರಿ ಸ್ಪರ್ಶಿಸಿ ಇದರಿಂದ ಫೋನ್ ಶ್ರಿಂಕ್ ಆಗುತ್ತದೆ ಮತ್ತು ಇದರ ಮೂಲ ಗಾತ್ರಕ್ಕೆ ತರಲು ಮೊದಲಿನಂತೆ ಮಾಡಿ.

ಆಕರ್ಷಕ ಕಾರ್ಯಕ್ಷಮತೆ

ಲಾವಾ X50 ಸ್ಮಾರ್ಟ್‌ಫೋನ್, 2 ಜಿಬಿ RAM ನೊಂದಿಗೆ ಬಂದಿದ್ದು ಇದು 2,800mAh ಬ್ಯಾಟರಿಯನ್ನು ಒಳಗೊಂಡಿದೆ. ಬಹು ಕಾರ್ಯಗಳನ್ನು ಈ ಡಿವೈಸ್‌ನಲ್ಲಿ ನಿಮಗೆ ನಿರ್ವಹಿಸಬಹುದಾಗಿದ್ದು ನಿಮಗೆ ಅಡೆತಡೆಯಿಲ್ಲದೆ ಬ್ರೌಸಿಂಗ್ ಅನುಭವವನ್ನು ನೀಡಲಿದೆ. 4ಜಿಯೊಂದಿಗೆ, ಡ್ಯುಯಲ್ ಸಿಮ್‌ಗೂ ಇದು ಬೆಂಬಲವನ್ನು ನೀಡುತ್ತಿದೆ.

ಉತ್ತಮ ಕ್ಯಾಮೆರಾ

ಲಾವಾ X50 ಯು 8 ಎಮ್‌ಪಿ ರಿಯರ್ ಕ್ಯಾಮೆರಾವನ್ನು ಹೊಂದಿದ್ದು 5 ಎಮ್‌ಪಿ ಮುಂಭಾಗ ಕ್ಯಾಮೆರಾವನ್ನು ಪಡೆದುಕೊಂಡಿದೆ. ಎಲ್ಇಡಿ ಫ್ಲ್ಯಾಶ್‌ಲೈಟ್‌ಗಳನ್ನು ಇದು ಒಳಗೊಂಡಿದೆ. ಇಷ್ಟಲ್ಲದೆ ಕ್ಯಾಮೆರಾ ಸ್ಲೊ ಮೊ ಮತ್ತು ಟೈಮ್ ಲ್ಯಾಪ್ಸ್ ವೀಡಿಯೊ ಮೋಡ್‌ಗಳಿಗೂ ಬೆಂಬಲವನ್ನು ನೀಡುತ್ತಿದ್ದು ನಿಮ್ಮದೇ ವಿಧದಲ್ಲಿ ಆನಂದದ ಕ್ಷಣಗಳನ್ನು ಇದರಲ್ಲಿ ಸೆರೆಹಿಡಿಯಬಹುದಾಗಿದೆ.

ಸ್ಮಾರ್ಟ್ ಗೆಸ್ಚರ್ಸ್

ಆಂಡ್ರಾಯ್ಡ್ 6.0 ಮಾರ್ಶ್ ಮಲ್ಲೊವನ್ನು ಫೋನ್ ಒಳಗೊಂಡಿದ್ದು, ಬಹು ಅಪ್ಲಿಕೇಶನ್‌ಗಳನ್ನು ತೆರೆಯಲು ಸ್ಮಾರ್ಟ್ ಗೆಸ್ಚರ್ಸ್‌ಗಳನ್ನು ಬಳಸುವಂತಹ ಸೌಲಭ್ಯವನ್ನು ಇದು ಬಳಕೆದಾರರಿಗೆ ಒದಗಿಸಿದೆ. ಸ್ಕ್ರೀನ್ ಶಾಟ್‌ಗಳನ್ನು ತೆಗೆಯಲು ಮೂರು ಫಿಂಗರ್ ಸ್ವೈಪ್ ಆಪ್ಶನ್ ಇದ್ದು 'ಫ್ಲಿಪ್ ಟು ಮ್ಯೂಟ್' ಆಪ್ಶನ್ ಸೈಲೆಂಟ್ ಕಾಲ್, ಅಲರಾಮ್ಸ್ ಮತ್ತು ಇನ್ನಷ್ಟನ್ನು ನಿರ್ವಹಿಸಲು ನೆರವನ್ನು ನೀಡಲಿದೆ. ಎರಡು ತಿಂಗಳಿಗಾಗಿ ಡಬಲ್ ಡೇಟಾ ಆಫರ್‌ನೊಂದಿಗೆ ಫೋನ್ ಬಂದಿದೆ.