Lava Agni 4: ಸಂಪೂರ್ಣ ಮೆಟಲ್ ಬಾಡಿಯೊಂದಿಗೆ ಹೆಚ್ಚಿದ ನಿರೀಕ್ಷೆ!

ಭಾರತೀಯ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ ಲಾವಾ (Lava) ತನ್ನ ಮುಂದಿನ ಮಿಡ್-ರೇಂಜ್ ಸ್ಮಾರ್ಟ್‌ಫೋನ್ Lava Agni 4 ಅನ್ನು ಇನ್ನೇ ಬಿಡುಗಡೆ ಮಾಡಲು ಸಿದ್ಧತೆ ನಡೆಸುತ್ತಿದೆ. ನೆವಂಬರ್ ತಿಂಗಳ ಮೊದಲ ಅಥವಾ ಎರಡನೇ ವಾರದಲ್ಲಿ ಈ Lava Agni 4 ಸ್ಮಾರ್ಟ್‌ಫೋನ್ ಬಿಡುಗಡೆಯಾಗುವ ನಿರೀಕ್ಷೆ ಇದ್ದು, ಈಗಾಗಲೇ ಈ ಸ್ಮಾರ್ಟ್‌ಫೋನ್ ಕುರಿತು ಹಲವಾರು ಟೀಸರ್‌ಗಳನ್ನು ಕಂಪೆನಿಯು ಪ್ರಕಟಿಸಿದೆ. ಇತ್ತೀಚಿಗೆ ಕಂಪನಿಯು ಹೊಸ ಒಂದನ್ನು ಟೀಸರ್ ಪ್ರಕಟಿಸಿದ್ದು, ಮುಂಬರುವ ಈ Lava Agni 4 ಸ್ಮಾರ್ಟ್‌ಫೋನ್ ಸಂಪೂರ್ಣ ಮೆಟಲ್ ಫಿನಿಷ್ ಹೊಂದಿರುವುದನ್ನು ತೋರಿಸಿದೆ.

ಹೌದು, Lava ತನ್ನ ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಲ್ಲಿ "Forged from metal-because plastic dreams shatter" ಎಂದು ಹೇಳಿದೆ. ಈ ಹೇಳಿಕೆಯಿಂದಲೇ ಹೊಸ Agni 4 ಮೆಟಲ್‌ನಿಂದ ನಿರ್ಮಿತವಾಗಿರುವುದು ದೃಢವಾಗುತ್ತದೆ. ಟೀಸರ್ ಚಿತ್ರದಲ್ಲಿ ಹಾರಿಜಾಂಟಲ್ ಪಿಲ್-ಆಕಾರದ ಕ್ಯಾಮೆರಾ ಮೌಂಟ್ ಹಾಗೂ ಮೆಟಲ್ ಬಟನ್‌ಗಳು ಕಾಣಿಸುತ್ತವೆ. ಇದು ಈ ಹಿಂದಿನ ಮಾದರಿಗಳಿಗಿಂತ ಹೆಚ್ಚು ಪ್ರೀಮಿಯಂ ಲುಕ್ ನೀಡುವ ಸಾಧ್ಯತೆ ಇದೆ. ಗಮನಿಸುವುದಾದರೆ, ಈ Lava Agni 4 ಫೋನ್ Agni ಸರಣಿಯಲ್ಲಿ ಇದೇ ಮೊದಲ ಬಾರಿಗೆ ಮೆಟಲ್ ಫ್ರೇಮ್ ಅನ್ನು ಹೊಂದಿರುವ ಮಾದರಿಯಾಗಲಿದೆ.

Lava ಕಂಪನಿಯು ಇನ್ನೂ ಅಧಿಕೃತ ಮಾಹಿತಿಯನ್ನು ಹಂಚಿಕೊಂಡಿಲ್ಲದಿದ್ದರೂ, ಕೆಲವು ಲೀಕ್‌ಗಳ ಪ್ರಕಾರ Lava Agni 4 5G ಫೋನಿನ ವಿನ್ಯಾಸ ಮತ್ತು ಪ್ರಮುಖ ವೈಶಿಷ್ಟ್ಯಗಳು ಈ ಕೆಳಕಂಡಂತಿವೆ.

