ಭಾರತದಲ್ಲಿ ಮಿಡ್‌-ರೇಂಜ್ ಫ್ಲಾಗ್‌ಶಿಪ್ iQOO 15R ಲಾಂಚ್: ಆಪಲ್, ಒನ್‌ಪ್ಲಸ್ ಕಥೆ?

ಭಾರತೀಯ ಯುವ ಜನತೆ ಬಹುದಿನಗಳಿಂದ ಎದುರುನೋಡುತ್ತಿದ್ದ ಮಿಡ್‌-ರೇಂಜ್ ಫ್ಲಾಗ್‌ಶಿಪ್ 'iQOO 15R' ಸ್ಮಾರ್ಟ್‌ಫೋನ್ ದೇಶದಲ್ಲಿಂದು (ಫೆ.24, ಮಂಗಳವಾರ) ಭರ್ಜರಿಯಾಗಿ ಬಿಡುಗಡೆಯಾಗಿದೆ. ಇತ್ತೀಚಿನ ಸ್ನಾಪ್‌ಡ್ರಾಗನ್ 8 Gen 5 ಚಿಪ್‌ನಿಂದ ಚಾಲಿತವಾಗಿರುವ ಈ ಸ್ಮಾರ್ಟ್‌ಫೋನ್ ನ್ 50-ಮೆಗಾಪಿಕ್ಸೆಲ್ ಸೋನಿ LYT-700V ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ಸೆಟಪ್, 7,600mAh ಬ್ಯಾಟರಿ ಹಾಗೂ ಸುಧಾರಿತ ಡಿಸ್‌ಪ್ಲೇ ವೈಶಿಷ್ಟ್ಯಗಳೊಂದಿಗೆ ಮಾರುಕಟ್ಟೆಗೆ ಎಂಟ್ರಿ ನೀಡಿದೆ. ಒಂದೇ ಮಾತಿನಲ್ಲಿ ಹೇಳವುದಾದರೆ, ಈ iQOO 15R ಸ್ಮಾರ್ಟ್‌ಫೋನ್ ಬಿಡುಗಡೆಗೊಂಡಿರುವುದು ಕೇವಲ ಮತ್ತೊಂದು ಮಿಡ್‌-ರೇಂಜ್ ಫ್ಲ್ಯಾಗ್‌ಶಿಪ್ ಲಾಂಚ್ ಅಲ್ಲ; ಬದಲಾಗಿ ಇದು ಕಡಿಮೆ ಬೆಲೆಯಲ್ಲಿ ಪವರ್ ಯೂಸರ್‌ಗಳು ಮತ್ತು ಟೆಕ್ ಪ್ರಿಯರಿಗೆ ತಕ್ಕಂತೆ ರೂಪುಗೊಂಡ ಸಾಧನವೆಂದು ಹೇಳಬಹುದು.! ಹಾಗಾದರೆ, ಹೊಸ iQOO 15R ಸ್ಮಾರ್ಟ್‌ಫೋನ್ ಹೇಗಿದೆ ಎಂಬುದನ್ನು ನೋಡೋಣ ಬನ್ನಿ.

iQOO 15R : ಭಾರತದಲ್ಲಿ ಬೆಲೆ ಮತ್ತು ಮಾರಾಟ ವಿವರಗಳು
ದೇಶದಲ್ಲಿ iQOO 15R ಪ್ರಾರಂಭಿಕ ಬೆಲೆ ₹44,999 ರೂ. ಆಗಿದೆ (8GB RAM + 256GB ಸ್ಟೋರೇಜ್). ಇದರ 12GB + 256GB ಮಾದರಿಯ ಬೆಲೆ ₹47,999 ಆದರೆ, ಹೈ-ಎಂಡ್ 12GB + 512GB ಆಯ್ಕೆಯು ₹52,999 ಕ್ಕೆ ಲಭ್ಯವಿದೆ. ಆದರೆ, ಆಯ್ದ ಬ್ಯಾಂಕ್ ಕಾರ್ಡ್‌ಗಳ ಮೇಲೆ ₹4,000 ವರೆಗೆ ತಕ್ಷಣದ ರಿಯಾಯಿತಿ ಒದಗಿಸುವುದಾಗಿ ಕಂಪೆನಿಯು ತಿಳಿಸಿದೆ ಮತ್ತು ಪ್ರಾರಂಭಿಕ ಗ್ರಾಹಕರಿಗೆ iQOO/Vivo TWS ಇಯರ್‌ಬಡ್ಸ್ ಆಫರ್ ಕೂಡ ಲಭ್ಯವಿದೆ. ಇನ್ನು ಈ ಫೋನ್ Dark Knight ಮತ್ತು Triumph Silver ಬಣ್ಣಗಳಲ್ಲಿ ದೊರೆಯಲಿದೆ.

