ಕೇವಲ 5,699 ರೂ.! ಭಾರತಕ್ಕೆ ಬಂದಿವೆ 2 ಹೊಸ itel ಫೋನ್‌

ಕೇವಲ 5,699 ರೂ.! ಭಾರತಕ್ಕೆ ಬಂದಿವೆ 2 ಹೊಸ itel ಫೋನ್‌. ಹೌದು, ಸ್ಮಾರ್ಟ್‌ಫೋನ್ ಪ್ರಿಯರಿಗೆ ಅಚ್ಚರಿಯ ಸುದ್ದಿ ಇದು. ಸದ್ದಿಲ್ಲದೇ ಭಾರತಕ್ಕೆ ಎರಡು ಹೊಸ ಅಗ್ಗದ ಫೋನ್ ಲಗ್ಗೆ ಇಟ್ಟಿವೆ. ಐಟೆಲ್ (itel) ಕಂಪನಿಯು ಭಾರತೀಯ ಮಾರುಕಟ್ಟೆಯಲ್ಲಿ ಎರಡು ಹೊಸ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಿದೆ. ಈ ಸ್ಮಾರ್ಟ್‌ಫೋನ್‌ಗಳು ಬಜೆಟ್ ಸ್ನೇಹಿ ಆಗಿವೆ. ಎರಡೂ ಫೋನ್‌ಗಳ ಡಿಸೈನ್‌ ಐಫೋನ್‌ನಂತೆಯೇ ಕಾಣುತ್ತದೆ. ಆದರೆ, ಈ ಫೋನ್‌ಗಳ ನಡುವೆ ಕೆಲವು ವ್ಯತ್ಯಾಸಗಳಿವೆ. ಈ ಫೋನ್‌ಗಳ ಬೆಲೆ ಮತ್ತು ಫೀಚರ್ಸ್‌ಗಳನ್ನು ತಿಳಿಯೋಣ ಬನ್ನಿ.

ಹೌದು, ಐಟೆಲ್ ತನ್ನ itel A50 ಸರಣಿಯನ್ನು ಭಾರತದಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಸರಣಿಯಲ್ಲಿ, ಕಂಪನಿಯು itel A50 ಮತ್ತು itel A50C ಎಂಬ ಹೆಸರಿನ ಎರಡು ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಿದೆ. ಎರಡೂ ಸ್ಮಾರ್ಟ್‌ಫೋನ್‌ಗಳು ಒಂದೇ ರೀತಿಯ ವೈಶಿಷ್ಟ್ಯಗಳೊಂದಿಗೆ ಬರುತ್ತವೆ. ಇದು 6.6 ಇಂಚಿನ HD+ ಡಿಸ್ಪ್ಲೇ ಹೊಂದಿದೆ. ಇವು, ಡ್ಯುಯಲ್ ಕ್ಯಾಮೆರಾ ಸೆಟಪ್, ಆಂಡ್ರಾಯ್ಡ್ ಗೋ ಸಾಫ್ಟ್‌ವೇರ್ ಮತ್ತು ಆಕ್ಟಾ ಕೋರ್ ಯುನಿಸಾಕ್ ಪ್ರೊಸೆಸರ್ ಅನ್ನು ಹೊಂದಿದೆ.

itel A50 ಮತ್ತು itel A50C ಬೆಲೆ ಎಷ್ಟು?

itel A50C ಫೋನ್ ಮೂರು ಬಣ್ಣ ಆಯ್ಕೆಗಳಲ್ಲಿ ಬರುತ್ತದೆ. ಸಫೈರ್ ಬ್ಲ್ಯಾಕ್, ಡಾನ್ ಬ್ಲೂ ಮತ್ತು ಮಿಸ್ಟಿ ಆಕ್ವಾ ಬಣ್ಣಗಳಲ್ಲಿ ಲಭ್ಯವಿದೆ. ಇದರ ಬೆಲೆ 5,699 ರೂ. ಇದೆ. ಇನ್ನೂ, itel A50 ನಾಲ್ಕು ಬಣ್ಣ ಆಯ್ಕೆಗಳಲ್ಲಿ ಬರುತ್ತದೆ. ಮಿಸ್ಟ್ ಬ್ಲಾಕ್, ಲೈಮ್ ಗ್ರೀನ್, ಸಯಾನ್ ಬ್ಲೂ ಮತ್ತು ಗೋಲ್ಡ್ ಬಣ್ಣಗಳಲ್ಲಿ ಲಭ್ಯವಿದೆ. ಕಂಪನಿಯು ಇದನ್ನು ಎರಡು ಸ್ಟೋರೇಜ್‌ ಆಯ್ಕೆಗಳಲ್ಲಿ ಬಿಡುಗಡೆ ಮಾಡಿದೆ.

itel A50 ಫೋನಿನ 3GB RAM + 64GB ಸ್ಟೋರೇಜ್ ವೇರಿಂಯಂಟ್ ಬೆಲೆ 6,099 ರೂ. ಇದೆ. 4GB RAM + 64GB ಸ್ಟೋರೇಜ್ ಮಾದರಿಯ ಬೆಲೆ 6,499 ರೂ. ಆಗಿದೆ. ನೀವು ಈ ಎರಡೂ ಫೋನ್‌ಗಳನ್ನು ಅಮೇಜಾನ್ (Amazon) ನಿಂದ ಖರೀದಿಸಬಹು. ಆದರೆ, ಕಂಪನಿಯು ಮೊದಲ ಮಾರಾಟದ ದಿನಾಂಕವನ್ನು ಇನ್ನೂ ಬಹಿರಂಗಪಡಿಸಲಾಗಿಲ್ಲ. ಎರಡೂ ಫೋನ್‌ಗಳು ಉಚಿತ ಸ್ಕ್ರೀನ್ ರಿಪ್ಲೇಸ್‌ಮೆಂಟ್ ಮತ್ತು 1 ವರ್ಷದ ವಾರಂಟಿಯನ್ನು ನೀಡುತ್ತವೆ. ಇದು ಫೋನ್ ಖರೀದಿಸಿದ ದಿನದಿಂದ 100 ದಿನಗಳವರೆಗೆ ಮಾತ್ರ ಮಾನ್ಯವಾಗಿರುತ್ತದೆ.

itel A50 ಮತ್ತು itel A50C ಫೋನಿನ ಫೀಚರ್ಸ್‌

ಎರಡೂ ಫೋನ್‌ಗಳಲ್ಲಿ ಬಹುತೇಕ ಒಂದೇ ರೀತಿಯ ಫೀಚರ್ಸ್‌ಗಳನ್ನು ನೀಡಲಾಗಿದೆ. ಆದರೆ, itel A50C ಫೋನ್ 2GB RAM ಮತ್ತು 32GB ಸ್ಟೋರೇಜ್‌ ಆಯ್ಕೆಯೊಂದಿಗೆ ಬರುತ್ತದೆ. ಬ್ಯಾಟರಿ ಗಾತ್ರವು ಚಿಕ್ಕದಾಗಿದೆ, ಇದು 4,000mAh ಸಾಮರ್ಥ್ಯದ ಬ್ಯಾಟರಿ ಇದೆ.

ಈ ಸ್ಮಾರ್ಟ್‌ಫೋನ್‌ಗಳು 6.6 ಇಂಚಿನ IPS LCD ಡಿಸ್ಪ್ಲೇಯನ್ನು ಹೊಂದಿವೆ. ಇದು 1612×720 ಪಿಕ್ಸೆಲ್ ರೆಸಲ್ಯೂಶನ್, 60Hz ರಿಫ್ರೆಶ್ ರೇಟ್‌ನೊಂದಿಗೆ ಬರುತ್ತದೆ. ಈ ಫೋನ್‌ಗಳು Unisoc T603 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುತ್ತವೆ. ಇದು 8MP AI ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿದೆ. ಮುಂಭಾಗದಲ್ಲಿ 5MP ಸೆಲ್ಫಿ ಕ್ಯಾಮೆರಾ ಇದೆ.

itel A50 ಫೋನ್‌ 5000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿವೆ. ಇದು 10W USB ಟೈಪ್-C ಚಾರ್ಜಿಂಗ್ ಬೆಂಬಲದೊಂದಿಗೆ ಬರುತ್ತದೆ. ಎರಡೂ ಫೋನ್‌ಗಳಲ್ಲಿ ಸೈಡ್ ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಲಭ್ಯವಿದೆ. 4G VoLTE, ಡ್ಯುಯಲ್ ಬ್ಯಾಂಕ್ ವೈ-ಫೈ, ಬ್ಲೂಟೂತ್ 5.2, ಜಿಪಿಎಸ್ ಮತ್ತು ಡೈನಾಮಿಕ್ ಬಾರ್‌ನಂತಹ ವೈಶಿಷ್ಟ್ಯಗಳು ಇದರಲ್ಲಿ ಲಭ್ಯವಿದೆ.

ಐಫೋನ್ 13 ಮತ್ತು ಐಫೋನ್ 13 ಪ್ರೊ ಡಿಸೈನ್!

itel A50C ಸ್ಮಾರ್ಟ್‌ಫೋನ್ 2GB RAM ಮತ್ತು 32GB ಸ್ಟೋರೇಜ್ ಹೊಂದಿದೆ. ಇದು 4000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಎರಡೂ ಸ್ಮಾರ್ಟ್‌ಫೋನ್‌ಗಳಲ್ಲಿ ಆಂಡ್ರಾಯ್ಡ್ ಗೋ ಸಾಫ್ಟ್‌ವೇರ್ ಅಳವಡಿಸಲಾಗಿದೆ. itel A50C ಐಫೋನ್ 13 ನಂತೆ ಕಾಣುತ್ತದೆ. ಆದರೆ, itel A50 ಐಫೋನ್ 13 ಪ್ರೊ ನಂತಹ ವಿನ್ಯಾಸವನ್ನು ಹೊಂದಿದೆ.