ಐಬಾಲ್‌ ಆಂಡಿ 4.3j vs ಮೈಕ್ರೋಮ್ಯಾಕ್ಸ್‌ ಎ100

ಭಾರತೀಯ ಗ್ರಾಹಕ ಮಾರುಕಟ್ಟೆಗೆ ದಿನನಿತ್ಯ ಒಂದಲ್ಲಾ ಒಂದು ನೂತನ ಉತ್ಪನ್ನಗಳು ಬಿಡುಗಡೆಯಾಗುತ್ತಲೇ ಇರುತ್ತವೆ. ಅದರಲ್ಲಿಯೂ ಬಜೆಟ್‌ ಸ್ನೇಹಿ ಸಾಧನಗಳಂತೂ ಒಂದರ ಹಿಂದೆ ಒಂದರಂತೆ ಬರುತ್ತಲೇ ಇವೆ. ಈ ಸಾಲಿಗೆ ಇತ್ತೀಚೆಗೆ ಸ್ಥಳೀಯ ಮೊಬೈಲ್‌ ತಯಾರಿಕಾ ಸಂಸ್ಥೆಗಳಾದ ಐಬಾಲ್‌ ಹಾಗೂ ಮೈಕ್ರೋಮ್ಯಾಕ್ಸ್‌ ತಮ್ಮ ನೂತನ ಸ್ಮಾರ್ಟ್‌ಫೋನ್‌ಗಳಾದ ಐಬಾಲ್‌ ಆಂಡಿ 4.3 ಜೆ ಹಾಗೂ ಮೈಕ್ರೋಮ್ಯಾಕ್ಸ್‌ ಕ್ಯಾನ್ವಾಸ್‌ ಎ100 ಫೋನ್‌ಗಳನ್ನು ಕೈಗೆಟಕುವ ದರದಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿವೆ.

ಅಂದಹಾಗೆ ನೀವು ಕೂಡ ಈ ನೂತನ ಬಜೆಟ್‌ ಸ್ಮಾರ್ಟ್‌ಫೋನ್‌ಗಳಲ್ಲಿ ಯಾವುದನ್ನಾದರು ಖರೀದಿಸ ಬೇಕೆಂದಿದ್ದಲ್ಲಿ ಅದಕ್ಕೂ ಮುನ್ನ ಇವೆರೆಡರ ನಡುವಿನ ಹೋಲಿಕೆಯನ್ನು ಒಮ್ಮೆ ಓದಿ ನೋಡಿ.

ಗಾತ್ರ ಹಾಗೂ ಸುತ್ತಳತೆ: ಆಂಡಿ 4.3j ನ ವಿವರಗಳು ಲಭ್ಯವಿಲ್ಲ, ಅಂದಹಾಗೆ ಮೈಕ್ರೋಮ್ಯಾಕ್ಸ್‌ ಕ್ಯಾನ್ವಾಸ್‌ A100 ಸ್ಮಾರ್ಟ್‌ಫೋನ್‌ 72.6 x 142.2 x 11.9 mm ಸುತ್ತಳತೆಯೊಂದಿಗೆ 168 ಗ್ರಾಂ ತೂಕವಿದೆ.

ದರ್ಶಕ: ಆಂಡಿ 4.3j ನಲ್ಲಿ 4.3 ಇಂಚಿನ ಮಲ್ಟಿಟಚ್‌ ಸ್ಕ್ರೀನ್‌ ದರ್ಶಕ ಸೇರಿದಂತೆ 560 x 480 ಪಿಕ್ಸೆಲ್ಸ್‌ ಹೊಂದಿದ್ದರೆ, ಮೈಕ್ರೋಮ್ಯಾಕ್ಸ್‌ ಕ್ಯಾನ್ವಾಸ್‌ A100 ಸ್ಮಾರ್ಟ್‌ಫೋನ್‌ 5 ಇಂಚಿನ ಟಚ್‌ಸ್ಕ್ರೀನ್‌ ಹಾಗೂ 480 x 800 ಪಿಕ್ಸೆಲ್‌ ರೆಸೆಲ್ಯೂಷನ್‌ ಹೊಂದಿದೆ.

ಪ್ರೊಸೆಸರ್‌: ಎರಡೂ ಸ್ಮಾರ್ಟ್‌ಫೋನ್‌ಗಳಲ್ಲಿ 1GHz ಪ್ರೊಸೆಸರ್‌ ಇದೆ.

ಆಪರೇಟಿಂಗ್‌ ಸಿಸ್ಟಂ: ಆಂಡಿ 4.3j ಆಂಡ್ರಾಯ್ಡ್‌ 2.3 ಜಿಂಜರ್‌ಬ್ರೆಡ್‌ OS ಹೊಂದಿದ್ದರೆ, ಮೈಕ್ರೋಮ್ಯಾಕ್ಸ್‌ ಕ್ಯಾನ್ವಾಸ್‌ A100 ನಲ್ಲಿ ಆಂಡ್ರಾಯ್ಡ್‌ 4.0 ICS ಆಪರೇಟಿಂಗ್‌ ಸಿಸ್ಟಂ ಇದೆ.

ಕ್ಯಾಮೆರಾ: ಆಂಡಿ 4.3j ನಲ್ಲಿ ಹಿಂಬದಿಯ 5MP ಕ್ಯಾಮೆರಾ ಹಾಗೂ ವಿಡಿಯೋ ಕರೆಗಾಗಿ 1.3MP ನ ಮುಂಬದಿಯ ಕ್ಯಾಮೆರಾ ಇದ್ದರೆ, ಮತ್ತೊಂದೆಡೆ ಮೈಕ್ರೋಮ್ಯಾಕ್ಸ್‌ ಕ್ಯಾನ್ವಾಸ್‌ A100 ನಲ್ಲಿ ಹಿಂಬದಿಯ 5MP ಕ್ಯಾಮೆರಾ, ಆಟೋ ಫೋಕಸ್‌, LED ಫ್ಲಾಷ್‌ ಹಾಗು ವಿಡಿಯೋ ಕರೆಗಾಗಿ 0.3MP ನ ಮುಂಬದಿಯ ಕ್ಯಾಮೆರಾ ಇದೆ.

ಸ್ಟೋರೇಜ್‌: ಎರಡೂ ಸ್ಮಾರ್ಟ್‌ಫೋನ್‌ ಗಳಲ್ಲಿ 2GB ಆಂತರಿಕ ಸ್ಟೋರೇಜ್‌, 512MB RAM ಹಾಗು ಮೈಕ್ರೋ SD ಕಾರ್ಡ್‌ ಮೂಲಕ 32GB ವರೆಗೆ ಮೆಮೊರಿ ವಿಸ್ತರಿಸ ಬಹುದಾಗಿದೆ.

ಕನೆಕ್ಟಿವಿಟಿ: ಈ ವಿಭಾಗದಲ್ಲಿಯೂ ಕೂಡ ಎರಡೂ ಸಾಧನಗಳಲ್ಲಿ 3G, ಮೈಕ್ರೋ USB 2.0, ಬ್ಲೂಟೂತ್‌ ಹಾಗೂ Wi-Fi ಫೀಚರ್ಸ್‌ಗಳಿವೆ.

ಬ್ಯಾಟರಿ: ಆಂಡಿ 4.3j ನಲ್ಲಿ 1,630 mAh ಹಾಗೂ 900 mAh ನ ಎರಡು ಬ್ಯಾಟರಿಗಳಿದ್ದು ಒಟ್ಟು 2,530 mAh ಸಾಮರ್ತ್ಯದಿಂದ ಕೂಡಿದ್ದು 9 ಗಂಟೆಗಳ ಟಾಕ್‌ ಟೈಮ್‌ ನೀಡಿದರೆ, ಮೈಕ್ರೋಮ್ಯಾಕ್ಸ್‌ ಕ್ಯಾನ್ವಾಸ್‌ A100 ನಲ್ಲಿ 2,000 mAh Li-ion ಬ್ಯಾಟರಿ ಇದ್ದು 5 ಗಂಡೆಗಳ ಟಾಕ್‌ ಟೈಮ್‌ ಹಾಗೂ 180 ಸ್ಟ್ಯಾಂಡ್‌ ಬೈ ನೀಡುತ್ತದೆ,.

ಬೆಲೆ: ಖರೀದಿಸುವುದಾದರೆ ಐಬಾಲ್‌ ಆಂಡಿ 4.3j ರೂ. 9,499 ದರದಲ್ಲಿ ಲಭ್ಯವಿದ್ದರೆ, ಮೈಕ್ರೋಮ್ಯಾಕ್ಸ್‌ ಕ್ಯಾನ್ವಾಸ್‌ A100 ರೂ. 9,999 ದರದಲ್ಲಿ ದೊರೆಯಲಿದೆ.

Read In English...