ಭಾರತದಲ್ಲಿ iPhone 16 ಮತ್ತು 16 Plus ಬೆಲೆ ಇಳಿಕೆ!..ಖರೀದಿಗೆ ಯೋಗ್ಯವೇ?

ಟೆಕ್ ದೈತ್ಯ ಆಪಲ್ ತನ್ನ ಹೊಸ iPhone 17 ಸರಣಿಯನ್ನು ಬಿಡುಗಡೆ ಮಾಡಿದೆ. ಈ ಬಿಡುಗಡೆಯೊಂದಿಗೆ, iPhone 16 ಮತ್ತು iPhone 16 Plus ಮಾದರಿಗಳ ಬೆಲೆಯನ್ನು ₹10,000 ರಷ್ಟು ಕಡಿತಗೊಳಿಸಲಾಗಿದೆ. ಈ ಬೆಲೆ ಇಳಿಕೆಯು ಆಪಲ್‌ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಈಗಾಗಲೇ ಲಭ್ಯವಿದೆ. ಇನ್ನು ಹಬ್ಬದ ಸೀಸನ್ ಮತ್ತು ಹೊಸ ಫೋನ್‌ಗಳ ಆಗಮನದ ಈ ಸಮಯದಲ್ಲಿ, ಈ ಹಳೆಯ ಮಾದರಿಗಳನ್ನು ಖರೀದಿಸುವುದು ಲಾಭದಾಯಕ ನಿರ್ಧಾರವೇ ಎಂಬ ಪ್ರಶ್ನೆ ಸಹ ಮೂಡಿದೆ. ಹಾಗಾದರೆ, ಪ್ರಸ್ತುತ iPhone 16 ಮತ್ತು 16 Plus ಪೋನ್‌ಗಳನ್ನು ಖರೀದಿಸುವುದು ಉತ್ತಮ ನಿರ್ಧಾರವೇ? ಬನ್ನಿ ನೋಡೋಣ.!

iPhone 16 ಮತ್ತು 16 Plus ಬೆಲೆ ಇಳಿಕೆ!
ಆಪಲ್‌ನ ಅಧಿಕೃತ ವೆಬ್‌ಸೈಟ್‌ನಲ್ಲಿ iPhone 16 ಈಗ ಕೇವಲ 128GB ಸ್ಟೋರೇಜ್ ಸಾಮರ್ಥ್ಯದಲ್ಲಿ ಮಾತ್ರ ಲಭ್ಯವಿದ್ದು, ಇದರ ಬೆಲೆ ₹79,900 ರಿಂದ ₹69,990 ಕ್ಕೆ ಇಳಿದಿದೆ. ಇನ್ನು iPhone 16 Plus, 128GB ಮತ್ತು 256GB ಎರಡು ಆಯ್ಕೆಗಳಲ್ಲಿ ಲಭ್ಯವಿದೆ. 128GB ಮಾದರಿಯ ಬೆಲೆ ₹89,900 ರಿಂದ ₹79,900 ಕ್ಕೆ ಮತ್ತು 256GB ಮಾದರಿಯ ಬೆಲೆ ₹99,900 ರಿಂದ ₹89,900 ಕ್ಕೆ ಇಳಿಕೆಯಾಗಿದೆ.

ಇದರ ಜೊತೆಗೆ, ಆಪಲ್ ಕಂಪನಿಯು iPhone 16 ರ 256GB ಮತ್ತು 512GB, ಮತ್ತು iPhone 16 Plus ನ 512GB ಮಾದರಿಗಳ ಉತ್ಪಾದನೆಯನ್ನು ನಿಲ್ಲಿಸಿದೆ. ಈ ಮಾದರಿಗಳು ಇನ್ನು ಮುಂದೆ ಅಧಿಕೃತವಾಗಿ ಲಭ್ಯವಿರುವುದಿಲ್ಲ, ಆದರೆ ಸ್ಟಾಕ್ ಇರುವವರೆಗೆ ಮೂರನೇ ಮಾರಾಟಗಾರರ ಮೂಲಕ ಗ್ರಾಹಕರು ಅವುಗಳನ್ನು ಖರೀದಿಸಬಹುದು. ಆದರೆ, ಅಧಿಕೃತ ಬೆಲೆ ಕಡಿತದ ಮಾಹಿತಿ ಲಭ್ಯವಾಗಿಲ್ಲ.

ಖರೀದಿಗೆ ಯೋಗ್ಯವೇ?
ಹೊಸ iPhone 17 ಮತ್ತು ಅದರ ಬೆಲೆಗಳನ್ನು ಪರಿಗಣಿಸಿದರೆ, iPhone 16 ಮತ್ತು 16 Plus ಮಾದರಿಗಳು ಹೆಚ್ಚು ಆಕರ್ಷಕವಾಗಿ ಕಾಣುತ್ತವೆ. ಹೊಸ iPhone 17 ತನ್ನ ಹೊಸ A19 ಚಿಪ್‌ಸೆಟ್ ಮತ್ತು ಪ್ರೊಮೋಷನ್ ಡಿಸ್‌ಪ್ಲೇಯಂತಹ ವೈಶಿಷ್ಟ್ಯಗಳೊಂದಿಗೆ ಬಂದಿದೆ. ಆದರೆ ಇದರ ಆರಂಭಿಕ ಬೆಲೆ ₹82,900 ಇದೆ, ಇದು ಅನೇಕ ಗ್ರಾಹಕರಿಗೆ ಬಜೆಟ್ ಹೊರತಾಗಿದೆ. ಹಾಗೆಯೇ, iPhone 16 Plus ಗೆ ಬದಲಾಗಿ ಬಿಡುಗಡೆಯಾದ ಹೊಸ iPhone Air ಸಹ ಒಂದು ಲಕ್ಷ ರೂಪಾಯಿಗಿಂತಲೂ ಹೆಚ್ಚು ಬೆಲೆ ಹೊಂದಿದೆ. ಈ ಬೆಲೆ ವ್ಯತ್ಯಾಸಗಳನ್ನು ಗಮನಿಸಿದಾಗ, iPhone 16 ಮತ್ತು 16 Plus ಮಾದರಿಗಳು ಉತ್ತಮ ಆಯ್ಕೆಗಳೆಂದು ಪರಿಗಣಿಸಬಹುದು.

ಈ ಹಳೆಯ ಮಾದರಿಗಳು ಬೆಲೆ ಕಡಿಮೆಯಾಗಿದ್ದರೂ ಸಹ, Super Retina XDR OLED ಡಿಸ್‌ಪ್ಲೇ, ಕ್ಯಾಮರಾ ಕಂಟ್ರೋಲ್ ಬಟನ್, ಮತ್ತು Apple Intelligence ವೈಶಿಷ್ಟ್ಯಗಳನ್ನು ಒಳಗೊಂಡಿವೆ. ಇವುಗಳು ಪ್ರೀಮಿಯಂ ಅನುಭವವನ್ನು ಕೈಗೆಟುಕುವ ಬೆಲೆಯಲ್ಲಿ ನೀಡುತ್ತವೆ. ಬಜೆಟ್ ಸ್ನೇಹಿ ಬೆಲೆಯಲ್ಲಿ iPhone ಖರೀದಿಸಲು ಬಯಸುವವರಿಗೆ, iPhone 16 ಮತ್ತು 16 Plus ಮಾದರಿಗಳು ಸೂಕ್ತ ಆಯ್ಕೆಗಳಾಗಿವೆ. ಇವು ಪ್ರೀಮಿಯಂ ಫೋನ್‌ನ ಬಹುತೇಕ ವೈಶಿಷ್ಟ್ಯಗಳನ್ನು ಹೊಂದಿದ್ದು, ಕಡಿಮೆ ಬೆಲೆಗೆ ಲಭ್ಯವಿರುವುದರಿಂದ, ಈ ಮಾದರಿಗಳನ್ನು ಖರೀದಿಸುವುದು ಖಂಡಿತವಾಗಿಯೂ ಒಂದು ಉತ್ತಮ ನಿರ್ಧಾರವಾಗಿದೆ.

ಗಮನಿಸಿ: ಹೊಸ ಬೆಲೆಗಳು ಈಗಾಗಲೇ ಜಾರಿಯಲ್ಲಿದ್ದರೂ, ಸೆಪ್ಟೆಂಬರ್ 23 ರಿಂದ ಆರಂಭವಾಗುವ 'ಬಿಗ್ ಬಿಲಿಯನ್ ಡೇಸ್' ಮತ್ತು 'ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್' ಮಾರಾಟದ ಸಮಯದಲ್ಲಿ ಈ ಫೋನ್‌ಗಳು ಇನ್ನಷ್ಟು ಕಡಿಮೆ ಬೆಲೆಗೆ ಸಿಗುವ ನಿರೀಕ್ಷೆಯಿದೆ. ಈ ಹೆಚ್ಚುವರಿ ರಿಯಾಯಿತಿಗಳು ಹಬ್ಬದ ಸೀಸನ್‌ನಲ್ಲಿ ಸ್ಮಾರ್ಟ್‌ಫೋನ್ ಖರೀದಿಸುವವರಿಗೆ ಮತ್ತಷ್ಟು ಪ್ರಯೋಜನಗಳನ್ನು ನೀಡುತ್ತವೆ. ಈ ಲೇಖನದ ಕುರಿತಂತೆ ನಿಮ್ಮ ಅನಿಸಿಕೆ ಏನು?. ಈ ಲೇಖನದಿಂದ ನಿಮಗೆ ಸಹಾಯವಾಗಿದೆಯೇ? ಎಂಬುದರ ಕುರಿತು ಈ ಕೆಳಗೆ ಕಾಮೆಂಟ್ ಮಾಡಿ ತಿಳಿಸಿ.