ಲಭ್ಯತೆಯ ಕುರಿತು ನೋಡುವುದಾದರೆ, ಈ iQOO 15R ಫೋನ್ ಅನ್ನು ಅಮೆಜಾನ್ ಮತ್ತು iQOO ಇಂಡಿಯಾ ಸ್ಟೋರ್ ಮೂಲಕ ಮತ್ತು ವಿವೋ ಚಿಲ್ಲರೆ ಅಂಗಡಿಗಳ ಮೂಲಕ ಇಂದು ಮಧ್ಯಾಹ್ನ 1 ಗಂಟೆಗೆ IST ಯಿಂದ ಮುಂಗಡವಾಗಿ ಬುಕ್ ಮಾಡಬಹುದು. ಆರಂಭಿಕ ಖರೀದಿದಾರರು ಮಾರ್ಚ್ 2 ರಂದು ಬೆಳಿಗ್ಗೆ 10 ಗಂಟೆಗೆ ಫೋನ್ ಅನ್ನು ಪಡೆಯುತ್ತಾರೆ, ಆದರೆ ಸಾಮಾನ್ಯ ಮಾರಾಟವು ಮಾರ್ಚ್ 3 ರಂದು IST ಮಧ್ಯಾಹ್ನ 12 ಗಂಟೆಗೆ ಪ್ರಾರಂಭವಾಗುತ್ತದೆ. ಉಡಾವಣಾ ಕೊಡುಗೆಗಳ ಭಾಗವಾಗಿ, ಗ್ರಾಹಕರು HDFC ಮತ್ತು Axia ಬ್ಯಾಂಕ್ ಕ್ರೆಡಿಟ್, ಡೆಬಿಟ್ ಮತ್ತು EMI ವಹಿವಾಟುಗಳಲ್ಲಿ ರೂ. 4,000 ಮೌಲ್ಯದ ತ್ವರಿತ ರಿಯಾಯಿತಿಯನ್ನು ಪಡೆಯಬಹುದು. ಕಂಪನಿಯು iQOO 15R ಖರೀದಿಯ ಮೇಲೆ ರೂ. 1,899 ಮೌಲ್ಯದ iQOO/ Vivo TWS ಅನ್ನು ಸಹ ಬಂಡಲ್ ಮಾಡುತ್ತಿದೆ.

iQOO 15R :ಪ್ರಮುಖ ವೈಶಿಷ್ಟ್ಯಗಳು
ಹೊಸ iQOO 15R 6. 6.59 ಇಂಚಿನ 1.5K ರೆಸಲ್ಯೂಷನ್ AMOLED ಡಿಸ್‌ಪ್ಲೇ ಹೊಂದಿದೆ. 144Hz ವರೆಗೆ ರಿಫ್ರೆಶ್ ರೇಟ್ ಬೆಂಬಲಿಸುವುದರಿಂದ ಗೇಮಿಂಗ್ ಮತ್ತು ಸೋಶಿಯಲ್ ಮೀಡಿಯಾ ಸ್ಕ್ರೋಲಿಂಗ್ ವೇಳೆ ಅತ್ಯಂತ ಸ್ಮೂತ್ ಅನುಭವ ಸಿಗುತ್ತದೆ. ಗರಿಷ್ಠ 5,000 ನಿಟ್ಸ್ ಬ್ರೈಟ್‌ನೆಸ್ ಇರುವುದರಿಂದ ಬಿಸಿಲಿನಲ್ಲಿಯೂ ಪರದೆ ಸ್ಪಷ್ಟವಾಗಿ ಕಾಣುತ್ತದೆ. HDR10+ ಮತ್ತು 4,320Hz PWM ಡಿಮ್ಮಿಂಗ್ ತಂತ್ರಜ್ಞಾನ ಕಣ್ಣುಗಳ ಮೇಲೆ ಒತ್ತಡ ಕಡಿಮೆ ಮಾಡುತ್ತದೆ ಎಂದು ಕಂಪೆನಿ ತಿಳಿಸಿದೆ.

Snapdragon 8 Gen 5 ಚಿಪ್‌ಸೆಟ್‌ನ ಶಕ್ತಿ
iQOO 15R ನಲ್ಲಿ ಅತ್ಯಾಧುನಿಕ Snapdragon 8 Gen 5 ಪ್ರೊಸೆಸರ್ ಅಳವಡಿಸಲಾಗಿದೆ. ಅಡ್ರಿನೊ 826 GPU ನೊಂದಿಗೆ LPDDR5x RAM ಮತ್ತು UFS 4.1 ಸ್ಟೋರೇಜ್ ಸಂಯೋಜನೆಯಿಂದ ವೇಗವಾದ ಕಾರ್ಯಕ್ಷಮತೆ, ಕಡಿಮೆ ಲ್ಯಾಗ್ ಮತ್ತು ಉತ್ತಮ ಮಲ್ಟಿಟಾಸ್ಕಿಂಗ್ ಅನುಭವ ಸಿಗುತ್ತದೆ. ಗೇಮಿಂಗ್ ವೇಳೆ ಫ್ರೇಮ್ ಇಂಟರ್ಪೋಲೇಷನ್ ತಂತ್ರಜ್ಞಾನದಿಂದ 144Hz ರಿಫ್ರೆಶ್ ರೇಟ್ ಸಕ್ರಿಯಗೊಳ್ಳುತ್ತದೆ ಎಂದು ಕಂಪೆನಿಯು ಹೇಳಿದೆ.

50MP ಕ್ಯಾಮೆರಾ ಮತ್ತು ಫೋಟೋಗ್ರಫಿ ಸಾಮರ್ಥ್ಯ
ಫೋಟೋಗ್ರಫಿಗಾಗಿ iQOO 15R ನಲ್ಲಿ 50 ಮೆಗಾಪಿಕ್ಸೆಲ್ Sony LYT-700V ಪ್ರಾಥಮಿಕ ಸೆನ್ಸರ್ OIS ಬೆಂಬಲದೊಂದಿಗೆ ಲಭ್ಯವಿದೆ. ಜೊತೆಗೆ 8MP ಅಲ್ಟ್ರಾ ವೈಡ್ ಲೆನ್ಸ್ ನೀಡಲಾಗಿದೆ. ಸೆಲ್ಫಿ ಮತ್ತು ವೀಡಿಯೋ ಕಾಲ್‌ಗಳಿಗೆ 32MP ಮುಂಭಾಗದ ಕ್ಯಾಮೆರಾ ಹೊಂದಿದೆ. ದಿನನಿತ್ಯದ ಫೋಟೋ, 4K ವೀಡಿಯೋ ಚಿತ್ರೀಕರಣ ಮತ್ತು ಸೋಶಿಯಲ್ ಮೀಡಿಯಾ ಬಳಕೆಗಾಗಿ ಇದು ಸಮರ್ಪಕ ಆಯ್ಕೆಯಾಗಿದೆ ಎಂದು ಕಂಪೆನಿ ಹೇಳಿಕೊಂಡಿದೆ.

ಸಂಪರ್ಕ ಮತ್ತು ಸಾಫ್ಟ್‌ವೇರ್ ಬೆಂಬಲ
ಸಂಪರ್ಕ ಆಯ್ಕೆಗಳಲ್ಲಿ, iQOO 15R ನಲ್ಲಿ 5G, 4G LTE, Wi-Fi 7, ಬ್ಲೂಟೂತ್ 6, GPS ಮತ್ತು USB ಟೈಪ್-C ಪೋರ್ಟ್ ಇವೆ. ಧೂಳು ಮತ್ತು ನೀರಿನ ಪ್ರತಿರೋಧಕ್ಕೆ iQOO 15R IP68 + IP69 ರೇಟಿಂಗ್ ನೀಡಲಾಗಿದೆ. ಸಾಫ್ಟ್‌ವೇರ್ ವಿಭಾಗದಲ್ಲಿ ಈ ಫೋನ್ ಆಂಡ್ರಾಯ್ಡ್ 16 ಆಧಾರಿತ OriginOS 6 ಮೇಲೆ ಕಾರ್ಯನಿರ್ವಹಿಸುತ್ತದೆ. ಕಂಪನಿಯ ಭರವಸೆಯಂತೆ ನಾಲ್ಕು ವರ್ಷಗಳ Android ಅಪ್‌ಡೇಟ್ ಮತ್ತು ಆರು ವರ್ಷಗಳ ಸುರಕ್ಷತಾ ಅಪ್‌ಡೇಟ್‌ಗಳು ದೊರೆಯಲಿವೆ.

7,600mAh ಬ್ಯಾಟರಿ ಮತ್ತು 100W ಫಾಸ್ಟ್ ಚಾರ್ಜಿಂಗ್
ಬ್ಯಾಟರಿ ವಿಭಾಗವೇ iQOO 15R ಸ್ಮಾರ್ಟ್‌ಫೋನಿನ ಅತ್ಯುತ್ತಮ ಅಂಶ ಎಂದು ಹೇಳಬಹುದು. ಏಕೆಂದರೆ, iQOO 15R ನಲ್ಲಿ ದೊಡ್ಡ 7,600mAh ಲಿಥಿಯಂ-ಐಯಾನ್ ಬ್ಯಾಟರಿ ಅಳವಡಿಸಲಾಗಿದೆ. ಇದು 100W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಬೆಂಬಲವನ್ನು ಹೊಂದಿದೆ. ಬೈಪಾಸ್ ಚಾರ್ಜಿಂಗ್ ತಂತ್ರಜ್ಞಾನದಿಂದ ಗೇಮಿಂಗ್ ವೇಳೆ ಉಷ್ಣತೆ ನಿಯಂತ್ರಣಕ್ಕೆ ಸಹಾಯವಾಗುತ್ತದೆ. ಇನ್ನು ಈ ಫೋನ್ 157.61 x 74.42 x 7.90mm ಅಳತೆ ಮತ್ತು 202g (ಡಾರ್ಕ್ ನೈಟ್ ಮಾದರಿ) ತೂಕವನ್ನು ಹೊಂದಿದೆ.

ಒಟ್ಟಾರೆಯಾಗಿ, ಭಾರತದಲ್ಲಿ ಮಿಡ್‌-ಪ್ರೀಮಿಯಂ ಸ್ಮಾರ್ಟ್‌ಫೋನ್ ವಿಭಾಗ ದಿನದಿಂದ ದಿನಕ್ಕೆ ಸ್ಪರ್ಧಾತ್ಮಕವಾಗುತ್ತಿದೆ. ಹೆಚ್ಚಿನ ಕಾರ್ಯಕ್ಷಮತೆ, ಗೇಮಿಂಗ್ ಶಕ್ತಿ ಮತ್ತು ದೀರ್ಘಕಾಲ ಬ್ಯಾಟರಿ ಸಾಮರ್ಥ್ಯವನ್ನು ಒಂದೇ ಫೋನ್‌ನಲ್ಲಿ ಬಯಸುವ ಬಳಕೆದಾರರಿಗೆ ಇದೀಗ ಹೊಸ ಆಯ್ಕೆಯಾಗಿ iQOO 15R ಆಗಮನಿಸಿದೆ. ಗೇಮಿಂಗ್, ಮಲ್ಟಿಮೀಡಿಯಾ ಮತ್ತು ದಿನನಿತ್ಯದ ಭಾರೀ ಬಳಕೆಗೆ ಸಮತೋಲನದ ಪ್ಯಾಕೇಜ್ ಬೇಕಾದರೆ, iQOO 15R ನಿಮ್ಮ ಪರಿಗಣನೆಗೆ ಬರಬಹುದಾದ ಸ್ಮಾರ್ಟ್‌ಫೋನ್ ಆಗಿದೆ.