ಆಂಡ್ರಾಯ್ಡ್ ನ್ಯಾಗಾ ಇರುವ ಇನ್‌ಟೆಕ್ಸ್ ಆಕ್ವಾ ಕ್ರಿಸ್ಟಲ್ ಪ್ಲಸ್ ಬೆಸ್ಟ್ ಯಾಕೆ..?

ಇನ್‌ಟೆಕ್ಸ್ ಆಕ್ವಾ ಕ್ರಿಸ್ಟಲ್ ಪ್ಲಸ್ ವಿಶೇಷತೆ:

ಆಂಡ್ರಾಯ್ಡ್ ನ್ಯಾಗಾದಲ್ಲಿ ಕಾರ್ಯನಿರ್ವಹಿಸುವುದು ಈ ಫೋನಿನ ಪ್ರಮುಖ ವಿಶೇಷತೆ. ಕಡಿಮೆ ಬೆಲೆಯ ಸ್ಮಾರ್ಟ್‌ಫೋನಿನಲ್ಲಿ ಮೊದಲ ಬಾರಿಗೆ ಆಂಡ್ರಾಯ್ಡ್ ನ್ಯಾಗಾ ದೊರೆಯುತ್ತಿರುವುದು ಇನ್‌ಟೆಕ್ಸ್ ಆಕ್ವಾ ಕ್ರಿಸ್ಟಲ್ ಪ್ಲಸ್ ಮಾತ್ರವೇ, ಅಲ್ಲದೇ ಈ ಫೋನ್ ಕ್ರಿಸ್ಟಲ್ ಪ್ಲಸ್ ಲುಕ್ ಹೆಚ್ಚಿನ ಆರ್ಕಷಣಿಯವಾಗಿದೆ.

ಇನ್‌ಟೆಕ್ಸ್ ಆಕ್ವಾ ಕ್ರಿಸ್ಟಲ್ ಪ್ಲಸ್ ಫೋನಿನ ಪ್ರಮುಖ ಅಂಶಗಳು:

5 ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿರುವ ಇನ್‌ಟೆಕ್ಸ್ ಆಕ್ವಾ ಕ್ರಿಸ್ಟಲ್ ಪ್ಲಸ್ ಸ್ಮಾರ್ಟ್‌ಫೋನಿನಲ್ಲಿ 1.25GHz ವೇಗದ ಪ್ರೋಸೆಸರ್ ಅಳವಡಿಸಲಾಗಿದೆ. ಇದರೊಂದಿಗೆ 2GB RAM ಸಹ ಇದರಲ್ಲಿದೆ. ಅಲ್ಲದೇ 16 GB ಇಂಟರ್ನಲ್ ಮೆಮೊರಿಯನ್ನು ಹೊಂದಿದೆ. ಜೊತೆಗೆ ಮೆಮೊರಿ ಕಾರ್ಡ್ ಹಾಕಿಕೊಳ್ಳುವ ಮೂಲಕ 128 GB ವರೆಗೆ ಮೆಮೊರಿ ವಿಸ್ತರಿಸಿಕೊಳ್ಳುವ ಅವಕಾಶವನ್ನು ನೀಡಲಾಗಿದೆ.

ಕ್ಯಾಮೆರಾ ಹೇಗಿದೆ..?

ಇನ್‌ಟೆಕ್ಸ್ ಆಕ್ವಾ ಕ್ರಿಸ್ಟಲ್ ಪ್ಲಸ್ ಸ್ಮಾರ್ಟ್‌ಫೋನಿನ ಹಿಂಭಾಗದಲ್ಲಿ 13 MP ಕ್ಯಾಮೆರಾವನ್ನು ಅಳವಡಿಸಲಾಗಿದ್ದು, ಅಲ್ಲದೇ ಡ್ಯುಯಲ್ ಟೂನ್ LED ಫ್ಲಾಷ್ ಲೈಟ್ ಸಹ ಇದೆ. ಹಿಂಭಾಗದಲ್ಲಿ 5MP ಕ್ಯಾಮೆರಾವನ್ನು ನೀಡಲಾಗಿದೆ.

ಬ್ಯಾಟರಿ ಹಾಗೂ ಇತರೆ ಆಯ್ಕೆಗಳು:

ಇನ್‌ಟೆಕ್ಸ್ ಆಕ್ವಾ ಕ್ರಿಸ್ಟಲ್ ಪ್ಲಸ್ ಸ್ಮಾರ್ಟ್‌ಫೋನಿನಲ್ಲಿ 2100mAh ಬ್ಯಾಟರಿಯನ್ನು ಅಳವಡಿಸಲಾಗಿದೆ. 4G VoLTE ಸಪೋರ್ಟ್ ಮಾಡಲಿದೆ. Bluetooth, WLAN, GPS, 3.5mm ಆಡಿಯೋ ಜಾಕ್ ಇದೆ. USB Type-C ಪೋರ್ಟ್ ಸಹ ಕಾಣಬಹುದಾಗಿದೆ.