• ಹೊಸ Lava Agni 4 5G ಫೋನ್‌ನ ವಿನ್ಯಾಸವು ಹಳೆಯ LG ಸ್ಮಾರ್ಟ್‌ಫೋನ್‌ಗಳ ಹಾರಿಜಾಂಟಲ್ ಕ್ಯಾಮೆರಾ ಸೆಟಪ್ ನಂತಿರಲಿದೆ ಎಂದು ಹಲವಾರು ಟೆಕ್ ವರದಿಗಳು ಹೇಳುತ್ತವೆ.
• ಈ ಡಿಸೈನ್‌ನಲ್ಲಿ ಮಧ್ಯದಲ್ಲಿ LED ಫ್ಲ್ಯಾಶ್ ಜೊತೆಗೆ ಎರಡೂ ಬದಿಗಳಲ್ಲಿ ಕ್ಯಾಮೆರಾ ಸೆನ್ಸರ್‌ಗಳು ಇರಲಿವೆ ಎನ್ನಲಾಗಿದೆ.
• Lava Agni 4 5G ಫೋನ್‌ನಲ್ಲಿ 6.7 ಇಂಚಿನ FHD+ AMOLED ಡಿಸ್ಪ್ಲೇ ಮತ್ತು 120Hz ರಿಫ್ರೆಶ್ ರೇಟ್ ಇರಲಿದೆ. ಜೊತೆಗೆ ಹಿಂಭಾಗದಲ್ಲಿ ವಿಶಿಷ್ಟ ದ್ವಿತೀಯ AMOLED ಡಿಸ್‌ಪ್ಲೇ ಹೊಂದಿರಲಿದೆ
• ಹಿಂದಿನ Lava Agni 3 ನಲ್ಲಿ ಇದ್ದ ಕರ್ವ್‌ಡ್ ಡಿಸ್ಪ್ಲೇ ಬದಲಿಗೆ, ಈ ಬಾರಿ ಫ್ಲಾಟ್ ಸ್ಕ್ರೀನ್ ವಿನ್ಯಾಸ ನೀಡಲಾಗುವ ಸಾಧ್ಯತೆ ಇದೆ.
• ಕಾರ್ಯಕ್ಷಮತೆ ವಿಭಾಗದಲ್ಲಿ, Lava Agni 4 5G 5G ನಲ್ಲಿ MediaTek Dimensity 8350 ಚಿಪ್‌ಸೆಟ್ ಬಳಸಲಾಗುತ್ತದೆ ಎಂದು ವರದಿಗಳು ಸೂಚಿಸುತ್ತವೆ.
• Lava Agni 4 5G ಫೋನ್‌ನಲ್ಲಿ ಬ್ಯಾಟರಿ ವಿಭಾಗದಲ್ಲಿ ದೊಡ್ಡ ಅಪ್‌ಗ್ರೇಡ್ ನಿರೀಕ್ಷಿಸಲಾಗಿದೆ . ಇದರಲ್ಲಿ 7,000mAh ಕ್ಕಿಂತ ಹೆಚ್ಚಿನ ಸಾಮರ್ಥ್ಯದ ಬ್ಯಾಟರಿ ಇರಬಹುದು ಎಂದು ಹೇಳಲಾಗಿದೆ.
• ಫೋಟೋಗ್ರಫಿ ಪ್ರಿಯರಿಗೆ, Lava Agni 4 5G ನಲ್ಲಿ 50 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಸೆನ್ಸರ್ ಇರಬಹುದು. ಸೆಲ್ಫಿ ಕ್ಯಾಮೆರಾ ಹಾಗೂ ವೀಡಿಯೊ ರೆಕಾರ್ಡಿಂಗ್ ವಿಭಾಗದಲ್ಲಿಯೂ ಉತ್ತಮ ಸುಧಾರಣೆ ನಿರೀಕ್ಷಿಸಲಾಗಿದೆ.
• ಇಷ್ಟೇ ಅಲ್ಲದೆ, ಈ ಫೋನ್ AI ಆಧಾರಿತ ಫೋಟೋ ಸಂಸ್ಕರಣಾ ತಂತ್ರಜ್ಞಾನ ಮತ್ತು ಇತರೆ AI ಪೀಚರ್‌ಗಳನ್ನು ಒಳಗೊಂಡಿರುವ ಸಾಧ್ಯತೆ ಇದೆ.
• 

ಲಾವಾ ಈಗಾಗಲೇ ತನ್ನ Agni ಸರಣಿಯ ಮೂಲಕ ಮಧ್ಯಮ ದರದ 5G ಸ್ಮಾರ್ಟ್‌ಫೋನ್ ವಿಭಾಗದಲ್ಲಿ ಉತ್ತಮ ಸ್ಥಾನವನ್ನು ಪಡೆಯಲು ಯಶಸ್ವಿಯಾಗಿದೆ ಎನ್ನಬಹುದು. ಸುಮಾರು ಒಂದು ವರ್ಷದ ಹಿಂದೆ, ಕಂಪನಿಯು ₹20,000 ಬೆಲೆಯ ಶ್ರೇಣದಲ್ಲಿ Lava Agni 3 5G ಮಾದರಿಯನ್ನು ಪರಿಚಯಿಸಿತ್ತು. ಈ ಫೋನ್‌ನಲ್ಲಿ 1.5K ಬಾಗಿದ AMOLED ಡಿಸ್ಪ್ಲೇ, MediaTek Dimensity 7300X ಚಿಪ್‌ಸೆಟ್, 50MP ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್‌ (8MP ಟೆಲಿಫೋಟೋ + 8MP ಅಲ್ಟ್ರಾ-ವೈಡ್ ಲೆನ್ಸ್), 16MP ಸೆಲ್ಫಿ ಕ್ಯಾಮೆರಾ ಮತ್ತು 5000mAh ಬ್ಯಾಟರಿ ಜೊತೆಗೆ 66W ಫಾಸ್ಟ್ ಚಾರ್ಜಿಂಗ್ ಬೆಂಬಲ ದೊರಕುತ್ತಿತ್ತು. ಇದಲ್ಲದೆ, ಡಾಲ್ಬಿ ಅಟ್ಮಾಸ್ ಆಡಿಯೋ ಮತ್ತು IP64 ಧೂಳು/ನೀರಿನ ರಕ್ಷಣೆಯಂತಹ ಪ್ರೀಮಿಯಂ ವೈಶಿಷ್ಟ್ಯಗಳು ಕೂಡ ಸೇರಿಕೊಂಡಿದ್ದವು. ಇದೀಗ ಹೊಸ Lava Agni 4 ಬಿಡುಗಡೆಯ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ.