iQOO Z9s, Z9s Pro: ಬಿಡುಗಡೆಗೂ ಮುನ್ನವೇ.. ಫೀಚರ್ಸ್‌ ಬಹಿರಂಗ! ಬೆಲೆ ನೋಡಿ

ಐಕ್ಯೂ (iQOO) ಕಂಪನಿಯು ಮುಂದಿನ ವಾರ ಭಾರತದಲ್ಲಿ Z9s ಸರಣಿಯನ್ನು ಬಿಡುಗಡೆ ಮಾಡಲಿದೆ. ಕಂಪನಿಯು ಈ ಸರಣಿಯಲ್ಲಿ iQOO Z9s ಮತ್ತು iQOO Z9s ಪ್ರೊ ಎಂಬ ಎರಡು ಹೊಸ ಫೋನ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸಲಿದೆ. ಈ ಮುಂಬರುವ ಸ್ಮಾರ್ಟ್‌ಫೋನ್‌ಗಳ ವಿನ್ಯಾಸ, ಬಣ್ಣಗಳ ಆಯ್ಕೆ ಮತ್ತು ಪ್ರೊಸೆಸರ್‌ ಅನ್ನು ಕಂಪನಿಯು ಈಗಾಗಲೇ ಬಹಿರಂಗಪಡಿಸಿದೆ. ಇದೀಗ, ಕಂಪನಿಯು ಫೀಚರ್ಸ್‌ ಬಗೆಗಿನ ಮಹತ್ವದ ಅಪ್ಡೇಟ್‌ ಪ್ರಕಟಿಸಿದೆ. ಆ ವೈಶಿಷ್ಟ್ಯಗಳನ್ನು ತಿಳಿಯೋಣ ಬನ್ನಿ.

ಹೌದು, ಕಂಪನಿಯು ಇದೀಗ iQOO Z9s ಸರಣಿಯ ಡಿಸ್ಲ್ಪೇ, ಕ್ಯಾಮೆರಾ, ಬ್ಯಾಟರಿ, ಚಾರ್ಜಿಂಗ್ ಸಾಮರ್ಥ್ಯ ಮತ್ತು IP ರೇಟಿಂಗ್ ಸೇರಿದಂತೆ ಇನ್ನತಿರ ವೈಶಿಷ್ಟ್ಯಗಳನ್ನು ಸಹ ಬಹಿರಂಗಪಡಿಸಿದೆ. iQOO Z9s ಸರಣಿಯನ್ನು ಇದೇ ಆಗಸ್ಟ್ 21 ರಂದು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲಾಗುತ್ತಿದೆ. iQOO Z9s ಮತ್ತು iQOO Z9s Pro ಫೋನಿನ ವೈಶಿಷ್ಟ್ಯಗಳ ವಿವರಗಳನ್ನು ಬಿಡುಗಡೆಗೂ ಮುನ್ನವೇ ಅಂತಿಮಗೊಳಿಸಲಾಗಿದೆ.

ಐಕ್ಯೂ Z9s ಮತ್ತು ಐಕ್ಯೂ Z9s ಪ್ರೊ ಬೆಲೆ (ನಿರೀಕ್ಷಿತ)

ಐಕ್ಯೂ Z9s ಮತ್ತು ಐಕ್ಯೂ Z9s ಪ್ರೊ ಸ್ಮಾರ್ಟ್‌ಫೋನ್‌ಗಳು ಭಾರತದಲ್ಲಿ 20,000 ರೂ. ಮತ್ತು 25,000 ರೂ.ಗಳ ಬೆಲೆಯಲ್ಲಿ ಬಿಡುಗಡೆಯಾಗಬಹುದು ಎಂದು ನಿರೀಕ್ಷಿಸಲಾಗಿದೆ. ಕಂಪನಿಯಿಂದ ಇನ್ನೂ ಬೆಲೆಗಳ ಬಗ್ಗೆ ಯಾವುದೇ ಮಾಹಿತಿ ಇಲ್ಲ. ಆಗಸ್ಟ್ 21ಕ್ಕೆ ಎಲ್ಲವೂ ಗೊತ್ತಾಗಲಿದೆ.

ಐಕ್ಯೂ Z9s ಮತ್ತು ಐಕ್ಯೂ Z9s ಪ್ರೊ ಫೀಚರ್ಸ್‌

ಡಿಸ್ಪ್ಲೇ: ಕಂಪನಿಯು ಅಧಿಕೃತ ವೆಬ್‌ಸೈಟ್‌ ಮೈಕ್ರೋಸೈಟ್‌ನಲ್ಲಿ ವೈಶಿಷ್ಟ್ಯಗಳನ್ನು ದೃಢಪಡಿಸಿದೆ. ಅದರಂತೆ, ಐಕ್ಯೂ Z9s ಮತ್ತು ಐಕ್ಯೂ Z9s ಪ್ರೊ ಫೋನ್‌ಗಳು 120Hz ರಿಫ್ರೆಶ್ ದರದೊಂದಿಗೆ 3D ಬಾಗಿದ AMOLED ಡಿಸ್ಪ್ಲೇಯನ್ನು ಹೊಂದಿರುತ್ತದೆ. ಪ್ರೊ ಆವೃತ್ತಿಯು 4,500nits ಗರಿಷ್ಠ ಬ್ರೈಟ್‌ನೆಸ್ ಅನ್ನು ಬೆಂಬಲಿಸುತ್ತದೆ.

ಪ್ರೊಸೆಸರ್: ಐಕ್ಯೂ Z9s ಸ್ಮಾರ್ಟ್‌ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 7300 ಚಿಪ್‌ಸೆಟ್ ಅನ್ನು ಒಳಗೊಂಡಿರುತ್ತದೆ. ಮತ್ತು ಐಕ್ಯೂ Z9s ಪ್ರೊ ಮೊಬೈಲ್ ಅನ್ನು Qualcomm Snapdragon 7 Gen 3 ಚಿಪ್‌ಸೆಟ್‌ನೊಂದಿಗೆ ಪರಿಚಯಿಸಲಾಗುತ್ತದೆ.

ಸ್ಟೋರೇಜ್: ಐಕ್ಯೂ Z9s ಪ್ರೊ ಮಾದರಿಯು ದೊಡ್ಡ RAM ನೊಂದಿಗೆ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಲಿದೆ. 12GB RAM ಮತ್ತು 256GB ಇಂಟರ್ನಲ್ ಸ್ಟೋರೇಜ್‌ನೊಂದಿಗೆ ಈ ಸ್ಮಾರ್ಟ್‌ಫೋನ್ ಪ್ರಾರಂಭಿಸಬಹುದು.

ಕ್ಯಾಮೆರಾ: ಐಕ್ಯೂ Z9s ಸರಣಿಯು ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್‌ನೊಂದಿಗೆ ಬರುತ್ತದೆ. ಇದು ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಬೆಂಬಲದೊಂದಿಗೆ 50 ಮೆಗಾಪಿಕ್ಸೆಲ್ IMX882 ಪ್ರಾಥಮಿಕ ಕ್ಯಾಮೆರಾವನ್ನು ಒಳಗೊಂಡಿದೆ. ಪ್ರೊ ರೂಪಾಂತರವು 8MP ಅಲ್ಟ್ರಾವೈಡ್ ಕ್ಯಾಮೆರಾವನ್ನು ಸಹ ಹೊಂದಿದೆ.

ಇದರ ಮೂಲ ಆವೃತ್ತಿಯು 2 ಮೆಗಾಪಿಕ್ಸೆಲ್ ಆಳ ಸಂವೇದಕವನ್ನು ಹೊಂದಿರುತ್ತದೆ. ಆದರೆ, ಪ್ರೊ ರೂಪಾಂತರವು 8 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾವನ್ನು ಹೊಂದಿರುತ್ತದೆ. ಎರಡೂ ಹ್ಯಾಂಡ್‌ಸೆಟ್‌ಗಳಲ್ಲಿನ ಸಂವೇದಕಗಳು 4K OIS ಬೆಂಬಲಿತ ವಿಡಿಯೋ ರೆಕಾರ್ಡಿಂಗ್ ಜೊತೆಗೆ ಎಐ (AI) ಬೆಂಬಲಿತ ಫೀಚರ್ಸ್‌ಗಳಾದ ಎಐ ಫೋಟೋ ವರ್ಧನೆ ಮತ್ತು ಎಐ ಅಳಿಸುವಿಕೆ ಆಯ್ಕೆಗಳನ್ನು ಹೊಂದಿದೆ.

ಬ್ಯಾಟರಿ: ಐಕ್ಯೂನ ಈ ಎರಡೂ ಫೋನ್‌ಗಳು IP64 ರೇಟೆಡ್ ಬಿಲ್ಡ್‌ನೊಂದಿಗೆ ಬರುತ್ತವೆ. ಬ್ಯಾಟರಿಯ ಬಗ್ಗೆ ಹೇಳುವುದಾದರೆ, ಐಕ್ಯೂ Z9s ಮತ್ತು ಐಕ್ಯೂ Z9s ಪ್ರೊ ಎರಡೂ 5,500mAh ಬ್ಯಾಟರಿಯನ್ನು ಹೊಂದಿವೆ ಎಂದು ಖಚಿತಪಡಿಸಲಾಗಿದೆ. ಪ್ರೊ ಮಾದರಿಯು 80W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ ಎಂದು ದೃಢಪಡಿಸಲಾಗಿದೆ. ಆದರೆ, ಐಕ್ಯೂ Z9 ಗಳ ಚಾರ್ಜಿಂಗ್ ಸಾಮರ್ಥ್ಯವನ್ನು ಇನ್ನೂ ಸ್ಪಷ್ಟಪಡಿಸಿಲ್ಲ.

ಬಣ್ಣಗಳು: ಈ ಎರಡೂ ಸ್ಮಾರ್ಟ್‌ಫೋನ್‌ಗಳು 7.49 ಎಂಎಂ ದಪ್ಪವನ್ನು ಹೊಂದಿವೆ. ಐಕ್ಯೂ Z9s ಸ್ಮಾರ್ಟ್‌ಫೋನ್ ಭಾರತದಲ್ಲಿ ಎರಡು ಬಣ್ಣಗಳಲ್ಲಿ ಬಿಡುಗಡೆಯಾಗಲಿದೆ. ಟೈಟಾನಿಯಂ ಮ್ಯಾಟ್ ಮತ್ತು ಓನಿಕ್ಸ್ ಗ್ರೀನ್ ಕಲರ್‌ನಲ್ಲಿ ಖರೀದಿಗೆ ಲಭ್ಯವಿರಲಿದೆ. ಐಕ್ಯೂ Z9s ಪ್ರೊ ಸ್ಮಾರ್ಟ್‌ಫೋನ್ ಲಕ್ಸ್ ಮಾರ್ಬಲ್ ಮತ್ತು ಫ್ಲಾಂಬೋಯಂಟ್ ಆರೆಂಜ್ ಬಣ್ಣಗಳಲ್ಲಿ ಬಿಡುಗಡೆಯಾಗಲಿದೆ.