ಜಿಯೋ ಫೋನ್ 2 ಬಗ್ಗೆ ಎಷ್ಟು ಗೊತ್ತು..? ಸ್ಮಾರ್ಟ್ ಫೋನ್ ಕೂಡ ನಾಚುವಂತಿದೆ..!

ಸೂಪರ್ ಡಿಸ್ ಪ್ಲೇ

ಜಿಯೋ ಪೋನ್ 2 ನಲ್ಲಿ 2.4 ಇಂಚಿನ QVGA ಡಿಸ್ ಪ್ಲೇಯನ್ನು ಅಳವಡಿಸಲಾಗಿದ್ದು, ಬ್ಲಾಕ್ ಬರೀ ಮಾದರಿಯಲ್ಲಿ ಡಿಸ್ ಪ್ಲೇ ಕಳಭಾಗದಲ್ಲಿ ಕೀ ಪ್ಯಾಡ್ ಅನ್ನು ನೀಡಲಾಗಿದೆ. ಇದು ಈ ಫೋನಿನ ಅಂದವನ್ನು ಹೆಚ್ಚು ಮಾಡಿರುವುದಲ್ಲದೇ, ಗುಣಮಟ್ಟದ ಫೋನ್ ವೊಂದನ್ನು ಹಿಡಿದ ಅನುಭವನ್ನು ನೀಡುವ ಸಾಧ್ಯತೆ ಇದೆ.

ಫುಲ್ ಸೋಶಿಯಲ್ ಮೀಡಿಯಾ

ಜಿಯೋ ಪೋನ್ 2 ನಲ್ಲಿ ಈ ಹಿಂದಿನ ಫೋನಿನಲ್ಲಿ 512MB RAM ಅನ್ನು ನೀಡಲಾಗಿದ್ದ ಮಾದರಿಯಲ್ಲಿಯೇ ಇದರಲ್ಲಿಯೂ ಅದೇ ಮಾದರಿಯ RAM ಇದೆ. ಇದಲ್ಲದೇ KaiOS ಅನ್ನು ಇದರಲ್ಲಿ ನೀಡಲಾಗಿದೆ. ಇದು ಗುಣಮಟ್ಟ ಸಾಫ್ಟ್ ವೇರ್ ಆಗಿದ್ದು, ಸೋಶಿಯಲ್ ಮೀಡಿಯಾಗಳನ್ನು ಬಳಕೆ ಮಾಡಿಕೊಳ್ಳುವ ಅವಕಾಶವನ್ನು ನೀಡಿದೆ.

128 GB ವರೆಗೂ ಸ್ಟೋರೆಜ್:

ಜಿಯೋ ಪೋನ್ 2 ನಲ್ಲಿ 4 GB ಇಂಟರ್ನಲ್ ಮೆಮೊರಿಯನ್ನು ನೀಡಲಾಗಿದೆ. ಇದರೊಂದಿಗೆ 128 GB ವರೆಗೂ ಮೆಮೊರಿಯನ್ನು ವಿಸ್ತರಿಸಿಕೊಳ್ಳಬಹುದಾಗಿದೆ. ಇದರಿಂದಾಗಿ ಹೆಚ್ಚಿನ ಡೇಟಾವನ್ನು ಇದರಲ್ಲಿ ಇರಿಸಿಕೊಳ್ಳುವ ಅವಕಾಶವನ್ನು ಮಾಡಿಕೊಡಲಾಗಿದೆ.

ಹೆಚ್ಚಿನ ಬ್ಯಾಕಪ್ ನೀಡುವ ಬ್ಯಾಟರಿ:

ಜಿಯೋ ಪೋನ್ 2 ನಲ್ಲಿ ಉತ್ತಮ ಬ್ಯಾಟರಿ ಬ್ಯಾಕಪ್ ಅನ್ನು ನೀಡಲಾಗಿದೆ. ಇದರಲ್ಲಿ ಹೆಚ್ಚಿನ ಬಾಳಿಕೆಗಾಗಿ 2000mAh ಬ್ಯಾಟರಿಯನ್ನು ಅಳವಡಿಸಲಾಗಿದ್ದು, ಇದು ಹೆಚ್ಚಿನ ಪ್ರಮಾಣದ ಫೋನ್ ಬಳಕೆಗೆ ಸಹಾಯವನ್ನು ಮಾಡಲಿದೆ ಎನ್ನಲಾಗಿದೆ. ಇದರಿಂದಾಗಿ ಬಳಕೆದಾರರು ಹೆಚ್ಚಿನ ಪ್ರಮಾಣದಲ್ಲಿ ಮೊಬೈಲ್ ಬಳಕೆ ಮಾಡಬಹುದಾಗಿದೆ.

ಎರಡು ಕ್ಯಾಮೆರಾ:

ಜಿಯೋ ಫೋನ್ 2 ನಲ್ಲಿ ಹಿಂಭಾಗ ಮತ್ತು ಮುಂಭಾಗದಲ್ಲಿ ಕ್ಯಾಮೆರಾವನ್ನು ನೀಡಲಾಗಿದೆ. ಹಿಂಭಾಗದಲ್ಲಿ 2 MP ಕ್ಯಾಮೆರಾವನ್ನು ನೀಡಲಾಗಿದೆ. ಇನ್ನು ಮುಂಭಾಗದಲ್ಲಿ VGA ಕ್ಯಾಮೆರಾವನ್ನು ಅಳವಡಿಸಲಾಗಿದ್ದು, ಫೀಚರ್ ಫೋನಿನಲ್ಲಿ ಇದನ್ನು ಬೆಸ್ಟ್ ಕ್ಯಾಮೆರಾ ಎನ್ನಬಹುದಾಗಿದೆ.