Honor: ಶೀಘ್ರದಲ್ಲೆ ಭಾರತದ ಮಾರುಕಟ್ಟೆಗೆ ಲಗ್ಗೆ ಇಡಲಿದೆ ಹಾನರ್‌ ಮ್ಯಾಜಿಕ್ 6 ಸರಣಿ; ಫೀಚರ್ಸ್‌, ಬೆಲೆ..?

ಹಾನರ್‌ ಸ್ಮಾರ್ಟ್‌ಫೋನ್‌ಗಳು (Honor smartphone) ಸ್ಮಾರ್ಟ್‌ಫೋನ್‌ ವಲಯದಲ್ಲಿ ದೊಡ್ಡ ಅಲೆಯನ್ನೇ ಉಂಟು ಮಾಡುತ್ತಿವೆ. ಈ ನಡುವೆ ಸಂಸ್ಥೆಯು ಹಾನರ್‌ ಮ್ಯಾಜಿಕ್ 6 ಮತ್ತು ಹಾನರ್ ಮ್ಯಾಜಿಕ್ 6 ಪ್ರೊ ಸರಣಿಯ ಮೊಬೈಲ್‌ಗಳನ್ನು ಜನವರಿ ತಿಂಗಳಲ್ಲಿ ಚೀನಾದಲ್ಲಿ ಬಿಡುಗಡೆ ಮಾಡಿದೆ. ಇದೀಗ ಚೀನಾದ ಟೆಕ್ ಬ್ರ್ಯಾಂಡ್ ಹಾನರ್‌ನ ಈ ಪ್ರಮುಖ ಸರಣಿಯನ್ನು ಭಾರತದ ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಸಜ್ಜಾಗುತ್ತಿದೆ.

ಭಾರತದಲ್ಲಿ HTech ಮೂಲಕ ಹಾನರ್ ಫೋನ್‌ಗಳನ್ನು ಮಾರಾಟ ಮಾಡಲಾಗುತ್ತಿದೆ, ಇನ್ನೂ ಕೂಡ ಈ ನೂತನ ಮ್ಯಾಜಿಕ್ ಸರಣಿ ಭಾರತದಲ್ಲಿ ಬಿಡುಗಡೆ ಮಾಡುವ ಕುರಿತು ಯಾವುದೇ ಅಧಿಕೃತವಾಗಿ ಮಾಹಿತಿ ನೀಡಿಲ್ಲ. ಆದರೆ ಟಿಪ್‌ಸ್ಟರ್‌ಗಳು ಈ ಫೋನ್‌ಗಳ ಬಿಡುಗಡೆ ಕುರಿತು ಸಂಭಾವ್ಯ ದಿನಾಂಕ ತಿಳಿಸಿದ್ದಾರೆ.

ಹಾನರ್ ಮ್ಯಾಜಿಕ್ 6 (Honor Magic 6) ಮತ್ತು ಹಾನರ್ ಮ್ಯಾಜಿಕ್ 6 ಪ್ರೋ ಗಳು (Honor Magic 6 Pro) MagicOS 8.0 ಸ್ಕಿನ್‌ನಲ್ಲಿ ರನ್ ಆಗಲಿವೆ ಮತ್ತು ಸ್ನಾಪ್‌ಡ್ರಾಗನ್ 8 Gen SoC ನಿಂದ (Snapdragon 8 Gen 3 SoC) ನಡೆಯಲಿವೆ. ಅವುಗಳು LTPO OLED ಡಿಸ್‌ಪ್ಲೇ ಮತ್ತು ಟ್ರಿಪಲ್ ಬ್ಯಾಕ್ ಕ್ಯಾಮೆರಾಗಳನ್ನು ಹೊಂದಿವೆ.

ಹಾನರ್ ಮ್ಯಾಜಿಕ್ 6 ಸರಣಿ ಭಾರತದಲ್ಲಿ ಬಿಡುಗಡೆ:

ಟಿಪ್‌ಸ್ಟರ್ ಪರಾಸ್ ಗುಗ್ಲಾನಿ (@passionategeekz) ಅವರ ಟ್ವೀಟ್‌ನ ಪ್ರಕಾರ ಹಾನರ್ ಮ್ಯಾಜಿಕ್ 6 ಸರಣಿಯು ಶೀಘ್ರದಲ್ಲೇ ಭಾರತಕ್ಕೆ ಆಗಮಿಸಲಿದ್ದು, ಹಾನರ್ ಮ್ಯಾಜಿಕ್ 6 ಪ್ರೋ ಜುಲೈನಲ್ಲಿ ದೇಶದ ಮಾರುಕಟ್ಟೆಯಲ್ಲಿ ಲಭ್ಯವಿರಲಿದೆ ಎಂದು ಎಕ್ಸ್‌ ಮೂಲಕ ಮಾಹಿತಿ ನೀಡಿದ್ದಾರೆ.

ಹಾನರ್ ಮ್ಯಾಜಿಕ್ 6 ಸರಣಿಯು ಭಾರತದಲ್ಲಿ ಬಿಡುಗಡೆಯಾಗುವ ಕುರಿತು ಮಾರ್ಚ್‌ನಿಂದಲೇ ನಿರೀಕ್ಷೆಗಳಿದ್ದು, HTechನ ಸಿಇಒ ಮಾಧವ್ ಶೇತ್ ಅವರು ಎಕ್ಸ್‌ ಮೂಲಕ ಮೊಬೈಲ್‌ ಆಗಮನದ ಕುರಿತು ಹಿಂಟ್ ನೀಡಿದ್ದರು. ಅವರು ಹಾನರ್ ಮ್ಯಾಜಿಕ್ 6 ಅಲ್ಟಿಮೇಟ್ ಮತ್ತು ಪೋರ್ಷೆ ಡಿಸೈನ್ ಮ್ಯಾಜಿಕ್ 6 RSR ಎರಡರ ಚಿತ್ರಗಳನ್ನು ಪೋಸ್ಟ್ ಮಾಡುವ ಮೂಲಕ ದೇಶದಲ್ಲಿ ಅವುಗಳ ಬಿಡುಗಡೆ ಕುರಿತು ಸುಳಿವು ನೀಡಿದ್ದರು. ಅವರು ಇತ್ತೀಚೆಗೆ ಭಾರತಕ್ಕೆ ಹಾನರ್ ಮ್ಯಾಜಿಕ್ V2 ಫೋಲ್ಡಬಲ್ ಫೋನ್‌ ಆಗಮಿಸುವ ಕುರಿತು ಕೂಡ ಹಿಂಟ್ ನೀಡಿದ್ದಾರೆ.

ಹಾನರ್ ಮ್ಯಾಜಿಕ್ 6 ಸರಣಿಯ ಬೆಲೆ ಮತ್ತು ಫೀಚರ್ಸ್:

ಹಾನರ್ ಮ್ಯಾಜಿಕ್ 6 ಸರಣಿಯನ್ನು ಹಾನರ್ ಸಂಸ್ಥೆ ತನ್ನ ತಾಯ್ನಾಡಿನಲ್ಲಿ ಜನವರಿ ತಿಂಗಳಿನಲ್ಲಿ ಲಾಂಚ್ ಮಾಡಿದೆ. ಬಳಿಕ ಪೋರ್ಷೆ ಡಿಸೈನ್ ಮ್ಯಾಜಿಕ್ 6 RSR ಮತ್ತು ಮ್ಯಾಜಿಕ್ 6 ಅಲ್ಟಿಮೇಟ್ ರೂಪಾಂತರಗಳನ್ನು ಪರಿಚಯಿಸುವ ಮ್ಯಾಜಿಕ್ ಸೀರಿಸ್ ಅನ್ನು ವಿಸ್ತರಿಸಿತ್ತು.

ಹಾನರ್ ಮ್ಯಾಜಿಕ್‌ 6‍‍, 12GB + 256GB RAM ನ ಬೆಲೆ ಸುಮಾರು 50,000 ರೂ. ಮೂಲ ಬೆಲೆ, ಹಾನರ್ ಮ್ಯಾಜಿಕ್ 6 Pro 12GB + 256GB ಮಾದರಿಯ ಬೆಲೆ ಸುಮಾರು 65,000 ರೂ. ಮೂಲ ಬೆಲೆ ಹೊಂದಿದೆ ಎಂದು ಫೆಬ್ರವರಿಯಲ್ಲಿ MWC ನಲ್ಲಿ ಘೋಷಣೆ ಮಾಡಲಾಗಿದೆ.

ಹಾನರ್ ಮ್ಯಾಜಿಕ್ 6 ಸರಣಿಯು ಆಂಡ್ರಾಯ್ಡ್ 14 ಆಧಾರಿತ ಮ್ಯಾಜಿಕ್ OS 8.0 ಸ್ಕಿನ್‌ ಮೂಲಕ ಕಾರ್ಯನಿರ್ವಹಿಸುತ್ತದೆ ಮತ್ತುಕ್ವಾಲ್ಕಾಮ್ ( Qualcomm) ಇತ್ತೀಚಿನ ಸ್ನಾಪ್‌ಡ್ರಾಗನ್ 8 Gen 3 SoC ನಿಂದ ಸಂಚರಿಸಲಿದೆ. ಅವುಗಳು LTPO ಓಲ್‌ಡ್ (OLED) ಡಿಸ್‌ಪ್ಲೆ ಹೊಂದಿದ್ದು, ಟ್ರಿಪಲ್ ಬ್ಯಾಕ್ ಕ್ಯಾಮೆರಾ, ವೆನಿಲ್ಲಾ ಮಾದರಿಯು 6.78 ಇಂಚಿನ ಪರದೆಯನ್ನು ಹೊಂದಿದ್ದರೆ, ಪ್ರೊ ಆವೃತ್ತಿಯು 6.8 ಇಂಚಿನ ಡಿಸ್‌ಪ್ಲೇ ಹೊಂದಿದೆ. ಮೊದಲನೆಯದು 50-ಮೆಗಾ ಪಿಕ್ಸೆಲ್ ಮುಖ್ಯ ಕ್ಯಾಮೆರಾವನ್ನು ಹೊಂದಿದ್ದರೆ, ಎರಡನೆಯದು 180-ಮೆಗಾಪಿಕ್ಸೆಲ್ ಜೊತೆಗೆ ಪೆರಿಸ್ಕೋಪ್ ಸೆನ್ಸಾರ್‌ ಹೊಂದಿದೆ.

ಹಾನರ್ ಮ್ಯಾಜಿಕ್ 6 ಇದು 5,450mAh ಬ್ಯಾಟರಿ ಹೊಂದಿದ್ದು, ಪ್ರೊ ಮಾದರಿಯು 5,600mAh ಬ್ಯಾಟರಿ ಹೊಂದಿದೆ. ಈ ಮೊಬೈಲ್‌ಗಳು ಧೂಳು ಮತ್ತು ನೀರಿನಿಂದ ರಕ್ಷಣೆ ಪಡೆಯಲು IP68 ರೇಟಿಂಗ್ ತಂತ್ರಜ್ಞಾನವನ್ನು ಸಹ ಹೊಂದಿವೆ.